¹ wale gogne pogirchi Gaswero, geneklo pogirchi Gistila Aman pjinanni wa goteyone kamnixgenatachri.Ga wa Martokeyo yinuwna pogirchi gipxakletatka giruxanu Gistila ginkakletlu pogirchi yegi kigle gwashle rixgenatinri walayma. ² Wa pogirchi koshpakyanatkalu Aman yoshmaklemyoginanny ga wa renekatkalu Martokeyo. ga wa Gistila gitakatkalu Martokeyo ,Amanpji rawyapatka. ³ tsatokatnaka Gistila tumepe giynunsaletatnaklu pogirchi. Wala yopxojityegitlu chiyajatachro gangitlu wa nikatikolupa Aman wa Agagueo, gitakanatanrutka ruylatikolupna goteyone. ⁴ Giyagni pogirchi yotukatkalo wa Gistila korigeyma , wala yotunotatka ga wa pogirchi potukle tunwatatka . ⁵ Wala wane china:"Pogirchi galukinipa ga wa petwamonutinipno pixa ygaleya , wane potuko nixa ganjiretinyi pixa pogirchi ga wa pukshikgiglenutinno pixa ygaleya , rumepe yonretko satu gitakalurunanutka rumkata kampiyatikolupa Aman kirukate kamrunatanrotka , Humedata wa Agagueo wgene , wa kiruka yonanatanrotka runkata nikatletyapna pejnuruneko goteyone wa pogirchi chigne gwachine gwakine. ⁶ girixa ,¿ ginixpoko gakotletanru gita netinri mugletu gijrukyegitinri nopokchi ?¿gi numkata yostaletlu netinru nikatikolunna nomolenni? ⁷ Pogirchi Gaswero wane chinro wa Gistila ga wa Martokeyo wa goteyo:"petanu, Amanpji neneklo Gistila ga wa wanna chikakanruna giylalewgetyawaka, giruxanu walemka giylatanuna goteyonepni. ⁸ pyonatanru satu poyankakalurupa goteyone chinanu pogirchi giwakaya ga wa pogirchi yoshmakleymojiyma pumaxikoletanru. Girixanu poyankakalurupa yonatkalurutkani pogirchi giwakaya ga wa rumaxikoletkatka pogirchi yoshmakremyogiyma gi tumkata gigletkotatka. ⁹ wane pnute yonchikgapine pogirchi tomgakalunni wale gogne, mapa skuru rixinitka, walenwa Sivan ksuru, wa gepimole mapa ksurgogne. Satu poyamkakalurupa yonatkatka psoluko chinyawaka Martokeyo towutyana goteyone chinanpatka. yonatkaluronanni wa tsru kyapreru giglepokotachine chinanu pejnuruko provincia gajene, wa kyapreru giglepokotachine ga wa solalone pogirene wale provincia wale chijne pokowanatachine INDIA ga wa ETIOPIA potuko, 127 provincias, satkaka provincia yonyegitka rixyonretyawakna ga wa satkaka pokchi tokanuymana, ga wa goteyone wannako yonrena ga wa tokanna. ¹⁰ Martokeyo yonatlu pogirchi Gaswero giwakaya ga wa rumaxikoletatkalo pogirchi yoshmaklemyojiyma. Wale yokanatlo kiruka pirana ganikamtachine kawalyo teyakalone yapachine wa pogirchipge towutanro, puratkaluro wa gichkolpotu kawalyo pogirchipjiko gwachri. ¹¹ Wa pogirchi genekna goteyone papokchikaka ganatachine,runkata gapatgeretyapna ga wa tunwatyapna runkata yostayegletyapluna ruweklena: runkata giylaletyapna niikatyapna girukokta pokchi galuka giylaletinipna, wa mturune ga wa suxonekoxni, waka chowgitikolna regnunkatna. ¹² Wa tye psolpotiko provincia pogichinu Gaswero gitakatka, wa pamole mapa gepichinuinru pamole ksuru gogne , wa tyemwa Adar ksuru. ¹³ Sato yimkaluro gitakalurotka tunkatmaka yokankotatka wa runkata poyankakletyapapkalona ga wa pjujetanurixa koshpakletanrona pejnuruneko yine getanu.Goteyone galpokonatanutka wale gogne runkata gapnutewyegityapatkaluna wa kamnixjerna. ¹⁴ wale chinanu tokanchi ganikachine rasukamtakkana kawalyoteymana wa pogirchipje towutanro.wanna ralgapkamtna. wa poyankakaluro yonatanro pogirchi gekakgitkalurotkani wa sosa yako. ¹⁵ Giyagni Martokeyo giknokamtatkalu pogirchipji, gemkamtachri pogirchi mkachritkaka pwalolu ga wa klatalu ,wa kori sagyetate ga wa popnikatajnuru mkachri gochopiru pjayamtalu potu. wane Sosa pokchi gajene gimjikachinpotu saplewatna . ¹⁶ goteyone katalo waneyamnutkana , tru gimgiklu, gilenshinikanru ga wa muchkotlu. ¹⁷ Satkaka provincia ga wa satkaka pokchi, ginakakokta rapokyawaka pogirchi gitakanro yonatkalurotka, wanenanru rimjikyana ga wa tru gimgiklu potu goteyone tskala, satu tru niklewlu ga wa tru gogne .Gixo wanna tskalateya goteyone rixnatkawana, girixanu goteyone pikle gijrukyegitanna wannany.