¹ Fifiɛ tsi nukplaviwo hɛnhlɛnmɛ sugbɔa, juifo tsiwé so Grɛse wo tɔ línxuín lunlun ȡo hébratɔwo ŋtsi, ȡo oȡigbɔ ahosi otɔwo lé gbésiagbé o nuȡuȡu mama mɛ. ² Apotri wuivéɛwo yɔ nusrɔnviɛwo yi wo tonɔn wo be," ŋȡé nyɔn nɛ mi be mia tasi mawunyɔn ȡaȡɛ ava sumɔn amɛwo le éklɔnŋtsi. ³ Nɔnviwo, mi tsan amɛ amadrɛ tsi ŋtsi ȡasé ȡuȡu nyui lé , tsiwué ȡɔ ku gbɔngbɔn kudo énunya le miaŋtɔwo domɛ nɛ wa kpɔ énu mama gbɔ. ⁴ Exɔ̂a miɔwoyɛ mi la kpɔtɔ nɔn gbédoȡa kudo aŋɛnyuiɛn mama dji" ⁵ Ðoȡoɔ djéŋ nɛ éha kéŋkéŋ. Exɔnmɛa wo tsan Etienne, ŋsu tsi ȡɔ ku xɔsé kudo gbɔngbɔn kɔkɔɛ, Filipo, Proshore,Nikanor, Timɔn, Parménas kudo Nikola, Prosélyte tsi so Antiɔshe. ⁶ Wo sɔ wo ȡo ŋmɛ nɛ apotriɛwo, wo dogbéȡa ȡo wodji yi wo ȡo asi éta nɔn wo. ⁷ Mawunyɔn lɔ kankan ȡo édji kpi; yi énukplaviwo hɛnhlɛnmɛ trɔ sugbɔ ȡo édji kpi lé jéruzalɛm; nɛnɛkéa avɔsatɔ sugbɔ sétonu lé xɔsémɛ. ⁸ Etienne tsi ȡɔ ku amɛnuvévé kudo ŋsɛa tɔ amlimanuwo ganwo kudo djésio wawa lé dukɔa domɛ. ⁹ Vɔa amɛȡéwo so éha tsi oyɔnɔn bé Libertine tɔwo, syréniens kudo Alexandri tɔwo, kudo amɛȡéo tsi so Silisi kudo Asia. Amɛtsɛwo lé énu dɔ̂ɔ kudo Etienne. ¹⁰ Vɔa wo ŋȡetɛŋ nɔté le nunyan ku gbɔngbɔn tsimɛ Etienne lé sɔlé nuxoxoɔ wo. ¹¹ Yi, wo tɛȡo amɛȡéwo dji be wo nɛ nu be:" mi sé Etiennele busu nyɔnwo nuɔ so Moise kudo Mawu ŋtsi. ¹² Wo na dukɔ̂a, amɛganwo kudo énufiatɔwo sité ȡo Etienne ŋtsi, wo li yi wo kplɔɛ yi kodjo ȡoxué. ¹³ Wo ȡo ȡaséȡutɔ vuɛnȡiwo ȡoȡa tsi wo nu be:" Ŋsu tsɛ lé nuxo baȡa xoɔ so téxué kɔkuɛ tsɛ ku éséɛ ŋtsi. ¹⁴ Mi sé yi nu be Yésu Nazarɛtitɔ la gban nɔnxué tsɛ ku énu sɛnsɛn tsi wo Moizi fia mi wo." ¹⁵ Amɛtsiwo lé téxuɛmɛwo fɔ ŋkuvi ȡo édji yi wo kpɔ be yio ŋmɛ ȡi mawu o tsikplɛtɔ.