¹ Tsi mi le dɔ woawɔ ɖo du lɔ, ŋɖe kúkú ne mi be amenuvévé tsi mia kpta mi xɔ so Mawu gbɔ lɔ ŋgbé nyí djodjró o. ² Do wó to be : " le gaxoxo nyui mɛ lɔ, ŋtrɔ ŋmɛn tsinyɛn ɖoɖa mi, yí le xɔxɔ yo ŋkeŋke gbe lɔ ŋxɔ nɔn mi ". ³ Mi ŋde djibe mia nyi afɔklinu nɛ mɛnɖe o, be titretítí ŋgbé nɔn miá dɔwoawoa ŋti o. ⁴ Le mɔn bu nu lɔ, miɖefia be mi nyi mawu subɔlawó vanvan, le djidodo me, le kpo xɔxɔ mɛ, ⁵ le amɛ lélédo gakpamɛ mɛ, le titetitsiwó mɛ, le dɔwoawoa sɛnŋsɛnŋwó mɛ, le zandomadɔnalɔnwó mɛ, le adɔwuame mɛ, ⁶ le kɔkɔɛnyínyí mɛ, le shidjédjé mɛ, le djigbɔnɖɛ mɛ, le dɔmenyuiwoawoa mɛ, le gbɔngbɔn kɔkɔɛ mɛ, le nɔnvi lɔnlɔn mɛ, ⁷ le nyɔntéxoé nyɔn toto mɛ, le Mawu yio ŋsɛn mɛ, le Mawu yio djɔdjɔɛnyínyí yo hɔawɔnu ɖo alɔ vé mɛ. ⁸ Mi le dɔwoawɔ le bubu mɛ, le ŋkpɛn mɛ, le nyɔn baɖa to so amɛn ŋtiwó mɛ, kúɖo kafukáfúwó mɛ. Wó sɔ nyɔn ɖo mi ŋti be mi nyi djéɖatɔwó, vɔ mi le nyawo toɔ. ⁹ Mi le dɔ woawɔ shigbe mɛntsiwó wó dé djéshi o, vɔlɔ wó djeshi mí; shigbe mɛntsiwó yi kukúgbe ganké mi le agbe. ¹⁰ Mi le dɔwoawɔ shigbe mɛntsiwó le nuxaxá mɛ, vɔ ganké mi lé djidjɔ mɛ, shigbe be nu manɔn ameshitɔwó vɔlɔ mi wɔ amɛnwó nunɔn ameshitɔwó; shigbe nu manɔn amshitɔwó ganké mi ɖo enu sugbɔwó. ¹¹ Nɔvinyɛn Korɛntitɔwó, mi nu nyɔnwó kpata nɛ mi, yí mia djiwó le hunhun gbadja daɖɛ. ¹² Mi ŋde tsú mián djiwó nɛ mi o, vɔ míɔn bohun yí tú miáwó djiwó do mi. ¹³ ŋlé nuxo xoɔ shigbe ɖévio ŋle nuxoɔ na nɛnɛn, mi ɖo sésélélanmɛ tsi miɔn tsan mi ɖo ne mi nɛnɛn. ¹⁴ Mi ŋgbé tsaka kúɖo djimaxɔsetɔwó o, ɖo lɔ katsátsá ŋdé le djɔdjɔɛnyínyí kúɖo madjɔmadjɔnyinyi mɛn? Yí katsátsá ŋde le kɛnklɛn kúɖo vivití mɛ? ¹⁵ Nugɔmɛ sese ŋdé le Kristo kúɖo Belialu mɛ? ¹⁶ Yí xɔxɔse ŋdé le xɔsétɔ kúdo djimaxɔsétɔ mɛ? Dékayɔyɔ ŋdé le Mawu yio gbadɔ kúdo legbaviwó domɛ? Doŋti lɔ miɔnwoé nyi Mawu yio gbadɔ agbeagbe, shigbé létsi Mawu nui nɛnɛn : " na nɔn wódomɛ, yí na zɔn le wó domɛ, na nyi wó Mawu, wó lanyi axin dukɔn. ¹⁷ Yiŋtilɔ, mi to le wó mɛ, yí mi kɔ miɔnɖoki ŋti, axoétɔ lɔ yí tui, mi ŋgbé tɔálɔ nu tsin ŋde kɔ, yí ná xɔ mi. ¹⁸ Na nyi étɔ nɔn mi, yí mi lanyi axin ví nusuviwó kúɖo vi nyɔnuviwó, axoétɔ nusɛn kpatatɔ yí nui.