¹ Mapa gogne chininri, Gistila pogirchimkalu gitaka ga wa gitoko gruko kagwuru rutakyawakna tunwanatatka wa pogirchi-pji, pogirchi-pji ginaple. Ga wa Pogirchi Pogirewatyawakpotu tuplanata, ga wa panchi pogirewatyawaka, potukamnupyi wane jiglokika gipji. ² Giyagni pogirchi getinitkalo wa pguro Gistila potukle tunwanatachro, tkanashkatlu retwamonutyaplo. Ga wa wale kashinatanro koriteje yotukyegitlo wala yegi. Gistila kayegiklu ga wa tujtuka ptostsi jetlu. ³ Wane pnute pogirchi wane chinro wala: "¿Klu paluka, pguro Gistila? ¿Girni wa panjitanru? Ganikaji mpogirewle peneeko" ⁴ Gistila wane china: "Gigi wa pogirchi galukinipa, puchichanru wa pogirchi ga wa Gaman runanna tye gogne tsru niklewlu nalpokotyalu pogirchi " ⁵ Wane pnute pogirchi wane china, "Giyampotu gwapanru Gaman, wkamrutyaplu Gistila chinyawaka. "Giyagni wa pogirchi ga wa Gaman tsru niklewlu yegi yana wa Gistila galpokotanru. 6 ⁶ Runakopshini rutspakanatkatka tsru niklewlu, wa pogirchi wane chinro Gistila: "¿Girni wa panjitanru? wale nenekanyi. ¿Girni wa panjire? Ganikaji mpogirewle peneeko." ⁷ Gistila gigita: "Nanjitanruni ga wa najire waleni watye: ⁸ gigi nukshiklu pogirchi ygaleya retwamonutyano wa wale galukinipa pogirchi renekanno wa nanjitanru ga wa poyagkakanru nanjire, punanu pogirchi ga wa Gaman tsru niklu nalpokotanru yechikawa gixa chinanupa, giyagni nugitanru pogirchi gepomgiyno" ⁹ Wale gogne gimjikamtachri gishpakamtatka Gaman ga wa gimugwajitachri. Seyni wa Gaman getinitkalu wa Martokeyo pogirchi-pji gipgaptote stsiya, ga wa wale gi wa yotunogita gi koxa pika wale-yma, Ga wa Gaman tsru jgekanchi rixa Martokeyo-yma. ¹⁰ Seyni, Gaman rushatkapnawa ga wa gipji yatka. Ga wa yokanrewata rumatanune rushgapinripna ga wa rapatjetna jemanshinikakna ganunro-yma, Zeres. ¹¹ Gaman gigkakna tsru ponikowle rixinri, ga wa gixo wgene rixinri, ga wa ratskomtinri wa pogirchi kagwakpiratyalo; gi rixanu wale giknogamtanna pejnurune tsru gitakalunni ga wa pogirchi wayegrenni. ¹² Gaman wane china: "Pguro Gistila gi wa pimrine yine chanixa, gita galikaka, pogirchi-yma nyinripa tsru niklewlu yegi wala galpokotanru. Ga wa yechikawa koxa, tuptaka chanixletatnakno pogirchistsi nwinripa. ¹³ seyni psoluko wa tye gi wa kigleru getanuya retakopshini Martokeyo ga wa Gotiyo wa pogirchi gipgaptote tupnatachri." ¹⁴ Wane chinrona ganunro Zere ga wa pejnuruneko tumatanune: "kamrutanruna pamyomole tsojere tennu rostunoslewatyawakapna. Goyechnokawpotuko pogirchi yanumata wa Martokeyo chikakikolupa wala chinanu. Gajewa gimuwatachropotukyi pogirchi yma tsru niklu yegiya."wa tye ruglereta Gaman ga wa kamrujixlu rostunoslewatyawakapa.