¹ Nachuná wa umakgolh kamapitsikalh makg takgalnanín xla coreítas, ² Meselemías, xkgawasa Coré, xli lakgapasni Asaf. Xkaman Meselemías: Zacarías, xa puxku, Jediael xli chati, Zebadías xli lgalh tutu, Jatniel xli kgalhtati, ³ Elam xli kgalh kitsis, Johanán xli kgalh chaxan, Elioneai xli kgalh tujún. ⁴ Xkaman Obed-Edom : Semaías xa puxku, Jozabad xli chati, Joa xli galh tutu, Sacar xli kgalh tati, Natanael xli kgalh kitsis, ⁵ Amiel xli kgalh chaxan, Isacar xli kgalh tujún xli kgalh tsayan Paultai; xpalakata Dios sikulnalinit. ⁶ Semaías xkgawasa, kgalhilh kaman wanti akg puxkunankgolh chiki xtlatikan, xpalakata xlakan lakg tliweke lakg chixkuwea xwankgonit. ⁷ Xkaman Semaías: Otni, Rafael, Obed chu Elzabad. Chu xli lakgapasnikan Eliú chu Samaquías na lakg tliweke lakg chixkuwen xwankgonit. ⁸ Xliputúm umakgolh xkaman Obed -Edom xwankgonit. Xlakan xkamankan chu xli lakgapasnikan, lakg tliweke lakg chixkuwen laki na skujkgoy anta ni lakga chixkuwinkan.62 xwankgonit xla Obed-Edom. ⁹ Chu xkaman Meselamías, chu xli lakgapasni chaku tsayan xwankgonit lakg tliweke lakg chixkuwen. ¹⁰ Hosa, xli lakgapasni Merari, kgalhil xkaman : Simri ( maski ni xa puxku xwanit xtlati limaxtulh xa puxku), ¹¹ Hilcías xli chatu, Tebalías xli chatutu chu Zacarías xli chatatí. Xliputúm xkaman chu xli lakgapasni Hosa kgalh kututu xwankgonit. ¹² Chune kamapitsikgalh makgtakgalnanín xlakatín malakgcha, chuna la wantí xa lakg puxku chuna la xli lakgapasnikan laki na skujkgoy nakg xchik PUCHINÁ. ¹³ Tlawaka akgtúm limakatlaja xpalakatakan la wantí xa lakg kgawasan chu la xa lakg kgolhún chuna la xli lakgapasnikan, pulakatunu xlakatin malakg cha. ¹⁴ Akgxni tlawaka limalatlaja nak malakgcha wantú, xya nakg xa pakgastakat xlipulhni chichiní lakg chalh Semalías. Chu alistalh tlawaparakgolh limakatlaja xla malakg cha wantú xla xya nakg xa pakg xtu ama lhimakatlaja lakg chalh Zacarías, xkgawasa chatúm akgs kgala la chixku. ¹⁵ Chu Obed-Edom lakg chalh na makgtakgalnan nakg malakgcha wantú xya xa pakgalhu chu xkaman kamakamaxika anta ni xmakikan wantú xwi nakg chiki Puchina. ¹⁶ Supim chu Hosa xkgalakgayokanit malakcha xa pakgastaka xlipulhni chichiní, lakatsu ni xlak tanukan nak Salequet, nak tiji xa pakxtu. Kgalhakayoka pulakatuno xli lakgapasni. ¹⁷ Nak xa pakgastaka xli pulhni chichiní xwilakgolh cha chaxán makgtakalhnanín xkawanikan (levitas)nak xa pakgxtu chatati, chu xa pakgalhu chatati, chatiyun antani xmakikan makg lakaskina. ¹⁸ Nak xa pakgaxuki kgalhtati kawilika, kgalhtati nak tijí chu chati antá nixlaktanukán. ¹⁹ Chuna kamapitsikgal makgtakgalnanín. Xli lakgapasni Coré chu xla Merari. ²⁰ Chu amakgapitsín levitas, Ahías xmakgtakgalha xliputúm wantú lakg kuan chu wantú xkgalhiy xtapalh wantú xwi nak chiki Dios, chu wantu lakgkuan xmakglakaskinkan xla PUCHINÁ. ²¹ Chu xli kiltsukut xli lakgapasni Laadán xkgawasa Gersón wa xa lakg puxku xli lakgapasni Laadán, gersonita, xwankgonit Jehieli chu xkaman, ²² Zetam chu xtala Joel, xmakg takgalhkgoy wantu xkgaliy nak chiki PUCHINÁ. ²³ Nachuná xwilakgolh makg takgalnín xli la kgapasni Amram, Izhar, Hebrón chu Uziel. ²⁴ Sebuel, xkawasa Gersón, xkawasa Moisés, xa puxku xwanit anta ni xmakikan xa lakuan mak lakaskina. ²⁵ Chu xli kiltsukut xli lakgapasni Eliezer xwankgonit xkaman Rehabías, xkgawasa Rehabías, Jesaías, xkgawasa Jesaías, Joram, xkgawasa Joram, Zicry chu xkgawasa Zicry, Selomit. ²⁶ Chu wa uma Selomit chu xli lakgapasni xla kgayakgol putúm wantú xa lakuan chu wantu xkgalhiy xtapal wantú sikulanalnit chu xkalakg saknit mapeksina David, xa lakg puxku pulakatunu lilakgapasni, chu xa lakg puxku makg takgalhnanín xa akgtúm mil chu xa akgtúm ciento. ²⁷ Xlakan lak sakgolh wantú xkgaliy tapalh, chu wantú xtatlajanit chu xtaliminit anta ni xtalatalanit laki wa uma na likaxtlawakan chiki PUCHINÁ. ²⁸ Nachuná xlakan xla kgayakgol putúm wantú xlak sakgnit xma katsinina PUCHINÁ Samuel, Saúl xkgawasa Cis, Abner xkgawasa Ner chu Joab xkgawasa Sarvia.XLiputúm wantú xlakg sakg kanit xla PUCHINÁ, xla kgayakgolh Selomit chu xli lakgapasni. ²⁹ Xli kilhtsukut xli lakgapasni Izhar, Quenanías chu xkaman xla kgayakgolh putúm wantu xlakg kaxlay nak pulatamat Israel. Akgastakg yawananín chu malananín xwankgonit. ³⁰ Xla xli kiltsukut xli lakgapasni Hebrón, Hasabías chu xnatalan akgtum mil akgtujun ciento lakg tliweke lak chixkuwen xla kgayakgolh taskujut xla PUCHINÁ chu xtaskujut mapeksina. Xlakan xwilakgolh anta ni pakan xa pakastakat xla kgaltuchuka Jordán. ³¹ Chu xli lakgapasni Hebrón, Jerías xa puxku xwanit, pulakatunu li lakgapasni. Xli tipuxam kata akgxni xmapeksinama David xlakan putsanankgolh chu makglhakgolh xlakg stipankan lakgtliweke lakg chixkuwen nakg Jazer xla Galaad. ³² Jerías xkgalhiy akgti mil akgtujún ciento lakg tliwekw lakg chixkuwn wanti xa lakg puxku xwankgonit nak xli lakgapasnikan xmapeksina David kgalhakgayol chuna la xa lakg puxku nakg pulakatunu xli lakgapasnikan xla Ruben, xla Gad chu xa itat xli kiltsukut xli lakgapasni Manasés, xli putúm xtas kujut xla Dios chu xla mapeksina.