¹ Pierre kudo Ejan zɔ̂n yi gbédoȡa xɔmɛ lé kuifâ gamɛ, gaxoxo asiȡékɛ gɔ̂a mɛ. ² Ŋsuȡé nyi azonlí mazɔntɔ so djidjimɛ, o kɔní gbésiagbé sɔ va danɔnȡo gbédoȡaxɔ lɔ o hɔntru tsi oyɔnɔn be ényui dji, éxɔ̂a la tɛŋ djɔnɔnu lé amɛtsiwo va nɔn gbédoȡa xɔlɔmɛ wo si. ³ Tsinɛ yi ikpɔ Pierre kudo Ejan lé gbédoȡa xɔamɛ ȡoa, e biɔnu wo. ⁴ Pierre hín ŋku ȡo ŋkuvimɛ ni, yi kudo Ejan, yi i to be: "kpɔmi ȡa". ⁵ Ŋ̀su azɔ̂lín matakluiɛ kpɔwo, élé ŋȡomɛ be yéla kpɔ énuȡé so wogbɔ. ⁶ Vɔa Pierre to bé: " Nyɛŋȡé ȡo sika alo klosalo o, vɔa énutsi lé asinyɛa, na sɔɛ sɔnɔn. Le yésu Kristo Nazareti o nyikɔ mɛa, zɔn." ⁷ Tsi Pierre lé ȡusilɔ yitɔa, éli sité, yi zéȡéka afɔ yitɔwo vlũn yi ŋsɛn ȡo afɔkpo yitɔwo mɛ. ⁸ Esité lé ékpotitimɛ tɔ azɔnlín zɔnzɔn; ézɔn kudo Pierre ku édjan géȡo gbédoȡa xɔamɛ, lé azɔnlín dji, lé ékpo tiɔ, lé mawu kafuɔ. ⁹ Eduɔ keŋkeŋ kpɔ be élé azɔnlín zɔn lé mawu kafuɔ. ¹⁰ Wo dui djési be ŋsu tsi nɔ̂nɔ̂ anyi lé gbédoȡaxɔ o hɔn tsi oyɔnɔ̂ be ényuiɛ yi nɔ̂nɔ̂ énu yɔ; ékpatsa wo, yi édji djɔwo so énutsi wo vanio ŋtsi. ¹¹ Tsi Piyɛ ku jan wo ŋde le djodjokɔ olɔ ekpatsa axɔtawo yi wolɔdu va wogbɔ le agboɔdji yi nube ŋtsifafa. ¹² Piyɛ kpɔ enu xɔnwo yi nu nɔn akɔta be:Ŋsu izraɛlitɔwo, ŋde wa mi le enu kpatsamɛ?ŋde wa mi le mia kpɔkɔ shigbe to ŋsin mia tɔmɛ alo djiɔdjɛ nyin nyin miatɔ ŋtsi yi amɛwo le zɔn zɔn kɔ ɖo? ¹³ Abraham, Izaki kudo jakɔbu wo mawu, mia tɔgbiwo mawuɔ, kɔ yio sumɔ̂vi yésu ŋtsi. Amɛtsi ŋtsi mi ȡé asi lé yi gbi lé Pilato ŋkɔ gatsimɛ yɛ djro la ȡasi. ¹⁴ Mi gbé amɛtsi nyi kɔkɔɛ kudo djɔdjɔɛ mɛa, yi mi biɔ be wa déga amɛwutɔa nɛ yéwo. ¹⁵ Mi wu agbé o fiɔviɛ; Amɛtsi mawu fɔn so amɛkukuwo domɛ; amɛtsi o ȡasé ȡutɔwo mi nyin. ¹⁶ Fifiɛa, xɔsé ȡoȡo ȡo yio nyíkɔ ŋtsi yi do ŋsɛn ŋsutsɛ tsi kpɔ mi lé, tsi mi djési nyuiȡé. Ɛn, xɔsé yitɔ ȡo kristo ŋtsi, na ikpɔ dɔyɔyɔ blibo lé ŋkɔ nɔn mi. ¹⁷ Fifiɛa, nɔnviwo, ŋnyâ be wa énuwo lé manya mɛ, éfiɔ miatɔ wo tsân. ¹⁸ Vɔa énutsi mawu nudaȡɛ to yio nyɔnuȡaȡɛtɔwo djia, yi nyibe yio kristo nɛ kpéfũ, éwu énu. ¹⁹ Yiŋtsia, mi trɔ djimɛ, nɛ wa tutu mia nuvuinwo djo, nɛ akɔfa gamɛwo nɛ su miasi to Yésu dji. ²⁰ Yiŋtsia éla ȡo kristo Yésu tsi wo ka ȡo miata ȡoȡa mi. ²¹ Amɛtsi liliwo ȡo la xɔ, yi la lé daȡɛ kaka va sɛn énuwo keŋ o ȡɔȡɔdo, tsi ŋtsi mawu xonuxoso le blémamɛ to nyɔnudaȡɛtɔ kɔkuɛwo numɛ. ²² Moyizi nubé:" Mawu la nâ yi ényɔnuȡaȡɛtɔ sigbé ényɛ nɛnɛ la to so mia nɔnviwo domɛ. Mi la ȡoto ényɔn tsiwo keŋkeŋ yi la to nɛ mi." ²³ O la tsrɔn amɛtsi ŋȡa ȡotuiowa le dukɔ̂a domɛ. ²⁴ Ɛn, yi nyɔnudaȡɛtɔ tsiwo xonuxo so Samuɛl dji kaka va na fifiɛ wo dé ŋkékétsɛ wo ȡo go. ²⁵ Mi nyi nyɔnudaȡɛ tɔwo viwo, yi to ézo tsi Mawu ȡu kudo mia tɔgbiwoa, sigbé létsi yilé nunuiɔ nɛ Abraham nɛnɛ be: " To xomɛtɔwo djia, ola yra anyigbâdji xomɛwo keŋkeŋ." ²⁶ Eyomɛa Mawu fɔn yio sumɔnvi ȡoté, édui ȡoȡa mi djéŋkɔ, nɛ ya tɛŋ yra amɛtsiwo la trɔ lé wo wana manyɔmanyɔ yomɛ.