¹ Polo tsan va kɔȡo Derbe kudo Listra o dumɛ, é dodjési nukplaviȡé tsi o yɔnɔn bé Timoti lé xɔn, nyɔ̂nu xɔsétɔ yufu ȡé o vi, étɔ lɔ nyi grɛkitɔwo. ² Nɔnvi tsi wué lé Listra kudo Ikonu wo ȡu ȡasé nyuin so ŋtsi. ³ Polo dji bé ya tsin nɛ ya zɔn émɔn kudo yé; E kplɔɛ yi i so évo ni ȡo yufu tsi wué léxɔnwo ŋtsi, ȡo wo kéŋ nyan bé étɔlɔ nyi grɛkiwo. ⁴ Gatsimɛ wo zɔn to éduwo mɛ va lé yiyiɔa, wo sɔ nunyan sɔ lé éhawo naɔ nɛ wa tɛŋ sɔ bubu na apotriwo kudo yéruzalɛmu o mɛganwo gbétawo. ⁵ Hamɛwo xɔ ŋsɛn dodo lé xɔsé mɛ yi éhalɔwo lé sinsinɔ ȡo édji kpi. ⁶ Polo ku yétɔwo zɔn to Frigi ku Galati o kɔhuiwo mɛ, yio ŋgbédomɛa, gbɔngbɔn kɔkɔɛ xémɔn nɔn wo bé wo ŋgbé xo mawu nuxo lé Azia o. ⁷ Tsi wo gogo Misia, wo wa djadjraȡo bé yé wa ȡo Bitini dumɛ vɔa Yésu o gbɔngbɔn xémɔn nɔn wo. ⁸ Wo trɔto Misi gbɔva Troasi dumɛ. ⁹ Lé ézan mɛa, Polo kpɔ avimɛnu: Masédonia tɔ ȡé lété, lé nuxo xoɔ ni bé: "Va Masédoni nɛ nava kpé ȡo miaŋtsi". ¹⁰ Yi étsi Polo kpɔ avimɛnua, mí sɔɛ ȡo míaȡokui dji bé mí ȡo la yi Masédonia, ȡo mí dui djési bé Mawu yɔ mí bé mía yi do aŋɛn nyuiɛ nɔn wo. ¹¹ Tsi mí djémɔn so Troasia, mí zɔnmɔn djɔdjɔɛ to Samotrasi, yi lé yio ŋkégbéa, mí va ȡo Néapoli. ¹² So xɔ̂a, mí yi Filipi tsi nyi Masédonia o édu xɔasi ȡé tsi rɔmatɔwo soa, yi mí nɔn xɔn na ŋkéké ȡéwo. ¹³ Lé sabati zangbéa, mí to lé éduɔ mɛ yi étɔ to, fitsi mí xɔsé bé mí la kpɔ gbédoȡa téwué ȡé lé. Mí bɔbɔ nɔn anyi yi mí xonuxo nɛ nyɔ̂nu tsi wué va bɔwo. ¹⁴ Nyɔ̂nu ȡé tsi o yɔnɔn bé Liȡia, nyi éȡo ɔasi ȡé satɔ, é lé Tibéria dumɛ, é vɔ̂nɔn Mawu, lété lé mia nuxowo séɔ. Mawu hun yio dji nɛ ya tɛŋ sɔ éȡé lé Polo o nyɔn nunuwo mɛ. ¹⁵ Tsi o nyrɔn yikudo yio axuédo mɛtɔwo vɔa, é xonuxo yi biɔ mi bé: " Nɛ mi kpɔ bé ŋ nyi amɛ djé Axuétɔ o ŋmɛa, ké mi va nɛ mia nɔn axué tsinyɛ mɛ". Yi i zin míadji. ¹⁶ Tsi mí lé gbédoȡaxué yiɔa, é va émɛ bé, nyɔ̂nuviȡé tsi mɛ afakankan o gbɔngbɔn léa va dogo mí. Axuétɔ yitɔwo kpɔnɔn alé sugbɔ lé yio nukankan dɔ wawa mɛ. ¹⁷ Nyɔ̂nu tsɛ kplɔ míɔwo kudo Polo do, lé axua doɔ lé nunuɔ bé: " Djiŋkusi Mawu o amɛdɔdɔ yi nyi amɛtsɛwo. Wo lé nuxo xoɔ nɔn mi so hluɛngan o mɔn ŋtsi. ¹⁸ E wa énutsɛwo sɔ na ŋkéké sugbɔ. Vɔa Polo yɛ, étsi énu djo tsikɔ nia, étrɔ yi xonuxo nɛ gbɔ̂gbɔ̂a bé: " Ŋ ȡégbé lé Yésu Kristo o nyikɔ mɛ, to lé nyɔnu tsɛ mɛ". Yi gbɔ̂gbɔ̂a to zéȡéka ¹⁹ Tsi axuétɔ yitɔ wo kpɔ bé alé kpɔkpɔ mɔ̂nu tu nɛ yéwo a, wo lé Polo kudo Sila yi wo kplɔ wo yi ablɔmɛ lé dumɛ mɛganwo ŋkɔ. ²⁰ Wo sɔ wo fia kodjo ȡotɔwoa lé nunuɔ bé: " Ŋsu tsɛ woa yufu yi wo nyi, yi wo lé hûnynan hûnynan hin ɔ va éduɔ mɛ nɔn mi. ²¹ Míɔwo tsi nyi Rɔmatɔ woa, wo va lé ékɔ tsi ŋȡé djé bé mía xɔ alo bé mía nyiowa doɔ nɔn mí. ²³ Dukɔ̂a sité ȡo Polo kudo Sila ŋtsi; kodjo ȡotɔwo nagbé yi o ȡé awu lé woŋtsi, yi o do éba nɔn wo. ²² Tsi o xo wo nyuiȡé vɔa, o sɔ wo do gakpa mɛ. O na gbé gakpa dji kpɔtɔwo bé wo nɛ tsɔwo nyuiȡé. ²⁴ Etsi gakpa dji kpɔtɔa xɔ égbé doasi tsɛa, é sɔ wo do éga xɔ tsi dji kankan ȡodji léa yi i sɔ kɔsɔ kɔsɔ do afɔ nɔn wo. ²⁶ Lé ézan gawuivé mɛ nɛnɛa, Polo kudo Sila lé égbé doȡa mɛ, lé éha djiɔ lé Mawu kafuɔ, yi gamɛ nɔntɔ kpɔtuɛ wo lé éto ȡoɔ. ²⁵ Zéȡékaa, anyigban hunhun, yi gakpaxɔ o gli wo huan, éhɔn wo hun yi kɔsɔ kɔsɔ tsi lé afɔ nɔn wo ŋɛn. ²⁷ Gakpa dji kpɔtɔ lɔ davo fɔn so alɔnmɛ yi i kpɔ éhɔn wo lé hunhun, é ȡé dékpi to bé ya wu yéȡokui ȡo é bubé gamɛ nɔntɔwo sito. ²⁸ Vɔa Polo do axua sinsinȡé bé: " Ŋgbé do afɔku ȡokui o, ȡo miɔwo kéŋkéŋ mi kpɔtɔ lé fiyɛ". ²⁹ Vɔnvɔn ȡo Gakpa dji kpɔtɔlɔ, é dji kanlingbin, sidu ȡo éxɔ lɔ mɛ, vɛ djéklo ȡo Polo kudo Sila wo afɔ gɔnmɛ. ³⁰ E ȡé wo to djé xixénu yi nu bé: " Axuétɔ ŋȡé na wa a tɛŋ sɔ kpɔ gangan?" ³¹ Wo toni bé: " Xɔ Axuétɔ Yésu dji sé yi o kudo xomɛo mí la gan" ³² Wo xo Mawu nuxo nɛ yi kudo yio axomɛ tɔ wo. ³³ Lé ézan xɔn mɛ kéa, gakpa dji kpɔ tɔ lɔ kplɔ wo, vɛ yi bla abi nɔn wo, yi zéȡéka wo nyrɔn yi kudo yio axomɛtɔwo kéŋ. ³⁴ E kplɔ Polo kudo Sila yi axomɛ vɛ na wo nuȡuȡu. Yi kudo yitɔwo kpɔ djidjuɛ ȡo wo xɔ Mawu dji sé. ³⁵ Tsi éun kéa, kodjoȡotɔwo ȡɔ atsikplɛtɔwo ȡoȡa gakpa dji kpɔtɔwo bé: " Mi tasi ŋsu tsɛwo nɛ wa djo yi. Gakpa dji kpɔtɔa vɛ ȡogbé nɛ Pɔlu yi toni bé, " ³⁶ Kodjoȡotɔwo dɔŋ bé ma ȡasi mi nɛ mia djo: fifia mi to nɛ mia yi lé ŋtsi fafa mɛ" ³⁸ Vɔa Pɔlu to ni bé, "Wo xo mi lé édu domɛ, míɔwo tsi nyi Rɔmatɔwo, wo sɔ mí do gakpamɛ yi fifia, wo lé mí ȡéɔto lé wawlamɛa? Oo ŋȡa nyi nɛnɛo, wɔwo ŋtɔ nɛ va ȡéga mí". ³⁷ Amɛ dɔdɔawo vɛ ȡogbé nɛ kodjoȡotɔlɔwo yi vɔnvɔn ȡo wo étsi mɛ wo sé bé Pɔlu kuxo Sila yi Rɔmatɔwo. ³⁹ Kodjoȡotɔwo va ȡé kuku nɔn wo yi étsi wo ȡé wo to a, wo biɔ so Polu kudu Sila gbɔ bé wo nɛ to lé éduɔ mɛ. ⁴⁰ Pɔlu kudo Sila to lé gakpa mɛ yi wo djo yi Liȡia o xomɛ. Etsi Pɔlu kudo Sila kpɔ wo nɔnvi woa, wo na djido, égodoa, wo to lé éduɔ mɛ.