¹ Tsinɛ ɖoɖoa va be miaɖo huã sɔyi Italia lɔ, wosɔ Pɔlu kudo gamɛnɔtɔ buwo sɔna sɔdjamɛgan Juliusi tsi kpɔnɔ sɔdja. alɔfa dji tsiso asrafo Augusti tɔ mɛ. ² Miɖo aklo tsi woyɔnɔ be Adramiti, tsinɛ ɖola to Italia yo go ŋtsi. Midjo le xɔn; Aristarki, Makedoniatɔ so Tɛsaloniki tsan klɔ miado. ³ Tsi nuke lɔ, midre ɖo Sidon, yi Julisi, kɔ dɔmɛ ɖo Pɔlu ŋtsi lɔ, ɖemɔ nii benɛ yayi xɔnlɔnwo gbɔ nɛ woakpɔgbɔ. ⁴ So bxɔnlɔ, mizɔn to shipri yo agoŋtsi, ɖo aya dogomi. ⁵ Yinɛ mito Sisili kudo Pãfili xuamɛ yinɔ lɔ, mivaɖo Mira Lasi tɔ. ⁶ Yi so xɔn lɔ, sɔdjamɛgan kpɔ Alɛssanri yo aklo tsi tuta Italia.E sɔmi domɛ. ⁷ Akloa zɔn ɖɔɖɔɖɔ ŋkeke gueɖe. Midjo kudo akloa ɖɔɖɔɖɔ yi ŋde fa gbɔxoe miɖo Snide, vɔ aya ŋdemɔ nɛ mi be miayi ŋk; yi mi to krɛti yo gɔmɛ le Salomɛ gbɔ. ⁸ Mi ɖu aya mi zɔn to agoŋtsi va ɖo texoɛ ɖe tsi wo yɔ be " Ehundjexoe. Tsi gogo Lase dua gbɔ. ⁹ Gaxoxo gbogboɖe vayi yi tɔadji zɔzɔ va ɖo vɔvɔn, ɖo nublabla yo ŋkekeɛ ŋtɔnyan vayi xoxo. ¹⁰ Pɔlu siawo to be: nɔvinyɛwo, ŋkpɔ be mɔzɔnzɔn lɔ ŋde dja nyɔn nɛ agbanwo kudo aklo lɔ, ke miaŋtɔ tsan mile mɛ. ¹¹ Ganke sɔdjamɛgan kanɖo aklokutɔlɔ kudo aklotɔlɔ dji sɔwu Pɔlu. ¹² Sɔwu lɔ, ehundjexoɛ ŋde nyɔn be nɛ woadrɛ O, amɛgbogboɖe lɔn be yeoadjo yi Fenisi Krɛti yo hundjexoe tsi le djigbe - wuetoɖoxoe kudo gɔmɛ- wuetoɖoxoe be yewoa nɔxɔn le vivɔgamɛ. ¹³ Tsi gɔmɛ ya fɛfɛ ɖe xo lɔ, wo bube yo agbewo le alɔmɛ nɛ yewo, yi woho tuta krɛti yo tɔnu. ¹⁴ Vɔ gaxoxo viɖe yo ŋgbodomɛ lɔ, aya sĩnsĩn ɖe tsi wo yɔnɔ be Erakilɔn ho ɖo axua dji. ¹⁵ Edɔn akloa yi sigandji ɖo ŋda tinŋ nɔteɖe aya yo ŋkɔ, ke mi ɖasii yi yidɔn mi. ¹⁶ Ke mi vayi to anyigbantɔ ɖe tsi wo yɔnɔn be Koda yo gɔmɛ, xɔn yi mi dje agbagba le be miale tɔdjihun vi tsi wo sɔ ɖenɔn amɛkutɔkuwo. ¹⁷ Yi mi hin ɖodji, sɔ eka le aklo lɔ ɖote. wo vɔn ŋtɔ be akloa lɔ layi sike le Sirte, yiŋtsi wo ɖiɖi akloa yo avɔwo yi aya yile akloa tutuɔ. ¹⁸ Huzuhuzu(aya sĩnsĩn) xo mi ŋkeke lɔ, aklotɔwo lɔ aɖakagowo sɔ danŋkpin ɖo tɔmɛ. ¹⁹ Ŋkeke tɔn gbe lɔ, misɔ miaŋtɔ miagbanwo danŋkpin ɖo axua mɛ kudo mia lɔwo. ²⁰ Tsinɛ ewe kudo wetriviwo ŋde zeɖo miadji ŋkeke gbogboɖe O yi aya sĩnsĩn kpɔtɔ le mia xoɔ lɔ, mibu xose be milagbe gan. ²¹ Tsi edjidji be amɛwo ŋde ɖu nu olɔ, Pɔlu nɔte ɖo aklotɔwo dodomɛ yi nu be: " Tɔnyɛwo, nɛ ɖe mi ɖotoŋ yi miŋde ho le Krɛti olɔ, elanyi be fukpekpe tsɛwo kudo gbegble tsɛ wo ŋda va mia dji O. ²² Fifiɛ lɔ , ŋdji be ma do ŋsin mi be mia djiwo nɛdje mɛ be amɛɖekpe ŋda ku O. Ke aklo lɔ kpoi la tsrɔn. ²³ Ezan tsɛ me lɔ , Mwudɔla ɖe tsi tɔ yi ŋnyi kudo tsi ŋsubɔnɔn lɔ vaze doŋ, ²⁴ yi nu be :"Pɔlu ŋgbe vɔn, ayi Kayizaro yo ŋkumɛ O , yi kpɔ Mawu sɔ amɛtsiwo kpata le aklo tsɛ mɛ sɔ nawo. ²⁵ Yiŋtsi tɔnyɛwo, mi ŋgbe vɔn O, ɖo ŋɖo ŋɖo xɔse ɖo Mawu dji be nya tsi nu lɔ lakpɔ emɛvava. ²⁶ Vɔ mi la sike ɖo anyigban tɔ (Íle) ɖe dji." ²⁷ Tsi ŋkeke wenɛ gɔnlɔ ɖo lɔ, tsi aya lɔmi ɖo nu le Adriatiki yo xua mɛ lɔ, le zandomɛa, aklokulawo kpɔɛ dodjesi be migogo anyigban lɔ; ²⁸ Woda madeɛ (sonde) yo kpɔ abɔ amɛwui. Le ŋkɔ ɖaa lɔ wokpɔ abɔ woeatɔn. ²⁹ Wo vɔn be aklolɔ layi tukpe, woda segue- gakpo amɛnɛ, kudo kuenyifafan be enu nɛke kabakaba. ³⁰ Tsinɛ ɖɔkahintɔwo le djidjiɔ be yeosi, yiwo sɔ tɔdjihuawo daɖo9 axuɔ mɛ , vɔ yinyi be ³¹ sisi yo susu yi le tamɛnɔwo l, Pɔlu tonɛ sɔdja amɛgan kavetakpo djikpɔla kudo sɔdja amɛgan kavetakpo dji kpɔla kudo sɔdjawo be :" Nɛ amɛxɔnwoŋ ŋde nɔ huan mɛ. ³² Sohɔndji sɔdjawo so kanɛ tɔdjihuanwo, yi wo dje axua mɛ. ³³ Tsinɛ ewue le zezeɔa, Pɔlu do ŋsin wo be woaɖu nu. Ebe: " Egbɛ yinyi ŋkeke wuvɔve ke yi mile nublabla mɛ, gbe be yoŋda ɖu nu O. ³⁴ Ŋle kukuɖeɔ nɛ mi be mia ɖu nu ɖo etsɛ le veveɖe nɛ mia agbe , yi amɛɖekpe yo ɖa kuiɖeka ŋda gin le ta nii O. ³⁵ Tsi wu nya hɔn nu lɔ, esɔ akpɔnɔn, da akpe nɛ Mawu le wo keŋkeŋ yo ŋmin, yi yikan akpɔnɔn lɔ yi tɔ ɖuɖu. ³⁶ Sohɔndji wotsan wo dji djemɛ yi woŋtɔ wo ɖu nu. ³⁷ Minyi hinhlinmɛ kadin takpo le akloɔ mɛ. ³⁸ Tsi wo ɖunu nyuiɖe vɔ lɔ, wo sɔ atsiku tsi wo sɔ tunɔ yovowɔ( blé) sɔ danŋkpin ɖo axua mɛ be aklo lɔ nɛ fo. ³⁹ Tsi nuke lɔ, wo ŋde kpɔ anyigban lɔ djesi O, vɔ wokpɔ axutakɔ ɖe, yi wo ɖesusu be nɛ yewo akpeŋtsi lɔ, yewo atrɔ akloa ayi. ⁴⁰ Wo ɖe ka nɛ segueɛwo daɖo axuɛ mɛ, yi wotu ka nɛ badeɛ tsan zeɖeka, yi wodo avɔwo kpe aya tuta ago. ⁴¹ Vɔ wo kpɔ texoe ɖe tsi shifia eve wo dogo le xɔn yi aklo lɔ shike, yi huan ta tsi mahuanmahuan, tsimɛ huan gɔmɛ gban le shifia yo ŋsin mɛ. ⁴² Sɔdjawo ɖo gbedu be yewoa wu gamɛnɔtɔwo, ɖo vɔnvɔnŋtsi be amɛɖe la xusi yi la si. ⁴³ Vɔ sɔ sɔdjamɛgan tsi kpɔnɔ sɔdjawo, dji, tsi djibe yana Pɔlu nɛtsi agbe lɔ, ŋde daasi ɖe dji O. Eɖe gbe nɔwo be amɛtsi la tinŋ axu siɛ lɔ nɛ djemɛ tutugban adjeago, ⁴⁴ yi amɛkpɛtɛwo nɛnɔ agbogbloɔwo dji alo akloa yo gakpo kankan wo dji. Yi amɛsiamɛ dje ago fɛfɛɖe.