¹ Goyakalu rangitatka Gonasu,royakalute tsro shima nanwakaya. ² Wale wane china: Nsaplewyegitlu Goyakalu tsru nwamonu-yma nanuko ga wa wale gigitno;¡Gitoknanwakaya nsaplewatya pognetkakanunno! pixa yignakotno ³ Tengawakpotu puknokno, tsru wengaji ga wa gichkogalu sajrukno; pejnuru shpurgako tennuga-yma nanuko giknogno. ⁴ Wane nchina:Malekno pixa ygaleya ; seyni nsatokanu netyaplu kpashiru pipji. ⁵ Gonga gishyatno psoluko psoluko nonogpotuko; tennuga sajrukno; ga wa kshiyleru gonga gwachri sajrukno ga wa gonga gwachri sajrukjiwutno. ⁶ Gimriji rapukotpotuko nyatka; chiji yantapreje pixkalutu gishyatno gike rixiniko mnikawnakatu seyni pixa gishatkaplu nuwekle tengawakaya , noyakalute ⁷ Wa nuwekle gigrokini, ntomsatlu nonshinikanuya wa Goyakalu: Wa nangi gognere pixyenpotuko rapoka kpashiwaka pipji. ⁸ Wanna wa goyakalune minge yignakotachine giknoklu pixa poyankakle wanna yegiko . ⁹ Seyni gita genekashatyayi walenwa mpoyagnutyayi; ruyakatya gognetkaklewlu. ¹⁰ Wane pnutetka Goyakalu yanunyegitlo tsro shima waneklu taplikatkalu Gonasu wa tsro shima