1
Gatsimɛ midjo yi sɔ émɔ be mia yi lɔ migbé ma émɔ yi gbéjo lé wogbɔ,midjo vayi Kos zéɖéka lé yio ŋkégbé vayi Rodi yi gbédjo va Patara.
2
Tsi mikpɔ aklo to
tɔdji va yi Phénisi lɔ miɖo mɛ yidjo.
3
Gatsimɛ milé Shipri kpɔ ɖaa le tɔgbodji lɔ mizɔ vayi émiɔ mɛ kpadji, yi gbésɔ mia mɔn tsi vayi Syri, tsy gogo Tyri gbɔ fitsi wola ɖé agban daɖo.
4
So hɔn yo ŋgbodomɛ lɔ mikpɔ énukplanviwo, mitsi wo gbɔ
ŋkéké adrɛ. Tsi gbɔgbɔ djé
énukplanviwo dji lɔ, woto nɔn
Pɔlu bé ŋgbé va yi yérusalɛm o.
5
Lé ŋkéké adrɛwo godo lɔ, midji émɔ djo, yi wokudo woshiwo kudo woviwo tsan kplɔ miado to duamɛ vayi éduɔ lɔ godo. Midjé éklo lé étɔ lɔ to yi dogbéɖa
6
Migbé trɔyi tɔdjihun lɔ gbɔ yi ɖomɛ gatsimɛ éhun lɔ gbédja trɔdjo.
7
Gatsimɛ miva Tyri yio mɔ zɔnzɔn dji lɔ , miva djé Ptolémé, le xɔn lɔ midogbé nɔn mianɔviwo yi nɔwogbɔ ŋkéké ɖéka.
8
Midjolé yio ŋkégbé vayi Sézari. Mi vayi Filipi tsi nyi mawunyɔ nutɔ gbɔ, yi wɔ ŋkéké adrɛ lé yio xomɛ.
9
Vɔlɔ nyɔnuvi énɛ nyi ényɔnuɖɛtɔ le ŋsua si.
10
Minɔ wogbɔ so ŋkéké ɖéwo vayi, ényɔnudɛtɔ ɖéka tsi woyɔ bé Agabusi vanɔ Yudé.
11
. Eva nɔn miagbɔ yi sɔ akpablanu Pɔlu tɔ,
sɔbla afɔ kudo alɔ nɔ yéɖéki nu bé : Enutsi gbɔngbɔnkɔkɔɛ to ké, léxa pɛpɛpɛ yudatɔwo laso yérusalɛm ava bla ŋsu tsi tɔ yi nyi akpablanu tsɛ, yi lasɔ na djimaxɔsétɔwo.
12
Tsi misé ényɔtsɛwo lɔ , miɔwo kudo éduamɛtɔwo miɖé kuku nɔ Pɔlu bé ŋgbé yi yérusalɛm o.
13
Pɔlu doŋtsi bé , ŋdé waɔ milé lé avi fakɔ yi sɔlé édji gbãɔ nu ɖo? Ŋlé gbésɔsɔ, yi ŋdé nyi babla ɖéɖé o, vɔ nɔn éku ŋtɔtsan lé Yérusalɛm sɔ kuɖo Axoétɔ Yesu yo ŋkɔ ŋtsi.
14
Tsi ŋdé lɔ bé yoazin yédji o lɔ , mitashi, yinu be Axoétɔ lɔ nɛ wɔ yio dro.
15
Lé ŋkékéɛ lɔ godo lɔ , mi sɔ agban miatɔwo djo vayi Yerusalɛm.
16
Enukplavi ɖéwo so Kaisari yi klɔ miado. Yi wokplɔ nusuɖé tsi woyɔnɔn bé Mnason sɔ hin, amɛtsi so Shipri, ényi énukplavi xoxo tsi gbɔ miɖo la nɔn.
17
Tsi miva ɖo Yérusalɛm lɔ nɔviwo xɔɛ kudo djidjɔɛ.
18
Lé yo ŋgbédomɛ lɔ Pɔlu vayi Yakɔbo gbɔ yi amɛ amɛxoxowo tsan lé wo domɛ.
19
Tsi yi dogbé nɔwo vɔ lɔ, énu édɔ tsiwo Mawu woa lé djimaxɔsétɔwo gbɔ nɔwo
ɖékaɖéka to énunana yitɔ mɛ.
20
Tsi wosé lɔ wosɔ kafukafu sɔnɔ Mawu yi to bé, nɔviwo, mikpɔ alétsi amɛ sugbɔwo xɔ égnɔ lɔ dji sé lé Yudatɔwo domɛ yi mikpɔ alétsi ésé lɔ dozozo lamɛ nɔwoa.
21
Wosé bé wolé énu fiaɔ Yudatɔwo tsiwo lé djimaxɔsétɔwo domɛ bé woŋgbé so évo nɔ woviwo, yi nɛnɛké wo ŋgbé wa kɔnu blématɔwo o.
22
Lédé mi lawaɖo? Nɛwova sé bé ova.
23
Yiŋtsi lɔ woa énutsi mila to nɔwo fifiɛ: Miɖo amɛ énɛ lé miadomɛ tsiwo do ŋgbé.
24
Kplɔwo yi nɛ miakɔ miaŋtsi, nɛ mia xlɔ tanɛ mi, nɛ wokéŋkéŋ wonyan bé yéwo kan nusu, yi woagbé nyan bé yotsan lé sélɔ dji.
25
Ké djimaxɔsétɔwo lɔ , mi to nɔwo nɔwo bé wotsri vodu nuɖuɖuwo kudo éhun, kudo élan tsi éhun lémɛ kudo ahasiwawa.
26
Tsi énu kélɔ Pɔlu kplɔ ŋsuawo kpédo yiŋtɔ, yi tsi wo klɔ woɖokui lɔ édjoyi mawuxɔ mɛ bé ya vayi ɖo azan nɔn ŋtsikɔklɔ kaka vana gtsimɛ wo lawɔa énunana nɛ amɛɖékaɖéka.
27
Ké lé ŋkéké adrɛwo godo lɔ, Yudatɔ ɖéwo so Asia va kpɔ Pɔlu le mawuxɔlɔ mɛ ; woyɔ amɛwo yi gbaŋgbaŋ yi djé asi ɖo Pɔlu dji.
28
Wolé abobo dji bé , miva kpɔ Israẽl nusuwo tsiwo lé nugbégblé tsi tsité ɖo dukɔn lɔ ŋtsi kudo ésé tsi yi lé mɛ ŋtsi, sɔbɔɖoŋtsi lɔ, ékplɔ grɛkitɔwo so do mawuxɔ lɔ mɛ yi sɔ xoɖii.
29
Vayi lɔ , mikpɔ Trofani tsi so Efɛso kui kpo lé duamɛ , yi mibu bé Pɔlu la kplɔɛ va Mawuxɔ lɔ mɛ.
30
Edua kéŋkéŋ xo ézin yi wo vayi lé Pɔlu, woplɛ vayi Mawuxɔlɔ lɔ godo yi wo tu éhɔn lɔ wo
31
Tsi wo lé djidjiɔ bé yéwoa yui lɔ, ényɔ vayi ɖo sɔdjaganwo gb bé tsakatsaka vadjé dua kéŋkéŋ mɛ.
32
zéɖéka lɔ , ésɔ sɔdjawo kudo ahoigawo diva dukɔnlɔ mɛ; tsi dukɔnwo kpɔ sɔdjawo kudo sɔdjaganwo lɔ, wo tashi Pɔlu xoxo.
33
Yi sɔdjagan lɔ gogo Pɔlu yi xɔɛ lé woshi, éɖé gbé bé wonɛ blɛ kudo gɛdɛ évé, ébiɔɛ sé bé mɛɖé yi nyi, yi ŋdé yi wɔ.
34
Amɛɖéwo do axua, amɛbuwo kpa abobo. Yi sɔdjagan lɔ ŋdé tinŋ nu nya ɖéo sɔkuɖo abobo lɔ ŋtsi, vɔ éɖé gbé bé wonɛ sɔɛ do gaxɔmɛ.
35
Tsi wokplɔ Pɔlu vadjé atsrɔkpuiɛ dji lɔ sɔdjawo kɔɛ lé ŋsin amɛwo tɔ ŋtsi.
36
Amɛwo kplɔɛ do yi lé axua doɔ bé " mi wui",
37
Gatsimɛ yi wo djasɔ Pɔlu do gakpamɛ lɔ , é tonɔn sɔdjagan lɔ bé, na tinŋ to ényɔ ɖé nɛ mia, sɔdjagan nu bé , o nya grɛkia?
38
Ŋ Egiptitɔ yi wonyi tsi kplɔ aglandjétɔ kotoku énɛ vayi zogbéɛdjio?
39
Pɔlu to bé , yudatɔ yi ŋnyi so Tarsi lé Sésili; édugãmɛ yi ŋso. Ŋ ɖékuku nɔwo bé nam gbé bé maxo nuxo nɔn dukɔn lɔ mɛtɔwo.
40
.Tsi sɔdja lɔ ɖégbé nii lɔ, Pɔlu shité ɖo amɛwo ŋkɔ yi hunhun alɔ sɔwɔ djési nɔwo yi éɖaɖo lé wodomɛ, yi étɔ énuxoxo nɔwo le hébrigbémɛ.