¹ Wale yechno gi numkata gimkaletana wa pogirchini wale chinanu wayegrene towuta rapapyaplona wa kiruka giknogachri pirana yanatikowaka wa wale pogirewatyawaka giknogyachri.Gichko plaji rixa getyonjayegletna wa pogirchi. ² Wane rukshikyaluna yonchi wa Martokeyo gitakanru pirana wa Biktan ga wa Tere. wanna gepi wannanwa pogirchi Gaswero gipgeptote girukotachine, wannako galuka gumtukletanru wa pogirchini wa Gaswurni. ³ Pogirchi gepongalu:¿klu kamrutka wa ralixkotikolu wa Martokeyo? Giyagni wa makligine wa pogirchi towrene wane china:Gikeko kamrutka wale chinanu. ⁴ Pogirchi wane china: ¿Katni wa giputu gwachri?, wale pshinitsonnute, jiglokamta Aman wa giputu ginkaklewjetikowaka-pji gruko , rumunkaklewatyaplu wa pogirchi Martokeyo gishrikgogitikolupa pirana wa wale galpokotanru. ⁵ Pogirchi wayegrene wane chinru:Amonni wa giputu tunwatachri. Pogirchi wane china: Getasha jiglokletanru. ⁶ Wa jiglokinitka Aman, pogirchi wane china:¿Gi rixpokotanu wa satu yineru wa pogirchi galukanru? Giyagni Aman wane china rajiya: Katni wa ralukanru potu gita pnute. ⁷ Aman wane china pogirchi . wa yineru wa pogirchi galukanru potu. ⁸ Ganikyegitanru walepotu mkachri. Mkachri wa pogirchi gitakanru. Ga wa sato kawalyo wa pogirchiko tuplatjitanro ga wa sato sagyeta wala potu. ⁹ Giyagni wannanwa kigleru mkachri ga wa kawalyo genekaalune wa pogirchi solalotene gitsrukate.Getashmakawletanru wa pogirchi galukanru potu ga wa kawalyo kosekjeromnupa wa pokchi gapoya ga wa pogitko wale: tyeni wa pogirchi galukanru potu. ¹⁰ Giyagni pogirchi wane chinru Aman:Pshireta gwaletanru mkachri ga wa kawalyo , pixa chinyawaka pkamrutanu Martokeyo chinanu .wa gotiyo wa pogirchi-pji gipgeptote gwachri. Gi pmayxaka kamruretanu wa pchinyawaka. ¹¹ Giyagni Aman gwatkalu mkachri ga wa kawalyo. Makatatkalu Martokeyo ga wa kawalyo rupxaletamtjero wa pokchi gapoya .Ga wa runkakletlu:" tyenwa pogirchi galukanru potu kagwakpiratkaluru". ¹² Pogirchi gipgeptote satoka Martokeyo . seyni Aman shireta yaletlu gipji. Wamonuwamtachri ga wa gishyajiwutachri. ¹³ Aman wane chinro ganunro Sere, ga wa pejnuruneko rumatletanune wa pejnuruko ruknonjeru. Giyagni yine rumatanune wa rumatkaleya, ga wa ganunro Sere, wane chinruna Martokeyo -myo pyinwaka gijrukletyawaka, waleni gotiyo, wale-yma gi pumkatanu. galikakpotunanu wale yegi pujrukinina. ¹⁴ Rumunkaklewkakanatiniwana wale-yma runna pogirchi solalotene shireta ganikletluna Aman wa Gistila galpokotyatkalu nikanrupna.