¹ Seyni tye gi ruglereta Gonasu .Ga wa rumtuwna potuta. ² Wale chinanu:Goyakalu rangita Gonasu, wane china. Ga, gitsrukaachi. Gige walekni wa tye nchinyayi wa nochijne nwanatinri?.Wale chinanu wane nixa .Tarsi nya gasukleta. Girixanu pixni Goyakalyi gimutlewluyi ga wa mapognanutyi,yiglepotuko jigekanuwatachriyi ga wa wane potuko gixachriyi wale chinanu pkaspuka yokanretlu gimtuklewatachri. ³ wale chinanu xani Goyakalu , nanjityi pkongiwekletanutkano, kigleotlu nupninru, nuwekinru pnute ⁴ Wane china Goyakalu .¿Kiglerge wa pumtuwnunri? ⁵ Ruspakamtatka Gonasu wa pokchiya, ga wa pokchi potukle sretate kamrutyalu rapnanutyawaka. Wale mpuko tuplata, retyaplu, wa pokchi giknogyachripa ⁶ Goyakalu galpokyegitlu satu gitaklun kasheguru wale chikle mpuko rapnanutyawakapa Gonasu ruknokakyaplu tsru wamonu. Tsru gimuwlu rixa Gonasu wale gitaklu chinanu. ⁷ Seyni Goyakalu galpokotlo sato tsomi wa rumrerekamtinitka wale prikgogne. wala niksuretanru ga wa waleni giprigamtanatka. ⁸ Wane rixatka wa rushpakinitka wa tkachi. Goyakalu galpokotlu satu gemenipgeru potukle sreta giyakannipgetyachri . wane pnutkoxa tkachi wa Gonasu jiwu saletachripa, waleni gipnagojimtana. wane chinnawa wale nanuko" kiglepotlu nupninri nuwekinri pnute". ⁹ Wane chinatnaklu Goyakalu wa Gonasu:"¿Kiglerge wa pumtuwniyawaka wa gitaklu chinanu?"Gonasu gigitlu: Kigleru nuntuwnunri nupninpotunanuko. ¹⁰ Goyakalu wane china pixa getwamonutlu gitaklu, pmamutakanutu gikoxa ptseruwnakaklu. Payechno-pje koxa rupna. ¹¹ Gawa gitkoxa .¿Gige numkata getwamonretlu Niniwe, wa tsru pokchi wa satpacha gepmole waranka pnute, yineru gwiyawaka, gike mumatkane klunerni wa gimyona potukle sreta ga wa kegnete sretatna,ga wa gixo prachie?