¹ Wanchu umakgol xa lakg puxku xli lakgapasnikan Israelitas, xa lakpuxku pulakatum mil chu pulakatunu ciento, nachuná wanti skujnimakgol mapeksina xli putúm xtas kujut. Pulakatunu chuna la xwilakgolh skujmakgolh pulakatunu papa' xli putúm kata. Pulakatunu xwankgonit puxamatati mil lakg chixkuwen. ² Xli pulaktúm chuna la makgxtúm xwilakgolh xli kil tsukun papa' xwi Jasobeam xkgawasa Zabdiel. Xwilakgolh puxamatati mil lakg chixkuwen. ³ Xli lakgapasni Pérez xa puxku xwankgonit xli putúm chu la xwilakgolh makg takgalnanin ama xli tsukun papa'. ⁴ Xli pulakti tamakgx tumit xli akgti papa' xwi Dodai, ahohíta. Miclot xa puxku xwanit nachuná xwankgonit puxamatati mil lakg chixkuwen. ⁵ Xa puxku xli pulakg tutu tamakgxtumit xli akgtutu papa' xwanit Benaía, xkgawasa Joiada, xpalakachiwina Puchiná nachuna xwilakgolh puxamatati. ⁶ Wá uma Benaía wantí xa puxku xwanit Amisabad xkgawasa na anta xwi. ⁷ Xa puxku xli pulakgtati tamakg xtumit xli akg tati papa' xwanit Asael,xtala Joab,alistalh. Zebadías, xkgawasa xa puxku litaxtul, chu nachuna puxamatati mil xwankgonit. ⁸ Xa puxku xli pulakg kitsis tamakg xtumit, xli akg kitsis papa' wa Samhut, izraita. Xwilakgolh puxamatati lakg chixkuwen. ⁹ Xli chachaxan xli akg chaxán papa' xwanit Ira xkgawasa Iques, xla Tecoa. Nachuná puxamatati mil xwilakgolh. ¹⁰ Xli chatujún xli akgtujún papa' xwanit Heles pelonita, xli lakgapasni Efraín. Nachuná puxamatati mil xwankgonit. ¹¹ Chu xli chatsayan wanti xla kgaya xli akgtsayan papa' xeanit Sibecai husatita, xli kiltsukut xli lakgapasni Zera. Amakgolh puxamatati mil xwankgonit. ¹² Xli chanajatsa xa puxku xli akgnajatsa papa' xwanit Abiezer anatotita, xlikiltskut xli lakapasni Benjamín. Puxamatati mil xwankgonit. ¹³ Xli chakaw nak xli akgkaw papa' xwanit Maharai xa lak pulatamat Netofa, xli kiltsukut xli lakgapani Zera. Puxamatati mil xwankgonit. ¹⁴ Xli chakga witu xli Benaía piratonita, xa lak xli lakgapasni Efraín. Nachuná xtawanit puxamatati mil. ¹⁵ Chu xli chakuti nak xli akgkuti papa' xwanit Heldai xa lak pulatamat Netofa, xli lakgapasni Otoniel. Nachuná puxamatati mil xwankgonit. ¹⁶ Wá umakgol xa lakg puxku xli lakgapasni Israel: xli lakgapasni Rubén, Eliezer, xkgawasa Zicri, xa puxku xwanit. Xla xli lakgapasni Simeón, Sefatías, xkgawasa Maaca xwanit. ¹⁷ Xla xli lakgapasni Leví, Hasabías, xkgawasa Kemuel, xa puxku xwanit chu xli lakgapasni Aarón sadoc kapulalelh. ¹⁸ Chu xli lakgapasni Judá, Eliú, chatum xtala David, xa puxku wá. Xli lakgapasni Isacar, Omri, xkgawasa Micael, xa puxku xwanit. ¹⁹ Xli lakgapasni Zabulón, Ismaías, xkgawasa Abdías, xa puxku xwanit. Xli lakgapasni Neftalí, Jerimot xkgawasa Azriel xwanit. ²⁰ Chu xla xli lakgapasni Efraín, Oseas, xkgawasa Azarías xa puxku xwanit. Chu ka xa itat xli lakgapasni Manases, Joel xkgawasa Pedaías, xa puxku xwanit. ²¹ Chu xa itat xli lakgapasni Manasés nak Galaad, Iddo, xkgawasa Zacarías, wa xa puxku xwanit. Chu xli lakgapasni Benjamín, Jaasiel, xkgawasa Abner, xa puxku xwanit. ²² Chu xla xli lakgapasni Dan, Azareel, xkgawasa Jeroham, xa puxku xwanit. Wá umakgol xa lakg puxku xli lakgapasni xpulatamat Israel. ²³ Chu David ni kaputlaka amakgol wanti nina xmakgak chankoy akgpuxam kata, xpalakata PUCHINÁ xli teynit pi xama mastakay pulatamat Israel chuna la staku nakg akgapún. ²⁴ Joab xkgawasa Sarvia, xmatsukinit taputlaka, chuni masputul xpalakata Dios makaminil, takastakyawan xpulatamat Israel. Wanchu uma ni tatsoknit nak xli kgalh tawaka Crónicas xla xmalana Israel. ²⁵ Azmavet, xkgawasa Adiel, wa xlakgaya laki wa namakiy xliputúm wantú xkgaliy xtapal. Jonatán, xkgawasa Uzías, xlakgaya na makg takgalha anta ni xmakikan xliputúm wantú xlay nak ama katiyatni, xliputúm xlikalanka lak'lanka pulatamat nachuna xa laktsu pulatamat chu lakg tliweke xpulatama Israel. ²⁶ Ezri, xkgawasa Quelub, xa puxku xwanit wa amakgol wanti xmakgatakgoy takgalín chu wanti, xchananankgoy nak kati y atni. ²⁷ Simei, xkgawasa Ramá xlakgaya tiy at antá ni xchankan uvas, chu Zabdi xlilakapasni Sifmot xlakgaya antaní xmakikan xtawakat chu xtalakg chitni uvas. ²⁸ Chu xa tachanan Olivos chu kiwi xa higo xla sicómoro wantú xtayana nak kaxtum xlakgaya Baal Hanán de Geder, chu antá ni xmakikan aceite xlakgaya Joás. ²⁹ Chu wakax wantú xta puswemana nak Sarón xka makgtakgalhma Sitrai, chu wakax wantú xtalamana nak xa kaxtum, xka makgtakgalhma Safat, xkgawasa Adlai. ³⁰ Chu camellos xka makgtakgalhma Obil xa ismaelita, chu burros xla kgaya Jehedías, meronotita.Chu borregos xka mapusweynima Jaziz, agareno. ³¹ Xliputúm umakgolh kgalakayoka xliputúm wantú xkgalhiy xpuxku David. ³² Jonatán, xkuku David, xmapeksinan xpalakata xla xwanit chatúm chixku akgskalala chu ihuwa wantu xkatsiy, Jehiel, xkgawasa Hacmoni, xkamaktakgalha xkaman xa puxku mapeksina. ³³ Ahitofel kstakyauna xwanit, xa puxku maoeksina chu Husai, xa lak arquita, xtalaleyna puxku mapeksina xwanit. ³⁴ Alistal akgxni titaxtul Ahitofel xwi Joiada xkgawasa Benaía, chu Abiatar. Joab xa puxku xmakg'takgalnanín xwanit xla mapeksina.