¹ Pɔlu van ŋkuvi ɖo zadukitɔ la dji yi to bé bé: Nɔnvi: Lé édji nyi ɖé mɛn yi ŋlé mawu yo ukɔ kaka donɔn ŋkéké thɛ. ² Avɔsa tɔ gan Ananias ɖégbé nɛ amɛ tsi wo yi lé gbɔwo bé wo nɛ xui lé éshimɛ. ³ Ké Polu to ni bé: Mawu la xɔ éwo égli tsi yi wi shi kalo ɣi do. O nɔn anyi yi lé kodjo ɖoɔ nu kudo éséɛ yi lé afɔ ɖoɔ éséɛ dji bé wo nɛ xoŋ alo! ⁴ Amɛ tsi wɛ sɔ gbɔ wo nu nyi be: ole avɔsatɔ gangan Mawu tɔ zunkɔ! ⁵ Yi Paul nu be: nin ŋde nyan be avɔsatɔ gangan yi nyi wo ɖɛ nɔnviwo ɖo wo wlɛn be ŋda xonuxo gblegble so efiɔ edutɔ ŋtsio. ⁶ Pɔlu nyan bé bɔbɔ lɔ yo akpa gan gan tɔ nyi pharisi tɔwo kudo zaduki tɔwo lɔ édo axua lé sadukitɔwo mɛ bé ŋsu nɔnvi wo saduki tɔ wo ké nyintsan ŋnyi yi énumɛ toto so trɔɔtrɔ fɔn so ku lɔ ŋtsi hi wo lé kodjo ɖoɔ nu do. ⁷ Etsi yi nu ényɔn xɔn vɔlɔ hunnyan hunnyan ganɖo amɛ wo mɛ yi sadukitɔwo kudo pharisitɔwo mɛ yi amɔnwo man. ⁸ Do sadukitɔwo tonɔn bé trɔ fɔn so kuodi ɖé ŋdéléo, yi mawu dɔla kudo gbɔn gbɔn ɖé ŋdé léo, va lɔ pharusi tɔwo xɔ énu amɛvé xɔn wo dji. ⁹ Xɔnmɛ yi egu fɔnfɔn gangan ɖeka djɔ yi akpa ɖewo le woma fiatɔwomɛ yi le falishitɔwo dji shite yi tɔ enyɔn dɔndɔn nu be: mi ŋde kpɔ enu baɖa ɖe le ŋsu tsɛ ŋtsio. Vlavo gbɔngbɔn ɖe alo dɔla ɖe yi xonuxo nyi? ¹⁰ Gatsimɛ enu dɔndɔn shite lɔ, vɔnvɔn ɖo afɔ sɔ ɖote efiɔ lɔ tɔ yi ŋde dji be yewo la dja Paul, xɔnmɛ enu nɔn sɔdjawo be wo nin djete akpɔɛ ku ronron djole amɛ womɛ yi la kplɔɛ sɔ ɖo amɛta kpɔxue. ¹¹ Le azan tsi kplɔɛ do lɔ axuetɔ tɔte le gbɔ yi nu nyi be : ŋgbe vɔn ɖo letsi wo ɖe kuɔnnu nonŋ le Jerusalem lɔ nin nin ke wola va yi ɖe kuɔnnu nu le Rome tsan nin. ¹² Tsi enu ke lɔ judatɔ ɖewo tsannyɔn yi sɔ gbeta. Yewo ŋda ɖunuwo yewo ŋda nu eshi tsan wo kaka dje gatsimɛ yewo la hu Paul ɖo. ¹³ Amɛtsiwɛ bɔ nu enyɔn lɔ wo hugan amɛka. ¹⁴ Wo yi vɛ kpɔ avɔsatɔ ganwo ku amɛganxo wo yi nu be: mi tsi eta nyrankan ɖeka gɔmɛ miŋda gbe ɖu enu kaka dje gatsimɛ mia hu Paul ɖo. ¹⁵ Fifiɛ lɔ bɔbɔlɔ nin nu nɔn afɔ sɔ ɖote tɔ efiɔ tɔbe nin ɖe Paul djete va gbɔ nin ya kpeɖoŋtsi le enyɔn yetɔ mɛ. Yi kaka yi la djete va gbɔolɔ mi la hui. ¹⁶ Vɔ Paul nɔviɛlɔ wo vi ɖeka se enyɔn lɔ wo kekeŋ yi ɖo amɛta kpɔxueɛ le Paul gbɔ yi nu enyɔnlɔ kpo nyi. ¹⁷ Paul yɔ sɔdja wo amɛgan ɖeka yi nu nyi be: kplɔ ɖekadje tsɛ sɔ yi afɔ sɔ ɖote tɔ efiɔ tɔ gbɔ ɖo eɖo enyɔn ɖe dja nu nyi. ¹⁸ Yi sɔdja gan kplɔ ɖekadjelɔ sɔ yi afɔ sɔɖote tɔ efiɔ tɔ gbɔ yi nu nyi be: Paul gamɛnɔntɔ lɔ yi yɔŋ nu be ma kplɔ ɖekadje tsɛ sɔ va nɔn mi. Eɖo enyɔn ɖe djanu nɔn mi. ¹⁹ Afɔ sɔ ɖote tɔ efiɔ tɔ li ku alɔ yi kplɔɛ yi bebe texue ɖe yi biɔɛ be: ŋde wo dja nu nuŋ? ²⁰ Ɖekadje ɖotsi be: juda tɔwo wa bɔbɔ yi dja biɔ wo be wo nin kplɔ Paul va shigbe wo dja kpɔ enyɔn yetɔ gbɔ xa. ²¹ Vɔ ŋgbe nan nɔn ɖo ŋsu hugan amɛka wo ɖo gamɔn nyi. Wo yɔ eta nyrankan ɖo woɖeki dji yi sɔ gbeta be yewo ŋda ɖu nu ku yewo ŋda nu e shi kaka dje gatsimɛ yewoa huio. Fifiɛ lɔ wo le te kpɔ gbeta miatɔ. ²² Yi afɔ sɔ ɖote tɔ efiɔ lɔ tɔ tashi ɖekadje lɔ be nin trɔyi: ŋgbe nu nɔn amɛɖe kpekpi enyɔn tsi wo nu nuŋ viɛ. ²³ Zeɖeka eyɔ sɔdja mɛgan eve bu yi nu be: mi dji sɔdja kave takpo tsi wɛ le gbesɔsɔ ayi Cesaree, nin nin ke esɔ kutɔ katakpo tsiwo, ku ahuawatɔ kave takpo. Mi la djo le gahoho etɔngɔnamɛ le ezanmɛ. ²⁴ Egbe nu be wo nin dji elan tsiwo dji Paul la nɔn yi ŋde ŋda wɛ kaka wo la sɔ nan du kplɔtɔ Felix. ²⁵ Ewlɛn woma lexa: ²⁶ Claude Lysias edu kplɔtɔ gan addui Felix, ŋdogbe!... ²⁷ Juda tɔwo le ŋsu xɔn yi dja hui wotɔwo yi nyin ɖo sɔdjawo ɖoda a rlɛn ɖo ŋse be Roma vi yɔ. ²⁸ Ŋdji la nyan enyɔn tsi wo sɔ ɖo ŋtsi lɔ ehɔn ŋtsi ŋkplɔɛ sɔ yi bɔbɔ waxue. ²⁹ Ŋse be tsi wo sɔ ɖo ŋtsilɔ kudo ese wo tɔwo ŋtsi vɔ enyɔn xɔn ŋde wa kaka yi wo la hui alo wo la tui ɖo gakpamɛo. ³⁰ Yi gatsimɛ ŋse be wo wua totomɛ ɖo ŋtsi lɔ yi ŋsɔɛ ɖaɖa wo zsɖeka yi ɖegbe nɔn enyɔnnutɔ lɔ be wo nin va yi sɔ enyɔn nyi le mia gbɔ. Eyi zanɖe! ³¹ Sɔdjawo wa enyɔn tsi yi nu nɔn wo: wo sɔ Paul yi kplɛ ezanlɔmɛ yi Antipatris. ³² Ŋkeke tsi kplɔɛdoa sugbɔ le sɔdja womɛ tashi esɔ lɔ wo nyi yi wotɔwo trɔva yi amɛta kpɔxue. ³³ Tsi esɔkutɔwo yi Cesaree yi sɔ woma hlɛn hlɛn sɔ nan edu kplɔtɔ lɔ yi gbe dasa Paul tsan nyui. ³⁴ Tsi nin edukplɔtɔ rlɛn woma lɔ ebiɔ se be edu ŋde mɛ Paul so. Tsi se be Cilicie yi so, ³⁵ enu be: nan se enyɔn tɔwo gatsimɛ amɛtsiwɛ sɔ enyɔn ɖo ŋtsiwo la va. Yi nagbe be wo nɛn kplɔɛ yi Herode wo fiɔ ɖuxue.