¹ Gatsimɛ yi ruɛn mi vɔlɔ,mi va nyan be ekpo etɔmɛ tɔlɔ yi wo yɔ nɔn be Malte. ² Egbe bu tɔwo ɖe kunnu adodui ɖeknmɛ; wo xɔ mi ɖo emiɔ ganɖe gbɔ,tsi wo do ɖo edjidja yi fafa le. ³ Pɔlu elɔ egbe xuxu ɖewo sɔ kɔɖo emiɔmɛ, yi zakpata ɖeka tolemɛ ɖo zozo li yi blado alɔ nyi. ⁴ Tsi egbe butɔwo zakpatalɔ yi blado alɔ nyi lɔ,wo nu nɔn wo ɖekiwo: nyan wl lɔ amɛ xɔn lɔ amɛ xutɔ yɔ,ɖo djɔdjɛ ŋde tashi be ya nɔn agbeo,gatsimɛ yi wo ruɛn le ahudji o. ⁵ Pɔlu huɔn huɔn elan lɔ ɖo emiɔ mɛ yi ŋde gbe se veviɖeo. ⁶ Amɛ xɔn le ete be ye wo akpɔ be elɔ la tɛnnyi alo ela djeanyi akumɛ,tsi wo nɔnte nɔn gaxoxo sugbɔ yi wo kpɔ be ŋɖe ŋde wuɛo lɔ wo trɔ gbeta yi nu be mawu yi nyi. ⁷ Yi ke le ŋtoɔmɛ xɔn lɔ,anyingban ɖeka le xɔn yi nyin amɛ tsi kpa nɔn ekpo etɔlɔ tɔ,amɛ tsi wo yɔnɔn be Publius.Exɔ mi ku lɔnlɔn adodui kaka nan ŋkeke amɛtɔn. ⁸ Eva mɛ be Publius tɔlɔ ele vivɔdɔ ku adɔmɛdɔ.Tsi Pɔlu yi gbɔ lɔ evlɔn alɔ yi dogbeɖa nyi yi edɔlɔ gbɔndjin. ⁹ Le enu xɔnwo godolɔ,amɛ tsiwue djidɔwo va ekpodji yi wo kpɔ edɔ yɔyɔ. ¹⁰ Akɔtalɔ sɔ ashi xɔxɔ sugbɔ nan mi.Gatsimɛ mi le egbe sɔsɔ yi la djolɔ wo nan mi enu tsiwo hian mi wo. ¹¹ Le wlesti tɔn godoa mi ɖo mɛnlin tsi wo yɔbe nɔnvi togbo yi vivɔmɛ kaka yi ɖo etɔ kpoɔ dji. ¹² Sɔ yi djilɔ mi ɖo edu yi wo yɔbe Syracuse,yi mi nɔn xɔn nɔn ŋkeke tɔn. ¹³ To xɔn lɔ mi djo yi va yi ɖo edu tsi wo yɔ nɔn be Reggio.Le ŋkeke ɖekamɛ lɔ aya ɖe xo so axu kpadji yi le ŋkeke amɛve godolɔ mi va yi ɖo edu Puzzoles tɔmɛ. ¹⁴ Mi kpɔ nɔnvi tsi wue yɔ mi be mia nɔn yewo gbɔ nɔn ŋkeke amadrɛ wo.Exɔn mɛ yi mi va ɖo Rome nɛn. ¹⁵ Le xɔn lɔ nɔnvi tsiwo yi xoto mia nyɔn nan wolɔ wo va dogomi yi le ashimɛ. Tsi Pɔlu kpɔ nɔnviɛwo lɔ edo akpe nɔn mawu yi gbe do ŋsin ɖekiɛ. ¹⁶ Gatsimɛ mi nɔn Roma lɔ wo nan gbe Pɔlu be ya nɔn ɖekiɛ shinuɔn ku sɔdja tsi la tsɔɛ. ¹⁷ Yi sɔ yi djilɔ Pɔlu bɔ amɛ tsiwue nyin amɛ gan wo le jufuwo mɛ.Yi tsi wo bɔ lɔ enu nɔn wo be: nɔnvi wo shigbe letsi nyin ŋde wa enu dje agɔ ɖe nɔn akɔtalɔ alɔ mia tɔwo kɔtanu wo lɔ wo sɔŋ sɔ do gakpamɛ le jeruzalɛm to alɔ Romawo tɔ mɛ. ¹⁸ Gatsimɛ yi wo biɔ enyɔn ŋse vua,wo djila tashiŋ ɖo wo ŋde kpɔ enyɔn ɖe tsi la do eku kodjo nuŋ. ¹⁹ Vɔ gatsimɛ jufuwo shite ɖo gbeta wo tɔ ŋtsi lɔ,ŋdo ŋsi yi nui nɔn César,ganke nyin ŋde ɖo enu dje agɔ ɖe sɔ kpanŋkɔ akɔtalɔ. ²⁰ Exɔn ŋtsi yi ŋbiɔ be man kpɔmi ku axo nuxo nɔn mi,ɖo le emɔn kpɔ kpɔ izraɛli tɔ ŋtsi yi wo blaŋ ɖo shɛni mɛ. ²¹ Yi tobe: mi ŋde xɔ woma ɖe so ŋtsiwo le judeo,nɔnvi ɖe tsan ŋde va alɔ wo va nuɔn enyɔn baɖaɖe so ŋtsiwo. ²² Vɔ mi dji la se so woŋtɔ gbɔ enu tsi wo bu so gbɔn gbɔn vui xasoso xɔn ŋtsi ɖo mi nyan be wo ŋde dje nɔn edu ku ŋɖe kpekpio. ²³ Gatsimɛ yi wo ɖo azan ɖeka nyinlɔ amɛ sugbɔwo va afi tsi yi le.Yi sɔ Mawu yio fiɔɖuxuɛ fiawo.E dje agbagba yi ɖo alɔ akɔn dji nɔnwo to jesu mɛ,to Moïse ku nyɔnudɛ tɔwo sedji,so fɔnfɔn mɛ kaka dje fiɛshi. ²⁴ Amɛɖewo xɔ enyɔnlɔ dji vɔ amɛɖewo gbe. ²⁵ Wo ŋde senu gɔnmɛ nɔn wo nɔnnuiwo,yi wo djogatsimɛ Pɔlu nu enɔn tsɛwo:gbɔn gbɔn kɔkɔɛ xonuxo nɔn mia tɔwo to Ezayi ku nyɔnuɖɛtɔwo. ²⁶ Yi nube:mi yi akɔtalɔ gbɔ anu nɔn wo be,mi senɔn enu kudo miao towo vɔ mi ŋde mɔn nɔn enu dje ŋtsi wo;mi kpɔ nɔn enu ku ŋkuvi mia tɔwo vɔ mi ŋde kpɔ nɔn ŋde kpekpio. ²⁷ Ɖo edji akɔta tsɛ tɔwo ku, eto wo ku yi wo miɔ ŋkuvi wotɔ wo ɖo wo ŋde dji la kpɔnun asenu tsan yi wo ŋde dji la edji wo tɔ sɔ nan djimɛ trɔtrɔ yi nan gbɔndjinedɔ nan. ²⁸ Mi nyan fifiɛ be ringan Mawu tɔ tsɛ sɔ ɖaɖa manxɔsenɔn wo yi wo se. ²⁹ Gatsimɛ yi nu enyɔn tsɛo lɔ jufuwo djo:yi enyɔn dɔndɔn ganɖe nɔn womɛ. ³⁰ Pɔlu nɔn axue yetɔmɛ nɔn exue amɛve yi amɛwo va nɔn gbɔ. ³¹ Eɖe nɔn Mawu yio fio ɖuxue fia nɔn wo yi gbe kplanɔn enu wo so axuetɔ jesu kristo ŋtsi ku akpakpa.Yi amɛɖe ŋde grɔn nɔn emɔn nyio.