¹ Paul kudu Silas zɔnto Amphipolis kudo Apolonie dumɛ, yi wova kɔɖo Thessalonique afitsi gbedoɖaxɔ le nɛ Juifs wo. ² Paul geɖo gbedoɖaxɔamɛ sigbe letsi yiodi kunuwo ɖoɖowo le nɛnɛ. Enɔ wogbɔ sɔna sabbat zan o ŋkeke amɛtɔn le enyɔn hɛɔ kudo wo sɔ kuɖo ŋɔnlɔn lɔ woŋtsi. ³ Esɔ nu ŋɔnlɔnlɔwo, yi ile emɛ ɖeɔ nɔn wo be ele veveɖe be Kristo nɛ ɖu aya yi ya fɔn so amɛkukuwo domɛ. Enu be: " Yesu xɔn tsi o nyɔn nuɔ ŋle nɔn mia yi nyi Kristo." ⁴ Amɛɖewo le Juifs wo mɛ tsiwue kanɖo enyɔn tsiwo nuɔ yileɛ dji yi dje Pɔlu kudo Sila yomɛ, xɔsetɔ grɛkiɖeo, nyɔnu agbonuglawo kudo amɛha fuuɖe dje woyomɛ. ⁵ Vɔa Juifs eŋun huantɔɖewo tsan ŋsu tamɛsintɔɖeo le dukɔn a domɛ,wo bɔ yi wo do hunyahunya dukɔn a domɛ. Wo zɔn yi Jason o xomɛ, vɛyi le Pɔlu kudo Silas djiɔ, atɛŋ kplɔwo doasi nɛ dukɔn a. ⁶ Etsi o ŋɖe kpɔ wo a, wo kplɔ Jason kudo nɔnviɖeo yi na duɔmɛ kodjoɖotɔwo, le axwa doɔ be: amɛtsɛwo tsi tsaka xixea, va kɔɖo fiɛ yi Jason xɔwo amɛdjro. ⁷ Wo site ɖo Cesar o seɛwo ŋtsi, le nunuɔ be efiɔ bu gbe le, yi nyi Yesu. ⁸ Etsi dukɔn a kudo kodjoɖotɔ duɔmɛtɔo se enyɔn tsɛwoa, wo tsaka. ⁹ Wo zin Jason kudo amɛha dji, xɔ ega le wosi yi ɖasiwo. ¹⁰ Le ezanxɔn mɛ zeɖeka, nɔnviɖeo ɖo Paul kudo Silas ɖoɖa Bere. Etsi wo vɛ ɖo xɔn a, wo ɖo Juifs gbedoɖaxɔmɛ. ¹¹ Wɔwo gbe nyɔn adɔmɛ wu Thessalonique tɔwo; ɖo wo xɔ enyɔn a kudo hlɛndo, yi ŋkeke sia ŋkekea wo le ŋkuleɔ ɖo enuŋɔŋlɔlɔ ŋtsi a sɔ kpɔ be enyɔn tsi nuɔ ole nɛ yewoa nyi nyawo mɛ. ¹² Yiŋtsi amɛsugbɔ xɔse le womɛ. Nyɔnun ŋkutaɖeo kudo ŋsuwo. ¹³ Etsi Juifs Thessalonique tɔwo sebe Paul le gbefan ɖeɔ Mawu nyɔn le Beree a, wo yi vɛ na dukɔn a site ɖo Paul atsi. ¹⁴ Zeɖeka, nɔnviwo na be Paul djo yi dje axudji; vɔa Silas kudo Timothee kpɔtɔ tsi eduɔ mɛ. ¹⁵ Amɛtsiwo kplɔ Paul djoa kui sɔ yi Athenes. Etsi wo kɔɛ sɔyi xɔn a, wo xɔ gbedoasi so egbɔ nɛ Silas kudo Timothee nɛ wadje yomɛ ni le madidimɛ. ¹⁶ Etsimɛ Piyɛ letenɔnkpɔwo le Athenes, edjibibi ɖo lanmɛni etsi ikpɔ be eduɔ ɖɔ kudo legbawo. ¹⁷ Le gbedoɖaxɔamɛa e xonuxo kudo Juifwo, kudo amɛtsiwo le Mawu sumɔn o, kudo amɛtsiwo i kpɔnɔn tɛgbɛ le ablɔmɛ o. ¹⁸ Epicurien nunyanlaɖeo kudo Stoiciens ɖeotsan kpenyɔn kudui. Yi amɛɖewo nube:" Enyɔn ŋɖe nuɔ nuhohotɔtsɛ le?" Amɛɖeo be: " Ewabe ele nuxoxoɔ so mawu buwo ŋtsi nɛnɛ", ɖo ele nuxoxoɔ so Yesu kudo fɔnfɔn soku ŋtsi ¹⁹ wole pɔlu kplɔɛ sɔyi duɔ yio gbonu tsi woyɔ nɔ be areopago yi wo toni be midi be naxonuxo nɔ mi so nufiafia yeye tsio nyɔ towɔ wole ŋtsi nɔmi. ²⁰ ɖo-enyɔ tsiwo toɔ wole lɔ , nyi enyɔ yeye nɔ mi;miŋde sewo kpɔ.yiŋtsi mi dji be na ɖewogɔmɛ nɔ mi nɛ mia sewo gɔmɛ." ²¹ edjiedji nɛ enyɔ yeye ɖe va Atɛne dumɛ lɔ Atɛnetɔwo kudo amɛdjro tsiwo le wogbɔ tsi nɔ dji agugamɛ ɖo enyɔ lɔ sese ŋtsi avɛ to nɔ amɛ buwo - ²² nɛnɛ pɔlu tɔte ɖo takpekpe tɔlɔwo ŋmɛ le dugboɔnu:"atɛnetɔwo ŋdo djeshi le mia nuwo wanawo mɛ be mivɔnɔ mawuwo ŋtɔ. ²³ ɖo etsimɛ ŋzɔn to eduɔ mɛa ŋle ŋkuvi ɖo nutsiwo mi sɛnɔwo domɛtɔ ɖeka ŋtsi , tsi nyi vɔ sa kpe ɖe woŋlɔn ɖo dji be Mawu tsi amɛ ɖe kpekpei ŋde nyao lɔ tɔɛ; eyɛ ŋtsi nutsi miŋde nyao, vɔ mile susu muewɔ lɔ yio nyɔ ŋle gbefan ɖewɔ nɔmi ²⁴ Mawu amɛtsi wa xixea kudo nutsio kpsta le mɛyi inyi axuetɔ le djiŋkushi kudo anyigban ŋde nɔnɔ gbedoɖa xɔ tsi amɛn gbetɔwo tu kudo alɔ mɛɔ ²⁵ ŋde dji amɛɖe yio nuɖeo, shigbe ŋɖe hi xa enɛɔ. ɖo yi nanɔ agbe ku nu shianu tsi amɛ shiamɛ zanɔ. ²⁶ Ewɛ be amɛ gbetɔwo kpata, tsi djɔso ehun ɖekamɛ, wo nɛ nɔn anyigban keŋkeŋdji, yi iɖo azan kudo gamɛ ku lixo ɖo wo nɔnxue ŋtsi. ²⁷ Edji be wa dji Axuetɔa, wa djagbagba akpɔɛ togbɔ ŋɖe le didixue nɛ mio. ²⁸ ɖo le yɛmɛa agbe, huanhuan kudo amɛnyinyi su miasi. Nɛnɛke enuŋlɔntɔ miatɔɖewo ŋlui be: yo kusɛnsɛnwo mi nyi... ²⁹ Nɛnɛa, etsi mi nyi Mawu o djidjimɛviwa, mi ŋɖe ɖo la buibe Mawuvi nyinyi le sigbe sika, ekpe xɔasi tsi amɛgbetɔ djraɖo nɛnɛo. ³⁰ Yi le wonumanya o gaxoxo o mɛa, Mawu miɔn ŋkuvi, vɔa le gbefan ɖeɔ nɛ agbetɔwo keŋkeŋ, afiɖekpekpi tsi amɛɖe le,so fifiɛ be ya trɔdjimɛ, ³¹ ɖo eɖo azantsigbe i la va ɖo kodjo nɛ xixeɛ sɔ zɔnɖo djɔdjɔɛnyinyi dji, to amɛtsi itsan dji, etsimɛ isɔ kpɔwuɛ na amɛsiamɛ to yo fɔnfɔn so eku mɛ. ³² Tsi wo se fɔnƒɔnsoku onyɔn a, amɛɖeo ɖe alɔmɛ ɖo eŋtsi yi amɛɖeo nube: mila gbe va ɖoto enyɔntsɛ le gabumɛ. ³³ Polu tetedjo le womɛ. ³⁴ Gankea, amɛɖewo leɖo eŋtsi ɖo wo xose, Denis areopagite tɔ kudo nyɔnu ɖe tsi o yɔnɔn be Damaris kudo amɛbuwo tsan.