¹ "Nɔvinyɛ kudo étɔnyɛwo, misé ényɔn tsi yi ŋda nu nɔ mi sɔkuɖo axin nyɔgbégbéɛ ŋtsi." ² Gatsimɛ amɛ lɔwo sé bé Pɔlu le nuxo xoɔ lé hébrigbémɛ lɔ , éɖaɖo lé wonu yi to bé, ³ Yudatɔwo yi ŋnyi so Tarsi lé Sisili, ŋxɔ énukpakpla lé éduɔ mɛ, le Gamaliɛlu gbɔ. Ŋxɔ nufiafia so étɔnyɛwo gbɔ lé éséawo nu. Ŋdonɔ vévénu lé mwumɛ sigbé miawo tsan milé vévé doɔ nu égbɛ nɛnɛ. ⁴ Ŋdo tukaɖa nɔn amɛtsiwo yilé énufifia xɔn mɛ kaka sɔyi ékumɛ. Ŋblanɔn nusu kudo nyɔnuwo sɔdonɔn gakpamɛ. ⁵ Avɔsatɔ ganganwo kudo amɛgan xoxoɔwo latinŋ ɖé kunu nɛ woma tsi ŋxɔ bé mavayi lé nɔviwo lé Damasi, abla wo akplɔ wo sɔva Yérusalɛm nɛ woa dɔn to nɔwo. ⁶ Tsi ŋlé mɔdji yi ŋgogo Damasko lɔ sigbé gawuivé mɛ xa lɔ , ézo yo kinklin va so djinŋkusi va trɔ doŋ zéɖéka. ⁷ Yi ŋdjé anyi, yi ŋsé gbé ɖéka so djipo yi biɔŋsé bé , Sɔlu, Sɔlu, ŋdé ŋtsi olé nuxo doɔ nuŋ ɖo? ⁸ Yi ŋbiɔɛsé bé Axoétɔ éwo mɛɖéwɔ? Eɖoŋtsi nuŋ bé , nyɛ Yesu Nazarɛtitɔ amɛtsi olé tukaɖa doɔ na, ⁹ amɛtsiwo kudoŋ lé mɔlɔ dji lɔ tsan kpɔ ézoɔ yo kinklin, vɔ wo ŋdé kpɔ amɛtsi lé nuxo xoɔ lɔ ŋtɔ. ¹⁰ Ŋbiɛsé bé Axoétɔ, ŋdé nawɔa? Yi axoétɔ tonuŋ bé , shité nayi Damasko duɔ mɛ, nɛ woato ényɔ tsi yi wo nu daɖɛ nɔwo bé nawɔa . ¹¹ Nyɛ ŋdé kpéŋtsi akpɔ énu o ɖoa yo kinklin tsi sɛŋ lɔ ŋtsi, ŋbé makpɔnu dokpo. Yi amɛtsiwo lé mɔdji toɔ kudoŋ kplɔŋ yi Damasko. ¹² Lé nusu tsi wo yɔnɔ bé anania gbɔ lé dua mɛ, enyi Mawu vɔntɔ, tsilé ésé miatɔ ɖo asi sinŋ-sinŋ, ¹³ amɛtsɛ tsi ŋtsi yudatɔ tsiwo lé dua mɛ nunɔ nya nyui so va gbɔnyɛ yi to bé: Nɔvinyɛ Sɔlu, kpɔnu, yi ŋkpɔ nu zéɖéka, yi ŋkpɔɛ. ¹⁴ Eto bé miatɔgbuiwo Mawu lɔ tsiawo sɔdaɖɛ bé na djési amɛdjɔdjɔtɔlɔ, asé ényɔ so yéŋtɔ yo numɛ. ¹⁵ Olanyi yo kunuɖétɔ lé amɛwo kpata gbɔ, nutsiwo yi sé na amɛwo. ¹⁶ Fifiɛɖé, ŋdé wo nɔté kpɔ;shité, do gbéɖa yi xɔ Mawusidéta nɛ naklɔ nuvɔnwo lé ŋtsio. ¹⁷ Tsi ŋtrɔ djo vayi Yérusalɛm yi le gbédoɔɖa le Mawuxɔmɛ lɔ, ¹⁸ ŋkpɔ axoétɔ lɔ lé ŋtégãmɛ yi tonuŋ bé ɖébla kaba adjo lé Yérusalɛm dua mɛ ŋda xɔ axo kunuɖéɖé so ŋtsinyɛo. ¹⁹ Ŋto bé "Axoétɔ, wo ŋtɔ wonya nyui bé ŋtunɔn amɛtsiwo xɔnɔn djiwo sé ɖo gakpamɛ, yi ŋxonɔwo kudo éba lé. Mawuxɔlɔ mɛ, ²⁰ yitsi wokɔ Etiɛnu tsi nyi axo kunuɖétɔ yo xun dɛ lɔ,nyɛ tsan ŋlé wogbɔ yi xɔgbé bé wonɛ wuii. ²¹ Ké étonuŋ bé , djoyi ɖo ŋdja dɔwo ɖoɖa dukɔnwo gbɔ. ²² Am lɔwo se Pɔlu yo nyɔ tsi towo keŋkeŋ kaka sɔyi vɔvɔnu, yi zéɖéka lɔ , wotɔ axua sinsinɖé bé ,miɖé amɛtsɛ djo lé xixéɛ mɛ, ɖo ŋdé djé bé wa nɔn agbéo. ²³ Yi wo kpa abobo yi zin awu wotɔwo yi lɔ ékɔ kɔɖoɖa dji. ²⁴ Sodjagan lɔ ɖé égbé bé wonɛsɔ Pɔlu do gakpamɛ, ébé wo nɛ biɛ nyan to xoxo sinsinɖé mɛ, bé nɛ woanyan ŋtsi ŋtsi wolé axoa doɔ sinsinɖé ɖo. ²⁵ Tsi wo blɛ kudo éka yi xoui lɔ , Pɔlu biɔ sodjaganwo bé, ésé nagbé mi bé miaxo Romatɔ nɛ woŋdé so kodjo nii oa? ²⁶ Tsi sɔdjagan sé nya tsi nu lɔ, éyi sɔdjamégan gbɔ bé lé miawɔ. Romatɔwo yi amɛlɔ nyi mɔn. ²⁷ Zéɖéka lɔ sɔdjamɛgan lɔ va Pɔlu gbɔ yi nu ni bé ,toui nɔn masé, Romatɔ yo nyia? ²⁸ Sɔdjagan lɔ toni bé, éga sugbɔ yi ŋsɔ gbɔxoé xɔ Romatɔ nyinyi . YiPɔlu to bé nyɛɛ lɔ ŋxɔɛ so vifin mɛ. ²⁹ Soxɔndji lɔ amɛtsiwo la biɔɛ nya lɔ djo, tsi sɔdjamɛgan kpɔ bé Pɔlu nyi Romatɔ lɔ, évɔn bé yéblɛ. ³⁰ Ŋkéké évé gɔn gbéa, tsi sɔdjamɛgan djibé ya nyan nu tsi ŋtsi yi yudatɔwo sonya ɖo Pɔlu ŋtsi lɔ, éɖé blablawo lé ŋtsi yi na gbé avɔsatɔwo kudo amɛtsiwo kponɔn Mawuxɔ dji bé wo nɛ bɔ; yi tsi na wo ɖi Pɔlu lɔ ésɔɛ daɖo dodomɛ nɔwo.