¹ Yi, Agripa tonɛ Pɔlu be: " Wo ɖemɔ nɔɔ be naxonuxo so ɖekuwo ŋtsi." Pɔlu kɔ alɔ yidji yi ɖe yiɖekuinu be: ² "Ŋkpɔ djidjɔ, fiɔ Agripa, be maxo nuxo asɔ kuɖe ɖokunyɛ ŋtsi le Yudatɔwo yo nyasɔɖe amɛŋtsi; ³ doŋtsi O nyi aɖaŋɖetɔ le Yudatɔwo kɔnuwo mɛ. Yiŋtsi nabiɔ so gbɔwo be nagbɔndjiɖɛ ase nyanyɛ. ⁴ Yudatɔwo kpata nya aletsi ŋnɔ agbe tsinyɛ ɖo so ɖevimɛ le nyɛŋtɔ du tsinyɛ mɛ, kudo Yerusalɛm. ⁵ wo djesiŋ le gɔmɛdjedjeɛ mɛ , yi woŋtɔ wo lanui be Farizitɔ yi ŋnyi, le mia subɔsubɔ kɔmaman sinsin miatɔ nu. ⁶ Fifiɛ wo djibe yewoaɖokodjo nun so Mawu yo ŋgbe tsi donɛ miatɔgbewo ŋtsi. ⁷ Ɖo etsɛwo yinyi xomɛ wuieve tsiwo le Mawu subɔ ezan kudo kede yo djidji. Le mɔkpɔ hɔn ta yi ŋtsi Yudatɔwo le kdjo ɖoɔ nuŋ ɖo O efiɔ! ⁸ Ŋde ŋtsi amɛɖe ŋde xɔɛse be Mawu be Mawu ŋda tinŋ fɔn amɛkukuwo ɖo? ⁹ Nyɛŋtɔ san ŋbui be ŋle nuɖe wɔɔ asɔ tsitre ɖo Yesu Nazarɛti tɔ ŋtsi. ¹⁰ Ŋwɛ le Yerusalɛm. Ŋtu xɔsetɔ sugbɔwo ɖo gakpamɛ, le atsɛkpakpa tsi ŋxɔ so avɔsalaganwo gbɔ, yi nɛ wowuwo lɔ ŋdanasi ɖodji. ¹¹ Ŋsĩnɔ tamɛ ɖo wo ŋtsi le wo subɔsubɔxoe wo, yi ŋzinɔ ɖo wodji be woanu busunya. Le axuŋ djibibi ɖo ŋtsi lɔ, ŋtsinɔ wo yomɛ kaka sɔyinɔ duta. ¹² Tsi ŋle nutsɛ wɔkɔ lɔ, ŋyi ɖo Damasi yo mɛgãwo gbɔ kudo avɔsalagãwo gbeɖeɖe. ¹³ Yi le mɔadji lɔ , gawoeve tututu lɔ, Efiɔ, ŋkpɔ kinklin ɖe so djipo tsinɛ sinŋ wu ewe yo kinklin, yi yile kinklinwɔ trɔdo nyɛ kudo amɛtsiwoe yi mɔdji kudoŋ. ¹⁴ Tsi miakpata midjeanyi lɔ, ŋse egbe ɖe le nuxo xoɔ nuŋ le hebrigbemɛ be: " Sɔlu, Sɔlu, ŋde ŋtsi ole yonyɛmɛ tsiɔ ɖo? Ela sinŋ nɔɔ be nasɔ afɔ axo ŋdja." ¹⁵ Yi ŋnu be: " Mɛɖe O nyi Axoetɔ?" Axoetɔ doŋtsi nun be :"Enyɛ yinyi Yesu tsi yomɛ tsiwɔ ole. ¹⁶ Fifiɛ lɔ so afɔwo dji; ɖo ŋɖe ɖokuinyɛ fiɔ yi ŋle ɖoɖowɔ asafo( ministri) kudo nutexoekpɔla ɖo nutsiwo O kpɔ fifiɛ kudo tsiwo gbɔnɔ. ¹⁷ Ŋtsan wo le dukɔn tsɛ mɛ kudo trɔsubɔlawo tsigbɔ ŋle dɔdɔwɔ ɖoɖa gbɔ, ¹⁸ be nɛ nahun ŋku nɔwo, be woadjo le vivitimɛ asɔva kinklin gbɔ kudo woadjo le Satana yo ŋsin gbɔ ava Mawu gbɔ, be le djixɔse ɖoŋtsinyɛ lɔ wola kpɔ nuvɔ yo sɔsɔke kudo gomɛkpɔkpɔ le amɛkɔkɔɛwo domɛ. ¹⁹ Sotsɛdji lɔ, efiɔ Agripa, nyɛ ŋde likpomɛ so djipo yo ɖeɖefiɔ ŋtsio: ²⁰ Vɔ Damasitɔwo tutugban , yi ŋgbodomɛ Yerusalɛm, yudeya kpata yile trɔsubɔlawo domɛ lɔ, ŋnu djimɛtrɔtrɔ mawunyɔ, kudo trɔtrɔ ɖo Mawu ŋtsi, sɔkpedo nunyuiwawa ŋtsi laɖe djimɛtrɔtrɔ lɔ afiɔ. ²¹ Nutsɛ ŋtsi yi Yudatɔwo valeŋ le tsɔtsixɔ mɛ yi wodji be yewoa wum ɖo. ²² Mawu yi kpeɖe ŋtinyɛ kaka va na egbɛ, tsi ŋle nutsitexoe ŋkpɔ towɔ nɛ ɔ ɖeviwo kudo amɛgaxowo, tsinɛ nyɛ ŋde tran mɔ djo le nyanuɖetɔwo kudo Mɔse wo nu be ela vadjɔ, ²³ be Kristo lakpefun, yi be elafɔn tutugban le amɛkukuwo domɛ, yi yilanu kinklin nɛ yudatɔwo kudo trɔnsublawo." ²⁴ Tsinɛ Pɔlu be yawu yo kunuɖeɖe ŋtsi lɔ, Festusi da axoa sinsinɖe be:" Pɔlu ele sukuɔ; nunyanyagan tɔwɔ sɔo do sukunɔ" ²⁵ Vɔ Pɔlu be : " Nyɛ ŋde kusu O, amɛgan Festusi; nyantsiwo boŋ ŋle nunuɔ lɔ wonyi nyawo kudo nya tsiɖo gɔmɛsese. ²⁶ Ɖo efiɔ Agripa nya nyatsiwo nukɔɔ ŋle, yi ŋle nyawo nukɔ nii kudo kankanɖodji, yi ŋnya be ɖekpekpe ŋde le manyamanyamɛ nɔwo, ɖo nutsɛwo ŋde djɔ le vivitimɛɔn. ²⁷ Oxɔ nyanuɖɛtɔwo dji senɔa fiɔ Agripa? Ŋnya be oxɔ djise." ²⁸ Agripa to nɛ Pɔlu be: " Zin O djibe ya zĩn djinyɛ be nɛ mazun Kristotɔa?" ²⁹ Pɔlu toni be: " Ŋdogbeɖa, be nɛnyi fifiɛtrolo alo gbumɛɔ, enyi wo alo amɛsiamɛ tsi le enya tsɛ seɔ egbɛ lɔ, lanɔ sigbe enyɛ nɛnɛ, vɔ gamɛkpinŋkpinŋ tsɛwo ŋda nɔmɛɔ. ³⁰ Efiɔ, dumɛfiɔgan, Berenisi, kudo amɛtsiwo kpata nanyi kudui lɔ wo tsite. ³¹ Tsinɛ wo djo le kodjoɖoxoɛ lɔ, wole nunukɔ nɛ wo nɔnɔwo be: nusu tsɛ ŋde woa nu tsidje nɛ eku alo gakpamɛɔ. ³² Yi Agripa to nɛ Festusi be: wo latinŋ ɖe asi le nusutsɛ ŋtsi, nɛ ŋde biɔ be woasɔ kodjoa yiɖe Kaizaro gbɔ.