¹ David kamamak'xtumil nak Jerusalén, xliputúm wanti xta'akatsiwilanalah nak Israel, xa lak puxku xli talakgapasni, xa lak puxku xliputúm pulakatunu xtawilanal wanti skujnikgoy mapeksina, xa puxku makg takalnanín xla algatún mil chu xla akgatún ciento, chu wantí xak'akatsiwilakgol xliputúm wantú xkgalhiy mapeksina chu xkaman, nachuna xliputúm wanti tlak xak'akatsiwilakgol chu lak tliweke skujnin. ² Wanchu mapeksina David, tayal chu wa:"Kakaxpat'tit, ki natalan chu kimpulatamat. Kintamakgikatsin xwanit nak kaxtlaway akgtúm pulakgachixkuwín antá ni namakikan xa sasti xtalakaxlan xla PUCHINÁ, chu antá ni na lakg tatsokostakan Dios, akit eh xa lakg'kaxtlawilinit putúm nak matsukiy. ³ Wanchu Dios kiwanil:' Wix ni katikaxtlawa akgtúm pulakgachixkuwín nak kintakuwini xpalakata wix chatúm chixku xla pulatatlawan chu ihuwa makg ninanita. ⁴ Wanchu PUCHINÁ, Dios xla Israel, kilak'sakli akit xlakstipan xliputúm kililakgapasni, laki akit nak malanan xliputúm xlakgni pulatamat Israel xliankgalhin, xla lakg saknit xlikiltsukut xli lakgapasni Judá chuna laki na malanan. Chu xli lakgapasni Judá nachuna xli lakgapasni kintlati chu xliputúm xkaman akit ki laksaknit laki akit nak mapeksinan xliputúm nak pulatamat Israel. ⁵ Xliputúm kin kaman wantu kimaxinit PUCHINÁ, lakgsakli kin lawasa Salomón laki natawilay nak pumapaksín xla PUCHINÁ, nak pulatamat Israel. ⁶ Xla kiwaninit:'Salomón, min kgawasa, xla na kaxtlaway kin chiki chu xtan kiltinín xpalakata akit lakg saknit iha kin kgawasa, chu akit xtlati nang litaxtuy. ⁷ Chu akit xli ankgalín nak matliwekgla xmalanat, par wa na makantaxtiy chu na kin kgalha kaxmata kilimapeksin, chuna iha uma kiltamaku.' ⁸ Wanchu xlakatín xliputúm pulatamat Israel, xpulatamat PUCHINÁ, nachuná xlakatín kim puchinakan Dios, kamakantaxtitit xlimapeksin PUCHINÁ Dios chuna laki wixinán na makgamakg itinanatit xa katlan ti yat laki chuna wixinán nakamakamaxiyatit la akgtúm tataín minkamankan wanti na lakachinkgoy xliankgalhín. ⁹ Chu wix, Salomón kin kgawasa, ka kgalhakgaxpat'ti xDios mintlati, chu ka skujni xliputúm mi nakú chu putum mi listakni. Katlawa uma xpalakata PUCHINÁ kaputsani xliputúm nakú, chu malakgchani xliputúm xtala kapastaknikan lakg chixkuwen par wix na putsaya, na makg ihaya, chu par na makg xtaka, nachuná xla na lakgmakanán xlipan kilhtamakú. ¹⁰ Kakatsi chu lanchú pi wá PUCHINÁ lakg saknitan laki na kaxtlawaya uma chiki chuna la pulakgachixkuwín. Katatliwakglti chu katlawa. ¹¹ Wanchú David maxkil makgtúm kapsnat xkgawasa Salomón, antá niku xtlawakanit lakuntla xlilat xtankiltín pulakgachickuwín, chu xa lanka chiki, chu antá niku makikan makg lakaskinat, chu anta niku itatakan xla makni chiki, chu xa lak pulakni, chu xlikgaltalan antá nikú xmakikan xa sasti talak'kaxlan. ¹² Nachuná maxkil anta nikú xtlawakanit xliputúm wantú xlakapastaka nak xtakilhtin chiki PUCHINÁ xliputúm xli tapitsit xli lanka chiki, chu antá niku xmakikan tumín xla PUCHINÁ chu xliputúm wantú xla PUCHINÁ xwanit. ¹³ Xla nachuná kalimapeksil lakuntla na skujkgoy xpalakachiwinanín PUCHINÁ chu wanti skujkgoy nakg pulakgachixkuwín chu wantu na makg lakaskinkgoy, nak xtaskujut PUCHINÁ. ¹⁴ Xla nachuná kawanil lakuntla na makg lakaskinkoy oro chu plata akgxni natlawakgoy xliputúm wantú makglakaskinat nak pulakgachixkuwín. ¹⁵ Nachuná limapeksil xli ihuwa na makg lakaskin oro akgxni na katlaway pumakgs ko, chu limakgs ko. Chu nachuná pumakgs ko xla plata, chu lakuntla liuna na katlaway. ¹⁶ Nachuna wanil lakuntla xli ihuwa na makg lakaskín oro laki na katlaway putawilh anta ni na wilikan kaxtilanchaw xla lilakgareín, chu nachuná putawilh xla plata. ¹⁷ Nachuná kawanilh lakuntla na makg lakaskin xa kana oro na litlaway, xli lakgtukun liwa, chu xliputum xalu chu pukgotni, xla wa xli ihuwa na makglakaskinkan oro na litlawakan pukgotni, chu xliputúm pukgotni xla plata. ¹⁸ Chu nachuná masinilh lakuntla na maklakaskin xa kana oro laki na litlaway, pulakgachixkuwín anta ni ihkuyukan lilakgateín chu xli ihuwa na makglakaskín oro na litlaeway xputeín xla xmakgtakgalhnanín PUCHINÁ wanti stonknit xpake laki na limaskgakgey anta ni xtakinit xa sasti xtalakgaxlan xla PUCHINÁ. ¹⁹ David wa"xliputúm nak uma kapsnat tatsoknit lakuntla PUCHINÁ kiwanilh chu ki ma akgatakganil lakuntla xlitatlawat" ²⁰ David wanilh xkgawasa Salomón:"Tliwekge ka wanti chu ni ka makpuwanti. ka tlawa uma taskujut, chuni kamakpuwanti xpalakata PUCHINÁ Dios, ki Dios, tawilan, xla ni ka ti makgxtakgni, chu akgxni na tlawakgo uma chik xla pulakga chixkuwín PUCHINÁ. ²¹ Chu anta uwi xla pulakatunu xpalakachiwinanín PUCHINÁ chu xla wanti skujkgoy xpulakni xchk pulakgachixkuwen PUCHINÁ Dios. Xla na tawilakgoy akgxni na tlawaya uma tas kujut, nachuná wanti na skujputunkgoy chu tiku katsikgoy tlawakgoy lata tuku taskujut, wanti akgatsitawilakgoy chu xliputúm tachixkuwitat wanti na kgalha kgachixkuwiyan lata tuku na kgalimapaksiya.