¹ Tsi hɔnnyan hɔnnyan tɔte lɔ,Paul dɔ be wo nɛn vɛ kplɔ enukplaviɛwo va yi gbe doŋsin wo. Yi sɔ yi dji lɔ eklanwo yi djoyi Macedoine. ² Gatsimɛ yi le ŋto womɛtokɔ lɔ edo ŋsin xɔsetɔ sugbɔwo yi djo yi Grece. ³ Gatsimɛ yi wa xletsi tɔn lɔ Juda tɔwo gbe sɔ gbeta ɖo ŋtsi be yewo la li sɔ yi Syrie yi xɔn yi sɔ gbeta le be yela trɔ yi Macedoine. ⁴ Tsi wo lakpɔɛ kaka yi Asie lɔ, mɛ tsɛ Sopter evi Pyrrhus ku Beree tɔ, Aristarque ku djidjimɛ evegɔn xɔsetɔ thessaloniki,Gaïus tɔ,timote, tychiki ku trophine tsi wue nyi Asie viwo. ⁵ Amɛ xɔnwo la yi djeŋkɔ nɔn mi yi mio lɔ mia nɔnte kpɔ le Troas. ⁶ Nɔn mio lɔ,gatsimɛ ŋkeke kpɔnɔn tsi ŋde ɖo tsikeɛlɔ yio zan va yilɔ,mi so nɔn filipu dumɛ yi ŋkeke atɔn gɔnlɔ gbelɔ mi la trɔva Troas yi va wa ŋkeke amadrɛ le xɔn. ⁷ Azan ŋkɔtɔ le kuɛshiɖa lɔ mɛ lɔ, mi bɔ yi la kan kpɔnɔn.Pɔlu tsi djadjo yeo ŋkegbe, ele nuxo xokɔ ku enu kplaviwo yi ɖo ŋkɔ yiyi le nuxoɔmɛ kaka yi ezanwo gahuive. ⁸ Yi kanlingbɛn wo sugbɔ yidjile exɔ tsi mɛ mi bɔle. ⁹ Vɔ le flɛsɛnu lɔ ɖekadjɛviɖe tsi wo yɔ nɔn be Eutychus, eɖo alɔn yi kuɖe mɛ.Tsi Pɔlu le nuxo xokɔ sugbɔ lɔ ɖekadjɖɛvi xɔn yi le alɔn dɔnkɔ lɔ edje ayin so asanŋ etɔngɔn lɔdji dje anyigban yi ku. ¹⁰ Vɔ pɔlu djété ɖodji yi kuɛ ɖo alɔmɛ yi nube: mi ŋgbe tsaka ele agbe. ¹¹ Gatsimɛ wo trɔ yi edjilɔ ekan kpɔnɔn lɔ yi wo ɖu yi xonuxo nɔn gaxoxo sugbɔ kaka dje eŋkeke. Sɔyi djilɔ yi djo. ¹² Wo kplɔ ɖekadjɛlɔ gbɔ agbe agbe yi inyi djidjuɛ ganɖe nɔn wo. ¹³ Nɔn mio lɔ mikplɔ pɔlu do yi ɖo mɛnlɛn mɛ yi wo yi Assos yi mia nu nɔn Pɔlu be mia zɔn afɔ shigbe letsi yeŋtɔ djoɖo xa. ¹⁴ Gatsimɛ yi va assoa mi va yi dogui le mɛnlɛntɔ yi mi sɔ emɔm yiɖo Mytilene. ¹⁵ To xɔn lɔ mi trɔ yi azɔnlinɛ dji to axudji yi vɛ dje chios le yoŋkegbe.Azan tsi djeŋ gbedemɛ nɔn xɔnlɔ mi yi Samos yi azan tsi kplɔ xɔnwodolɔ mi yi edu tsi yi nyi Milet. ¹⁶ Vɔ tsi pɔlu sɔ gbeta be ye la to Ephese vɔ ye ŋda nɔn ete nɛn ye ŋgbe va gu gamɛ le Asie o; yi ele kaba kaba dji be ye la yi kpɔ nɛn ela tɛnŋ avamɛ be yaɖo yeruzalɛm le pantekoti zan gbe. ¹⁷ Gaxɔnmɛlɔ,tsi Pɔlu le Milet lɔ edɔ amɛ be wo nɛn va yi kplɔ amɛ ganxo tsɔtsi tɔ wo le Ephese. ¹⁸ Tsi wo va gbɔlɔ enu nɔn wo be: mi nyan alɔkpa tsi yi so ŋkeke ŋkɔtɔ lɔ tsi yi ŋɖo Asie dumɛ nyin ŋde gbe mia kplɔkplɔo, ¹⁹ sinnɔn axuetɔ amɛ ɖeki sɔ huemɛ ku ɖashi mɛ ku dodokpɔ yi wo yi Jufu wo wa nɔn nuɔn. ²⁰ Mi nyan be nyi ŋde sɔ enu tsi yi nyi enu zan zan mia tɔ sɔ wlua domio yi nyi ŋde vɔn yi la do enyɔn ŋui nɔn mio yi nan kplan mi le agbaŋgba ku axue womɛ, ²¹ anu nɔn jufu wo kudo grèki djimɛ trɔtrɔ ɖaɖa Mawu gbɔ ku xɔse le mia xuetɔ jesu kristo mɛ. ²² Fifiɛ mi kpɔ le gbɔn gbɔn mɛ lɔ nan yi jeruzalɛm yi nyin ŋda nyan ŋtsi na yi wua; ²³ vɔlɔ to edu vovo womɛ lɔ gbɔn kɔkɔɛ ɖo afɔ ɖo afɔdji nube eka tsatsa kudo vevi sese le ete kpɔŋ. ²⁴ Vɔ nyɛn ŋde wua nɔn enu tsi agbe tsi nyɛn djo nɔn shigbe enu xua shixa nɛn gbe nyi be ŋdjeago nɔn edulɔ ku djidjɛ ku edɔ tsi ŋxɔ le axuetɔ jesu be nan djla enyɔn ŋui to fafa Mawu tɔmɛ. ²⁵ Yi ke mi kpɔ ŋyan be mi ŋda gbe kpɔ ŋgban mɛ tsi nyino,mio kekeŋ tsi wo domɛ tsi yi ŋto yi xonuxo mawu o fio duɔmɛ tɔ ɖo nɔn mi. ²⁶ Yi ŋtsi ŋnu nɔn mi gbɛ be ŋmɛn le ehun mia tɔwo mɛ, ²⁷ ɖo ŋnu mawu nu kplamɛ gbeɛ nɔn mi tsi nyin ŋde wla ŋɖeo. ²⁸ Mi tsɔ mia ŋkiwo,kudo mia tsɔ alin kpo tsi gbɔn gbɔn kɔkɔɛ sɔ mi ɖo kplɔla nɛn mia kpɔ tsɔtsi axuetɔlɔ tɔ tsi sɔ ehun sɔ xɔ. ²⁹ Ŋyan be ela va mia mɛ gatsimɛ nan djo lɔ elan lenu tsi ŋda tashi alin kpoɔlɔ, ³⁰ yi wo la ɖa ɖe le mia domɛ amɛ tsi wue la kplanu mayɔn wo yi la sɔ dɔn enu kplaviɛwo ɖo wogbɔ. ³¹ Mi nɔn ŋzɔn,aɖo ŋkuvi be,le exué amɛ tɔn ŋgbedemɛlɔ, le ezan ku kedelɔ nyɛn ŋde nɔn te enu kplamɛ nana mio ku ɖashi mia tɔwo. ³² Fifiɛlɔ ŋsɔ mi do alɔmɛ nɔn mawu ku enyɔn fafa nɔn amɛ tsi la trɔ agbe mia tɔ yi la sɔ kishinɔnu kɔkɔɛ nan mi. ³³ Ega,shika alo enu dodo agbetɔ tɔɖe ŋde djro nyin. ³⁴ Miɔ ŋtɔwo mi nyan be alɔ tsiwo tɔ enu xɔnwo ku amɛ tsiwue le ku ŋɔn tɔ wo. ³⁵ Ŋsɔ fia mi to alɔ kpawo keŋkeŋ dji be le edɔ wawamɛ yi mi la kpeɖo amɛ man ɖoŋsin wo ŋtsi yila sɔ ɖo ŋkuvi axuetɔ wo nyɔn ŋtsi nɔn wo: yi ye ŋtɔ nube,enu yɔn yɔn sugbɔ le enu nanamɛ sɔxu enu xɔxɔ mɛ. ³⁶ Gatsimɛ yi nu enyɔn xɔnwo vɔlɔ,yi dje ekro yi dogbeɖa ku wo keŋkeŋ. ³⁷ Yi wo keŋkeŋ ɖo ɖashimɛ yi va yi dje ekɔ nɔn Pɔlu, ³⁸ wo kplɛ yi wo tsi ŋshishi mɛ ɖo wo ŋɖa gbe kpɔ ŋgbanmɛ yetɔo.Yi wo kpɔɛ kaka yi ɖui ɖo mɛnlin to.