¹ Lɔnlɔntɔwó, tsinɛ ŋgbedodo tsɛwó nyi miantɔ lɔ, mi na mian kɔ mianȡékiwó ŋti so nu ȡeshiaȡe tsinɛ xonɔȡi ŋtilan kúȡo gbɔngbɔn, nɛ miayi mia kɔkɔɛnyinyi dji le Mawu vɔnvɔn mɛ. ² Mi dji mɔn nɛ mi le miá djiwó mɛ ! Mi ŋde do abi mɛȡekpikpio, mi ŋde do abi amɛȡekpio, mi ŋde ȡu nɔn mɛȡe djio. ³ Nye ŋde le etsɛ tokɔ, bé nɛ miá ȡokodjo nɔn mi o, ȡo ŋle djidoxo nawɔ mi be mi ȡo texoé le mian djio mɛ, le kúgbe agbe gbe. ⁴ ŋ kanȡodji ŋtɔ, yí ŋle miá kafuwɔ. ŋkpɔ ŋdjedje, yí djidjɔ tinyɛ gbango, ŋtɔ tsan le mian xaxa mɛ. ⁵ Mi ŋde ȡiȡomɛ so tsi mí ȡo Makedonia. Mi to le fukpekpewó mɛ, letsi nɛ yi dje, adjrewoawoawó trɔdo mi, yí vɔnvɔn le mian mɛ. ⁶ Vɔ Mawu tsinɛ do nɔn ŋsɛn amɛtsiwó gbɔdjɔ lɔ, do ŋsɛn mi to Tito yó vava dji, ⁷ yí ŋgbe le djidjɔ kpɔwɔ ŋtɔ, ŋde kúȡo yó vava ŋti ȡeȡekpo, vɔ kúdo letsi mi dui ŋsɛn, tsinɛ yi nyɔn tsiwó yi tonɛ mí so miá amɛ lɔnlɔn, miá fukpekpewó, ȡo miá nuxaxa ȡo tanyɛn. ⁸ Togbɔ be woman lɔ do ŋshishi mi tsan lɔ, nyɛn ŋde se vévé o, to gbɔ ŋtɔ tsan bé ŋse vévé, ȡo ŋnyan bé edo mi ŋshishi, vɔ nɛ gaxoxo viȡe kpo. ⁹ Yí ŋle djidjɔ kpɔwɔ, ŋde bé tsi mí le ŋshishi mɛ yɔ, vɔ lɔ, miá ŋshishi trɔ hɛn djimɛtrɔtrɔ va ne mi. Miá nuxaxawó so Mawu gbɔ, so xɔn ŋti mí ŋde gu ŋȡekpikpi o. ¹⁰ Ðo nuxaxa so Mawu gbɔ hɛn nɔn djimɛntrɔtrɔ va, tsinɛ kplɔ nɔn amɛ yi ȡeȡekpɔkpɔ mɛ, tsi nuxaxa ŋde nɔnɔn ŋtio; vɔ nuxaxa tsi so xixeɛ mɛ lɔ, kplɔnɔn amɛ yi ȡo ekú mɛ. ¹¹ Mikpɔ letsi yí nuxaxa tsiwó so Mawu mɛ lɔ hɛn nyɔnmesoso gan va miá mɛ lɔ - nyɔnmesoso ŋde tsɛ, bé miá ȡi fiá bé yewó ŋde le ȡe mɛ o, djibibi ŋde yɛ, vɔnvɔn ŋde yɛ, ŋbia ŋde yɛ, ayuyaya ŋde yɛ, yí djidji ŋde yɛ bé wóa so nyɔn djɔdjɔɛ ! Le nuxɔn kpata mɛ lɔ, mí ȡi fia bé nyɔn sɔsɔ ȡo amɛ ŋtsi ȡe ŋde le miá ŋtsio. ¹² To gbɔ bé ŋ ŋluɛn woman tsɛ ne mi lɔ, nyɛn ŋde ŋluɛn ȡo mɛtsiwó woa nuvɔn ŋtio, alo amɛtsi ŋti wó woa nuvɔn lɔ ȡo, vɔ nɛ miá nyan le Mawu yo ŋmɛn zi nɛni tsi yí mi do vévé nu ȡoȡa mian gbɔ ȡo. ¹³ Yí ŋti wó do mí ŋsɛn ȡo. Le xɔn yo ŋgbedomɛ lɔ, mi le djidjɔkpɔwɔ ȡodji, ȡo djidjɔ tsi yɔ Tito, tsi yió gbɔngbɔn ȡɔli to miá dji. ¹⁴ Ðo nɛ ŋto miá nyɔn nyui ni lɔ, enun ŋde kpɛnŋ o. Vɔ tovo nɛ xɔn lɔ, shigbe letsi mi tonɔn nyɔntexoé le nushianu mɛ lɔ, nɛnɛ ke mi to nyɔntexoé so mia ŋti nɛ Tito. ¹⁵ Yi yo lɔnlɔn nɛ mi gbe sɛnŋ ȡodji, nɛ eȡo ŋkú miá toȡóȡó kúȡo amɛxɔxɔ tsi mi djraȡo daȡɛ nyí kú vɔnvɔn, kú hunhun. ¹⁶ ŋle djidjɔ kpɔwɔ ȡo na teŋ akánȡo miɔn keŋkeŋ dji.