¹ Bakondi, kanga bolebeani mema puli, m'pa kengemisani mema ndo na onda sinda ndei atoino Akodola, Anga manabii si la mbela ba hobeliano soba lengo. ² M'pa boupiliono mema nda Akodola mema ngbongbu inde alebikano Yeso Klisto apikii subo ngopo la Akodola, ³ M'pa mema inde kalebeki Yeso Klisto nde Akodola. Indo nde mema amupinga Klisto, inde nioki apii, na mbua mema ndoaye a leengo. ⁴ Beno nde ba Akodola, bana bakondi, na batoi anga nde munde suba anu nde mangese kalwa munde suba leengo. ⁵ Bunde suba leengo, Anga baluhua inde a leengo, na leengo eokaka. ⁶ Besu nde ba Akodola, munde amupi Akodola aokakano. Na munde enda ma Akodola katoke oko. Suba indo beupi mbua mema a Domi na mbua mema ambela. ⁷ Bakondi, bekondaneni besu angalasu, Anga ekondo inde Akodola, kila n'to munde enekondo abokotani na Akodola na upo Akodola. ⁸ Munde kakondii inda upo Akodola anga Akodola nde Ekondo. ⁹ Suba Ekondo nda Akodola aukwani angasu, bende Akodola atei nae nde manganga aleengo anga bemote anga beuse kalulia iye. ¹⁰ Subake ekondo, inda angai bekondi Akodola inde anga iye yeu asokondi tekelelwa lasu ange belame toa suba eloloi. ¹¹ Bakondi, anga Akodola asokondi, besuha bekondi ngalasu. ¹² Inda na n'to kadi munde amoni Akodola. Anga aiki suba su na ekondi, Akodola ndo esobia sobasu. ¹³ Suba indo beupi beliki subake, Anga asupi memake. ¹⁴ Na beupe meleliasu bende epa ateki Miki make abe mukombozi na leengo. ¹⁵ Anga munde alebeki Yeso Klisto nde Miki ma Akodola, Akodola aliki suba ke naeye suba Akodola. ¹⁶ Na beupi lebeka ekondo inde Akodola, na inde aliki suba Akodola, na Akodola suba n'to mundo. ¹⁷ Suba ekondo inde mekobi kamilishwa subie, anga netoke sua hokomo, anga inde eye ene, besu ndulu suba leengo leyo. ¹⁸ Inda na boko suba ekondo. Anga ekondo nda osiko omakaka boko kulaha, anga boko. ¹⁹ Bekondi anga Akodola asokondi musa. ²⁰ Nange kadilasu aluhuu, nekondi Akodola um'pa nanda kodi alwami, indo nde mamba, Anga n'to ngwa toisa konda Akodola nde kamonimbe. ²¹ Na Inde nde Amuli inde bebine toa angae. Ema puli nde akondi Akodola akapo ekondi ya alwae.