¹ Lé ŋkéké amantɔn godolɔ, Ananias, tsi nyi nunɔnlawo ga kudo amɛn ganhoho ɖéo kudo énu fiatɔ ɖéka tshi yi wo yɔ nɔn béTertulle wo yi. vɛ sɔ ényɔn ɖo pɔlu ŋtsi lé édu kplɔtɔ lɔ gbɔ. ² Etsi yi pɔlu yi édu kplɔtɔ lɔ yo ŋkɔ lɔ, Tetulle tɔ nuxoxo so ŋtsi nɛn édu kplɔtɔ lɔ bé: "ewo ŋtsi yi mi kpɔ ŋtsi fafaf lé du tsɛ mɛ yi éwo yi gbé nan bé mi gbé lé ɖoɖo nyi wo lɛ lé édu tsɛ mɛ. ³ Kudo djidjɔɛ yi mi xɔ nɔn énu! tsi wo yi owa lé édu tsɛ mɛ lɔ bubutɔ gan Félix. ⁴ Nɛ nyin ŋda gugamɛ nɔnwo lɔ ŋlé biɔbiɔ bé wo nɛ ɖo toŋ kudo nyuiɖé. ⁵ Mi kpɔ ŋsu tsɛ tsi yi nyi peste tɔwo. Yi lé yudatɔwo kéŋ kéŋ thakaɔ lé xixiéɛ mɛn bé woa ho axua. Enyi éga nɛn gbɔngbɔn vɔn wo bɔbɔ Nazaréen. ⁶ Edji ŋtɔtsan bé ya gban tsɔtsi xɔ lɔ yi mi li. ⁷ Vɔ Lysias tsi yi nyi sɔdja o mɛgan lɔ va yi va xɔ pɔlu kudo akunyrannyran gangan ɖé lé mia shi yi kplɔ sɔ djo. ⁸ Nɛ wo biɔ ényɔn yéŋtɔ sé so énu tsɛ wo ŋtsi lɔ wo ŋtɔ wo la kpɔ énu tsi ŋtsi yi lé ényɔn sɔɔ ɖo ŋtsi lɔ." ⁹ Yi yuda tɔwo kéŋ kéŋ lé ényɔn sɔɔ ɖo pɔlu ŋtsi yi lé totoɔ bé nyan woo yi nyi ényɔn xɔn wo. ¹⁰ Vɔ étsi yi édukplɔtɔ lɔ wua alɔ nɔn pɔlu bé nɛn xonuxo lɔ, pɔlu toni bé "ŋsé bé wo nyi kodjo ɖotɔ lé édu tsɛ mɛ so éxué gbogbo ɖéo ké yi édjɔ dji nu bé nyinŋtɔ maxonuxo nɔn. ¹¹ Ola tinŋ dji gɔnmɛn kpɔ ni ŋkéké amé wuivé ké yi ŋyi Jeruzalem bé ma vɛ subɔ kudo wo. ¹² Yi tsi yi wo kpɔŋ tsɔ tsɔ xɔlɔ mɛ lɔ nyinŋdé lé énu dɔnɔ kudo mɛɖéo yi nɛnɛ ké lɔ nyin ŋdé lé amɔnwo fɔn ɖo wo ŋtsi lé éduɔ mɛ alo lé tsɔtsi xɔ lɔ mɛo. ¹³ wo ŋdatɛnŋ a sɔ djéshi wo sɔ ɖo kpé ényɔn tsi wo nuɔ wo lé xɔnwo dji viɔ. ¹⁴ Vɔ lɔ ŋlé égbéxɔ bé ŋsubɔ Mawu mia tɔ wo tɔ lé émɔn xɔn tsi yi wo lé yɔyɔ viɛ bé gbɔn gbɔn vui wo hasoso lɔ. Ŋwa nɔn ɖo énu tsi yi ényɔn nudaɖɛ tɔwo nudaɖɛ lɔ wo kudo éséɛlɔ dji pɛpɛ. ¹⁵ Ŋɖo kankan ɖo dji ɖo Mawu dji bé ŋsɔ tsɛ wo tsan lé té kpɔ trɔ trɔ fɔn so amɛ kukuo domɛ, amɛ nyui kudo amɛ vuɔi wo kéŋ kéŋ. ¹⁶ Yi ŋtsi yi ŋdjé nɔn agba gba bé man ɖo édji tsi nyan tsi ŋtsi yi ényɔn ɖé kpokpui ŋdélé lé mawu kudo agbétɔ wo ŋkɔ lé énu tsɛ wo mɛ. ¹⁷ Lé éxué gbogbo ɖéo ŋgbé domɛ lɔ ŋ va sɔ énu nanan kudo éga sɔva nan djukɔn tsi nyin. ¹⁸ Tsi ŋ lé énu xɔn waɔ lɔ yuda tɔ ɖéo kpɔŋ lé tsɔtsɔ xɔ mɛ lé ŋtsi kɔkɔɛ yo kɔnuɔ mɛ kpɔ ŋdé bé kudo amɛ wo. ¹⁹ Ŋsu tsɛ wo ɖo la sɔ énubaɖa tsi yi ŋwa lɔ sɔ fiaŋ gbéɖé wo ŋdé lé dja kpɔ tsan. ²⁰ Alo ŋsu tsɛ wo ɖo la sɔ énu tsi yi nyi énugblégblé tsi yi ŋwa lɔ sɔ fia mi lé kodjo ɖo xué tsɛ. ²¹ "Ké ényɔn ɖéka tsi yi ŋnu kudo axua ga tsi mɛ yi ŋlé tshɔ tsi xɔ lɔ mɛ bé: Lé fɔnfɔn so amɛ kukuo domɛ ŋtsi yi mi ɖo kodjo nu ɖo" ²² Félix sé ényɔn tsɛ wo xoxo yi yi to nɛ yuda tɔwo bé:" Nɛ Lysias gbɔ so Jerusalem lɔ nan ɖo kodjo miatɔ nɛmi." ²³ Yii ɖégbé nɔn ga kpa dji kpɔtɔ lɔ wo bé wo nɛ kplɔ pɔlu sɔ yi kpamɛ yi woa lébé ni nɛnɛ ké lɔ amɛ tsɛ wo domɛ tɔ ɖékpé kpui ŋgbé goguio. ²⁴ Lé ŋkéké ɖéo godolɔ Félix kudo éshiɛ Drusille, tsi nyi yudatɔ lɔ wo gbɔ. ²⁵ Yi wo yɔ pɔlu yi sé ényɔn so numɛ ni so yésu kristo ŋtsi. Vɔ tsi yi pɔlu lé nuxo xoɔ so kodjo ɖoɖo tsi yi gbɔn nɔn ŋtsi lɔ vɔnvɔn ɖo Felix yi éto bé "Djoyi kéŋ nɛ ŋva ɖo gamɛ lɔ nan trɔ yɔ." ²⁶ Xédéka ké lɔ élé émɔn kpɔ bé pɔlu la nanyé éga: Exɔn ŋtsi lɔ éyɔni édjiédji axo nuxo kui. ²⁷ Vɔ lé éxué amɛvé godolɔ Porcius Festus va ɖu éfiɔ ɖo Félix yo téxué yi tsi yi djibé ya kpɔ amɛnu vévé yuda tɔwo tɔ lɔ égbé pɔlu daɖo ga kpamɛ.