¹ Gepkata chininri Goyakalu tokanu jinyegitatnaklu Gonasu. ² Pyotunotanu tsru pokchi Niniwe pyanu punkakletanru tokanchi nchintowutletyawakyi pixanu. ³ Wane rixatka Gonasu yotunomtatka Niniwe yatka chinyawakpotuklu Goyakalu rixatka, Niniwe waleni tsru pokchi, mapa gogne gimkata yanretikowaka ⁴ yinuwaka gigloklentatkalu Gonasu wa pokchi pagogne yanru wane yinwaka ginkaklewletya gichko tokanuya wane china: gepkoxamkojmol-gogne Niniwepni nikatkona. ⁵ Niniwe gajene yine galixlu Goyakalu , ga wa runkakletluna gogajirewlu. pejnuruneko wanna kpixnu stugamtalu mkachri rutaknawana. Tsru tsolejinpotunanuko ga wa mturunpotunanuko ⁶ Giyampotu tye pirana Gapyegitlu pogirchi Niniwe gajeru.Wale koxa yotunomta pogirewatyawaka komkaglu gumkalu wale potu yoshmaklu mkachri kpixnu-stugalu ga wa chichi pagi tuplata. ⁷ Wale gitaklu satu yokanru tokanchi wane chinachri Niniwe, pogirchi gawa rupxalune gigichichanru gi satunna yineru giwa pagixanuko prachine nikanu. Gi nikanna gi koxa ruranna gonu ⁸ Seyni ntowutanna pejnuruneko yine gawa pajixanune rutakinwana kpixnustugalu mkachri ga wa saplewyegitanruna gichko plaji swa Goyakalu. Gichichanna wa pejnuruneko genshinikanutinripa mugletu kamrureyna ga wa psoluko gimyoyna kamrutinrina. ⁹ ¿katgimata satokanu ga wa renshinikanutanu Goyakalu ga wa kashrigetanshinikanutanu wa jigekannuya wma mupninitipa wixa ? ¹⁰ Goyakalu getlu wanna gixyawaka, wa renshinikanutinrina wa mugletu kamrutinrina . Wale chinanu Goyakalu kashijetanshinikanuta wa saletyapmaklu yineru, ga wa gi wane rixa