¹ Ba nami banzami, n'dindi anu elehe sinde anga bokolani bucheede. Anga abe na moti lanu na koli bucheede, besu na Twa mimia kia epa, Yeso Klisto Pkatoto. ² Yende too tundanisa bucheede asu, na indangwa bucheedanye nganga, Indi anga leengo puli. ³ Andei ndo besu be mupa mahaye, Abe na ochungi Ami ndae. ⁴ Yende aluhu Kyabende, ''Amupi Akodola,'' nua inda tii Amri andaaye, ande too mbeya, na domi inda subae. ⁵ M'pa puuli puuli Ashikaye elehe hae, Domi too mundo akundi Akodola. ⁶ Ye aba luhua aiki suba Akodola aweza tamba sinda Yeso Klisto. ⁷ Bamanzami, inda me dindi anu Amri ndia Mbino nde, Ila Amri ndaa kala inde bobinee. Amri ndaa kala ndee elehe inde Bookine. ⁸ Ata boo menunde kieji Amri Mupya, ata boo ande domi na ngwa Klisto na anga nu, Anga tua aha onyeni na nuu ndea a domi emaha Tayari aba lula. ⁹ Inde aluhu kiabe nde esuba a Nuru na onye tae asuba Tudaha ata ndiende. ¹⁰ Inde akandi tubae aikano suba Nuru na anda ba na Elehe nde awegomo kwaza laka. ¹¹ M'pa too nde anya Tubae asuba tudaha na atamba suba tudaha; Ye inda upa nande akane, Anga Tudaha alimano alimano isoie. ¹² Ni dindito anu, Bani bamanzami, Anga banu samehe bucheede lanu atata inae. ¹³ Nidindi onu, banu, bakota. ¹⁴ Mi tiya anu mapapasia inde, benu pa Epa, Angabo mupi inde abi musa nidindi anu. Bakota, Ama nde benu na kanda, na elehe nde Akodola aiki suba nu, na bene botoitona usinana. ¹⁵ Kanga bakunda Nchi, ata elehe inde suba a Nchi. Too nde a kundi Nchi, ukundo nde a Epa inda subae. ¹⁶ Anga ima nde asuba Nchi, Ekondi nde ngopo, ekundi inde a iso. Na Ngboho la Uzima, inda atoi angwa Ipe, atoi Anzi. ¹⁷ Nzii na ekundo ndiaye akaluano. Inde akoli kasi nde anza ndea Akodola adumua milele. ¹⁸ Bani bi dede, Akidito sungia. Namuna inde bookine munde atunito Yeso akidi, ata mbino mbino batu atuna Yeso bangbo. Anga boo boupa bende bekidito asungia. ¹⁹ Batoi na ngwa nu inda babi nde banu. Abe na bindi banu Angae, ande babe baiki na benu. ²⁰ Na benu banu pisito mufuta matatifu, na benu kulananu Boupi Domi. ²¹ Inda dindi anu mapapasia anga inda boupa Domi, Abakini anga benu boupa, basi anga boupa inde anga inda mbeya ande Domi. ²² Too sina yeu ye toa Mbeya, ande too nde akomi Yeso nde Klisto? Inde yeu abomi Klisto, nde akomi Epa na nae. ²³ Inda mande Apeta mwana abe na pae. M'too inde anebeyi ni na Epa nde. ²⁴ Anga atata nu, Inde bokobi okali musa aende aleye suba nu. Inde benu aokali musa aike subanu, M'pa ikani suba ni na Epa. ²⁵ Na inde malakano inde aso pi besu: Ngbulu la keleanaka. ²⁶ Ae dindii anu mapapasia atata bonde banokesa ama bunga lanu. ²⁷ Na atata nu, Ande kamba nde bolebei towa awae aiki suba nu, Inde bolebia too na toa nungudie. Abe na kamba ndaye a nungudei kuhusu elehe puuli puuli ande domi na anda mbeya, ata abe na anungudei, boikeni subae. ²⁸ Saa nde, baani bamajami, boikeni subae, anga saa nde akidanone, bebe na Huodali kanga beba nana soni sula lae suwa nde apiyane. ²⁹ Abe na beupi ye nde too la domi, boupe eni domi kila too nde akoli domi abo teanine.