¹ Unda indende ekondi sina ende bepati awa Epa, basu kuke bana Akodola, bebine mahaaboo. Inzi nde inda asukondi, amande inde beu upi. ² Mbene, bana Akodola, beupi liya nimbe bebano namuna sina, beupe swonde Klisto abelianone, bemonano, Upa bebano yae. ³ Kpa umunde esoleli suba ke, kusukusa, mbuko memake iyemayake. ⁴ Ukpa munde eya kola Kima ao, Sinana, abuni shelia; atoni shelia. ⁵ Na benu bepito sabende Klisto inekani, kangwa tukiso eloloi asu, na busedee kasu nda subake. ⁶ N'da nakpa kaadi, n'do aweza bepa suba eloloi, n'da, nakpa kaadi, depa suba eloloi anga amoni na mupiliya lae. ⁷ Bamiki bekundo nikpa kanga nutimeane munde Akodola, anza, Klisto ende kpa manza. ⁸ N'de akoli eloloi andende maketi, amande eketi akoli eloloi tuka kala. Amande abe Miki ma Akodola, anga ape benu kasi aba keti. ⁹ Buno ngbokpu babotani na Akodola akoli eloloi, Anga mbuko a Akodola, aliki kai kake, katokeno keliya na keliliya kola ilolo, kabuende abokoti ma Akodola. ¹⁰ Na boo, bana Akodola baupi liani, nabana, n'keti, ntonde n'dane koli anza, n'datoi nongwa Akodola, n'dane kondi awanamae. ¹¹ Anga inde nde, mbino, boli booki sabende bokundane beiya mayanu, ¹² Kanga bebaya kaini, n'de Amoi muto aye, anga imasina a moi? Tambe lake abii Sinana, nda naye abi anza. ¹³ Name kanga bosangala, inji nanda andu kondi. ¹⁴ Bepito sabede betoki suba kiindu, kangio, suba Nzimani, kangbue bekonde bana basu, inde kanga ekundo. Liko suba ekua. ¹⁵ Munde anie na make endi tua muakpa, na buupii sabende, bulu a milele kalikeno suba tua muwa. ¹⁶ Subiende bepe ekundu, kangbue Klisto abikapi ngupu anguasu. Na besu aeniye okape depo asu kangwame. ¹⁷ Abe inde tena luha nda anzi, mbusa li aba mona na make amemiya kima, aba kapa kake kima, kangbwa kimasina ekondi la Akodola kabeno subake? ¹⁸ Bamiki bedidioko kanga ukunda kanioko, kanga elehe, kanga enguidako, abe kanga tambila ningo. ¹⁹ Suba nde bepi yendene, besu suba ningo, kukabi saye. ²⁰ Kabengo, mbuko memasu, abe na etale kulasu Akodola inde ma ngbo kalua mbuko mbua memosu. ²¹ Bana mami mbuko masu tukilia besu ni kondi musala Akodola. ²² Na inde memeano, bepatano na tuka na nzoke, na anga belebei amuli a depa totokano, kima nde, abongilie. ²³ Inde yeu amuli ndeye: kangbwa ekondi bilibiye, ain Oke Yeso Klisto ene bekandane maiyasu akopu asu. ²⁴ Endee akundii amuli la Akodola aline suba ke, neye suba ke, na Akodola na bende bepi sabende eki subasu kangbwa buko amasu.