¹ Gatsimɛ Pierre kudo Ejan le nuxoxoɔ nɛ dukɔ̂a, avɔsatɔwo, sadukitɔwo kudo gbédoȡaxɔ dji kpɔtɔ wo va. ² Wo bidji ȡo Pierre kudo Ejan lé énu fiaɔ kuȡo Yésu Kristo ŋtsi yi wo lé gbéfâ ȡéɔ yio fɔ̂fɔ̂ so amɛkukuo domɛ. ³ Wona be o léo do gakpamɛ; wo nɔnxɔn sɔna yio ŋkégbe ȡo ézan dovɔ. ⁴ Vɔa lé amɛtsiwo sé ényɔnlɔ womɛa, amɛsugbɔ xɔsé yi wo hɛnhlɛnmɛ la nɔn agbétɔ kotokun atɔn. ⁵ Eva vaémɛ lé yio ŋkégbé be, wo fiɔwo, amɛganxowo kudo ésé fiatɔwo vabɔ ȡo Jésuzalɛm. ⁶ Anne, amɛtsi nyi avɔsatɔgan lé xɔn, Kaifa, éjan, Alesandro kudo amɛtsio so avɔsatɔgan o xomɛ mɛ. ⁷ Tsi wo kplɔ Pierre kudo Ejan va agunmɛ, wo biɔ be: " ŋsɛn alo nyikɔ ŋȡé mɛ mi lé énutsɛo waɔlé?". ⁸ Gaxoxoxɔn mɛa, Pierre ȡɔ kudo gbɔngbɔn kɔkɔɛ yi tonɔn wo be: " mia dukɔn dji kpɔtɔwo, kudo amɛ shinshinwo, ⁹ nɛ égbɛ olé ényɔn biɔ mi sé sɔ kuȡo ényui tsi o wanin amɛȡé dɔnɔn tsi nyin dɔnɔn bé mia ȡé yio dɔyɔyɔ kpɔkpɔ o gɔnmɛa. ¹⁰ Emɛ nɛ kɔ nɛ miɔwo kudo amɛtsiwo keŋkeŋ lé Izraɛl, bé Yésu Kristo nazarɛtitɔ o nyikɔmɛ, amɛtsi miɔwo mi ka ȡo atsisoga dji, amɛtsi mawu fɔn so amɛkukuwo domɛ, yɛ dji yi amɛtsɛ lé été lé lanmɛsɛnmɛ lé ŋkɔ nɛ mi. ¹¹ Yésu Kristo yi nyi ékpé, tsi éxɔ tutɔwo sɔ daŋkpín vɔa égbɛa étrɔzun zogodji kpé. ¹² Ðéȡékpɔkpɔȡé ŋȡé lé amɛb uȡémɛ alo nyikɔ bu ȡé ŋȡé lé djiŋkusi alo tsi o na amɛgbétɔwo tsimɛ mi lato akpɔ ȡéȡéo. ¹³ Etsi wo kpɔ Pierre kudo Ejan wo kankanȡodjia, wo kpɔwo be wo tovo yi wo buwo amɛ manyanuwo, wo ke yaa, yi duidjési be wo nɔn kudo Yésu. ¹⁴ Etsi o kpɔ amɛtsi nɛ kpɔ dɔyɔyɔa lété kudo woa, yudatɔo ŋȡé gbé kpɔ ényɔnȡé to so woŋtsio. ¹⁵ Eyomɛa wo ȡémɔn nɛ apotriɛwo be woa djo lé kodjo ȡoxuéɛ, yi wo déŋglé lé wo nɔnuiwo domɛ. ¹⁶ Wo tɔnunu be: "ŋȡé mi la wa nɛ ŋsu tsɛwo? togbɔ be yéruzalɛm tɔwo kéŋ kpɔ ŋkunutsɛ yi wo duidjésia; mi ŋȡa tɛŋ gbé sɛnu lé ŋtsio. ¹⁷ Vɔa ŋȡé nyɔn be yagbé yiédji a kankan ȡo duɔmɛo, mia dosé nɔnwo nɛ ŋgbégbé xonuxo nɛ amɛȡé lé nyikɔtsɛ mɛo". ¹⁸ Wo yɔ Pierre kudo Ejan yi wo dosé nɔn wo be woŋgbé gbé xonuxo alo afianu t yésu o nyikɔdjio. ¹⁹ Vɔa Pierre kudo Ejan ȡoŋtsi nɔn wo be:"mi drɔɛ kpɔ lé miaȡokuiwo mɛ, nɛ ényɔn lé mawu o ŋmɛ be wa ȡoto miɔwo sɔ wu yɛa. ²⁰ Ðo mi ŋȡé kpéŋtsi la dokpo nuxo xoxo so énutsi miɔŋtɔ mi kpɔ yi mi séa ŋtsio". ²¹ Etsi wo ȡo gbékpowoa, wo ȡé asi lé woŋtsi. Wo ŋȡé nyan ényɔntsi wo la sɔ ȡowoŋtsi asɔ hɛn éto nɔnwo, ȡo dukɔnlɔ keŋkeŋ le mawu kafuɔ so énutsi djɔlɔ ŋtsi. ²² Ŋ̀su tsɛ tsi kpɔ ŋkunu dɔyɔyɔa ȡo éxué amɛka toŋtsi. ²³ Etsi wo ȡéasi lé woŋtsia, Pierre kudo Ejan djoyi wotɔo gbɔ yi wo ȡé ényɔn tsio keŋkeŋ avɔsatɔwo kudo dumɛ mɛgan to nɔo woa nɔn wo. ²⁴ Etsi wo sé gbéȡoȡoa, wo keŋkeŋ kɔ wo gbé yidji nɛ mawu be:" axuétɔ, éwo tsi ȡo djiŋkusi, anynigban, axu kudo énutsiwo kéŋkéŋ lé wo mɛa, ²⁵ éwo tsi nɛ to gbɔngbɔn kɔkɔɛdji, to miatɔ David axo dɔla o numɛbe:" énu manyɔnmanyɔn tsiŋȡé tsɛ le djɔdjɔ lé trɔn sumɔnlawo domɛ yi dukɔ̂a lé tamɛ susu gbalowo ȡéɔ?". ²⁶ Anyigban dji fiɔwo sité, yi fiɔviwo sité ȡo axuétɔ kristo ŋtsi. ²⁷ Nyawoa, évaémɛ be Hérodu kudo Ponsu Pilatu lé édu nɔ̂nɔ̂mɛ kudo Izraɛl dukɔ̂a ku dukɔn buwoa, wo sité ȡo amɛdɔdɔ tɔo yésu ŋtsi, amɛtsi o si ami na, ²⁸ be yéwo awa unutsi alɔtɔo kudo aȡaŋ tɔwo ȡo ȡoanyi nɛ ya kpɔ émɛvava. ²⁹ Fifia, Axuétɔ, kpɔ siasia ku vɔnvɔn tsi wo sɔ lé ŋmɛ ȡoɔ nɔn sumɔnvitɔo wo yi na nami kankanȡodji nɛ mia dégbéfan ényɔn tɔwo. ³⁰ Lé alɔ vlũnvlũn mɛa, nanɛ édɔyɔyɔ nɛva émɛ, djésio kudo ŋdânuwo nɛva émɛ to sumɔnvio Yésu o nyikɔmɛ. ³¹ Etsi wo wu gbédoȡa nua, afitsi wo bɔ ȡodu léa hũnhũn, yi wo ȡɔ kudo gbɔngbɔn kɔkɔɛ, yi wo lé gbéfan ȡéɔ mawu o nyɔnlɔ ku djido. ³² Amɛtsiwo xɔséa wa ȡéka le édji ȡéka, ékla ȡéka mɛ: yi amɛȡé ŋȡé gbé lé nunuɔ bé énunɔ̂amɛsi ȡé nyi yéŋtɔ tɔo. Vɔa énuwokeŋ nyi amɛsiamɛtɔ. ³³ Ŋsɛn ganȡé mɛ yi apotrio nɔn sɔ ȡégbéfan ȡasé ȡuȡu so fɔnfɔn so éku axuétɔ Yésu tɔ, yi amɛnuvévé ganȡé su wosi. ³⁴ Ehianmɛ ȡékpékpi ŋȡé lé womɛo, yi amɛtsiwo ȡo énunɔ̂amɛsi sigbé anyigban alo axué nɛnɛa, wolé o saɔ yi wo sɔ yi wo sɔ énutsi wo sa wo ga lé vavaɔ ³⁵ wolé o xoxuɔ ȡo apotriwo gbɔ. Wolé mamiɔlé xɔsétɔwo domɛ sɔ kuȡo amɛȡékaȡéka o hian ŋtsi. ³⁶ Joseph, Lévitetɔ tsi so Shypre, tsi apotriwo ȡo nyikɔ na be Barnabas (tsi gɔnmɛ nyi akɔfavi) ³⁷ ȡo anyigban ȡe tsi yi sa, yi sɔ yio ga va kɔȡo apotriwo gbɔ.