¹ Na n'to nde alebei kea bende Yeso Klisto abo teani na Akodola, Na nde akondi ye mande atoi nangwa Epa m'pa ekondi baa nae. ² A inde be upa anga beekondi baana Akodola nae bekondi Akodola na lebea eleheae. ³ Bao yeu bekondi Akodola anga bepedela eleheae. Na eleheae ande wengu mana. ⁴ Anga mande nde abote ani na Akodola naba atata leengo. Na indo yeu mana nyena an'tata leengo, boenge lasu. ⁵ Ande ani nde ame an'tata leengo? Andi nde Muna Akodola. ⁶ N'de yeu apii a ibo na n'sama Yeso Klisto. Nda pii maha anga ibo, Anga ibo na n'sama. ⁷ Anga ana basalo ba meleli: ⁸ Meema, Ibo na n'sama, (Pedela, elehe nde ''Baba, elehe, na Mema ndapu'' Inda emiana suba ema inda kala). ⁹ Sinda inde bebonteane meleli la bato, melali la Akodola aangbo nyena inde, Anga melela inda Akodola amba nde inde anga inda ana melela indea ondana na nae. ¹⁰ Eye nde a moki Muna Akodola a melela subae iye nganga. Nande ndambei Akodola aba mbisa n'to la mbea, Anga ondo nebei meleli n'de Akodola angapi anga Nae. ¹¹ Na melela inde Anga Akodola asopi ngbulu nda Esa, Na ngbulu ndo asuba Nae. N'de anebei nii nii ana ngbulu. N'de nda na Muna Akodola n'da na ngbulu. ¹³ Dindii anu anga botoe keabende benu na ngbulu la Esa benu nde boleboi a ina Muna Akodola. ¹⁴ Na indo nde emande beoni mosalae, Anga na bememi ema puuli sinda mohakio lae, na mokalasu. ¹⁵ Nabe na beupa bende asu ekyana puuli inde be mema beupa keabende inde bene ndo inde bememi. ¹⁶ Abe na omoni n'to bao na akola eloloi inde nda keleli ekua, akondi omeme Akodola apa ngbulu. Nuhu abande eloloi labo inde ekesi ekua, ana eloloi inde a okesa ne kua. Inda nuhuu keabe kanga otoa namemi anga eloloi ndo. ¹⁷ Bocheede puuli nde eloloi, M'pa ana eloloi inda okesa nekua. ¹⁸ Beupi kea bende n'de abote ani na Akodola nda kola eloloi. Na nde aboteani na Akodola na loma na ika lae kilikili bosii, Na n'to eloloi n'da toa na Iki. ¹⁹ Beuoa kea bende besu nde leengo puuli ande kusi la koko manji la N'keti. ²⁰ M'pa beupa kea bende Muna Akodola apii na asupi mohakio, Anga benu paye ndoni na anga na besu subae iye nde Domi, na suba Nae Yeso Klisto. Ande Akodola nde mana Domina ngbulu na Esa. ²¹ Baa nami Doa nani na sanamu.