¹ Rayu'kumatetsie uximayatsika iya wa'hetsie mieme yuri mete'erie, paɨ'kwareuyewetse netixeta'utsirieni xeme. ² Ne netakumaika yeti'yunake'erietsie xe'hepasta,aku ne nemuyutiwe'etaxɨ'tsie teɨteri wa'hɨxie Macedonia. Ne paɨ ne xetiutahɨawixɨ kename uepaitɨ uyeikakai yukuha'aritɨwatɨ warɨ'aikɨpaitɨ. Xe'temawierika xeme aixɨ ka'aneni ya yupaɨme teɨteri xekani'warankuhana meta ya mekaniyɨaka. ³ Hikɨ'ta newarenɨani iwamarixi xe'hetsie kwatixuawenikɨ we'eriya meta texierika kwati'itarikatɨni xeikɨakɨ, xeme aixɨ xe'aneneni, aku ne paɨ nexetiutahɨawixɨ kename paɨ xeanenikekai. ⁴ Yɨkɨ manyɨnekɨ, xɨka hipatɨ macedonios mahahuni ne hatsɨa mɨta xɨka me ukaxeiyerieni me kayuha'aritɨatɨ,tame temɨte'yutewinɨani meta xeme masi waɨkawa xe'yutewinɨani ,yuri xete uta'erikɨ waɨkawamekɨ yu hetsie. Paɨ netiuyuhɨawixɨ kename paɨ reuyewekakai newakayatsakekai iwamarixi me mahukɨ xe'hatsɨa mɨta aixɨ mete akayurienikɨ meripai xeme xeyetuiriyerie imikieri aixɨ anekame. ⁵ aimiemekɨ paɨ ne tiuyuhɨawixɨ paɨ reuyewekakaikɨ memetineikanikɨ xe hatsɨa memayeixɨanikɨ aixɨ metekuyurienikɨ anyakaimekɨ imikieri xeme xemeiyaxatakaikɨ.Ikɨ paɨ xe'anenikɨ imikierikɨ hawaikɨ waɨriyarika. ⁶ Ikɨ kahɨtɨni: keane tiuka'etsa tikweriekamekɨ ya'xeikɨa mɨkɨ'ta' isiere tika'inɨni yakɨ tipaɨmeme, iya keane'ta tika'eni paɨ reunakemekɨ meta ya'xeikɨa imikieri tika'inɨni. ⁷ Mɨta yu'xexexuitɨ ke'iyatuani yu'iyari'tsie kemɨtiuyuhɨawixɨ.kwa'iyatuaka yu'heiwerietɨ mɨta hawaikɨ waɨriyarika pitɨarietɨ. Iya Kakaɨyai aixɨ rei'eriya yutemawietɨ tiyetua. ⁸ Mɨta Kakakɨyari kayɨweni kaneixeyani kemɨtiuyurieni imikieri tiwaɨkariya xe'hetsie mieme, tukarikɨ tinaimetsie pini, xete'hexeiyatɨ xenakɨnikuni naime tita xetehauyahɨwa.Ikɨ paɨ ka'anemɨkɨ xeme xe'yutimɨirirekɨ yu xexe'xuitɨ aixɨ xetekakɨnekɨ. ⁹ Paɨ reuku'uxakɨ: ''MɨKɨ KATIUTAWAXɨANI IMIKIERI MɨTA KANIWARUTAMINI POBRE'TSIXI.MɨTA MUWA MAUTIYɨNE TUKARIKɨ AIXɨ KATI'ANEMɨKɨ''. ¹⁰ Mɨkɨ ke'iyetuani hatsi etsame hetsɨa mɨta ke'uka'eni, meta pani ikwai, mɨta isiere tiwani meta tiwaɨkare xe'hatsi xeka'enitsie. Mɨta mɨkɨ waɨkawa mayeitɨani xe'itsanari aixɨ aneneme. ¹¹ Xeme tinaime'tsie imikieri xehe'xeiyatɨ xenakɨnikuni meta xete'uyukanenimayatɨ xeyɨwawetɨ. Mɨta ikɨ kani'atɨamɨkɨ pamparius'tɨarika Kakaɨyari'tsie meta ta'hetsie hakunetɨkaikaku. ¹² Ketiu tepeituayu ikɨ uximayatsika meta ketiu te'kwaiyetua me te'hauyehɨwa yuri mete'erie wa'hetsɨa. Mɨta putimɨmɨirire tiwaɨka'wame'tsie mɨta pɨtixuawire pamparius'tɨarika Kakaɨyari'tsie. ¹³ Mɨta xeme xemayukumate'tsie meta xema'inɨatsierie xe'uximayatsikakɨ,meta isiere raya'akame xenayeitɨakuni Kakaɨyari xemau'enanakɨ meta xeyuxatakɨ xeme ye'xetekakɨkɨ Kakaɨyari niukieya'tsie Cristo. Mɨta isiere xeme raya'akame xanayeitɨakuni Kakaɨyari nenimayatsika'tsie meta imikieri'tsie xeme meta iyamexi meta isiere yunaime'watsie. ¹⁴ Mɨta mɨkɨmexi'ta xeme mexeneuyehɨaka meta meyunenewieka xe'hetsie mieme. Mɨkɨmexi'ta paɨ mekatenikahuni heitseriyarimekɨ Kakaɨyari tɨrikariyayakɨ xe'hetsie yu'kanieritɨakɨ pamparius xeyatuaka. ¹⁵ ¡Kakaɨyari hatsɨa imikieri kayumainiakamekɨ!