¹ Iwamarixi pɨtete hauyahɨwa xeme xete akumaika aku Kakaɨyari imikierieya yatuiya teyupanie mamuyukuxexeɨriya aku Macedonia. ² Hixɨapa waɨka inɨatsika xuawe aku heiwerika, anayuhayawatɨ temawiya mɨta siere tɨtɨ me puretsixitɨtɨ waɨkawa tumini meyatua mete uyukanenimaya. ³ Mɨ'ta ne nepunierixɨ kename mɨkɨmexi meteya'tua waɨka kepamekɨ memu yɨwekaxɨa mɨta masi heimana waɨkawa kahapaɨ mekwayɨwawekai. Mɨta wa'iyaritsie mayene xewitɨ yakatiwarahɨawekaku, ⁴ waɨkawa te'iwautɨ, metatsutawawiri aku teyɨwawetɨ tetewani ikɨ'i parewiyatsie aku yuri mete'erie wa'hetsie mieme. ⁵ Ikɨ pɨkwa tiuyɨ aku tame ketete ikwewakai. Hetsiena mieme, matɨari paitɨ Ukiyari Hatsɨa meyuyatua. Umaniere'ta, meyuyatua ta'hatsɨa Kakaɨyari ɨreuyahɨakaku. ⁶ Ya'umiemeta tepiwawirie Tito, aku mɨkɨ'ri mikatsutɨakai ikɨ'i uximayatsika, aku meya atɨanikɨ ikɨ'i xeteyatua aku xeme. ⁷ Mɨta xeme ranayuhayawa xehepaɨsta: yuri eriyarikatsie, xe'nuikitsie, xete akumate waɨkawa, paleku xetekumateketɨ nake'eriyarikatsie tame ta'hepaɨsta. Mɨta xeme siere xaka xewiriyani ikɨ imikieritsie keranayuhayawani. ⁸ Ikɨ yenemaine hawaikɨtɨtɨ nɨ'ari kwahɨkɨ. Ta'aurie mawetse, yenemaine pɨne nexe inɨatatɨ xenake'eriyatsie ne i'inɨatatɨ hipatɨ teɨteri kemetekahu. ⁹ Mɨ'ta xeme xepekumate ta'Ukiyari Jesucristo imikierieya. Tseapa Mɨkɨ nai rexeiyakai, xeme aixɨ xetehauku'tenikɨ Mɨkɨ pure payuyeitɨa, Mɨkɨ pure ayuyeitɨaku xeme xemakɨne naime xete hexeiyatɨ. ¹⁰ Ikɨ yamanyinetsie xeime mari'itska nexeyatuirieni mɨkɨ'ta xeparewieni. Xei witari mautinena, xeme xeikɨa xekwate ukatsutɨa xete uximayatɨ, siere yexetekakɨ kexetehauyahɨakai. ¹¹ Hikɨtari xekenakahɨwa. Aku kehapaɨ xeteyutemamawiekai yexeteyurienike umaniere'ta, hapaɨna siere xete akahɨani, mexɨiwa kepauku xeyɨwekaxɨani. ¹² Xɨka xeme ikɨ yamanyine yaxete yuriekuni, aixɨ anyitɨ panyine siere yunake'erie. Ikɨ'i yamanyine tewi'tsie kehakuneka tita rexeiya, haikɨ'ta tita kwarexeiya. ¹³ Mɨ'ta ikɨ yamanyine pɨkwati'ane hipatɨ maparewiyanikɨ mɨta xeme xeyuti ikatɨani. Hetsiena mieme, pɨta yaxeikɨa tipaɨmeme xetenexeiyani. ¹⁴ Xeme anayuhayawakame xete hexeiya hikɨ tukari meteyatuiriyarieni mɨkɨmexi tita mete hauyahɨwa. Ikɨ siere yati'ane mɨkɨmexi ranayuhayawakame metehexeiya xeme xehetsie timieme tita xetehauyahɨwa, paɨma'ta yaxeikɨa tipaɨmeme xetehexeiyani. ¹⁵ Ikɨ yati'ane pɨre uxakɨ: ''KE'ANE WAɨKAWA REXEIYAKAI TIXAɨ KWARANAYU HAYEWIRI, MɨTA KE'ANE ECHIWA REXEIYAKAI TIXAɨ REIYAHɨATɨ KWARATɨA.'' ¹⁶ Mɨ'ta panpayusi Kakaɨyari, aku Tito iyarieyatsie yukatetɨa mɨta siere ne paɨmɨ nexereuku ɨwiya xeme. ¹⁷ Mɨta mɨkɨ xeikɨ kwa itanake'eri tame parewiya tewaukai, pɨta paleku puyu iwayaxɨ ikɨ yamanyinetsie. Mɨkɨ peyatɨa xe'hatsɨa yareuyahɨatɨ yu'hetse. ¹⁸ Mɨ'ta tame tepeinɨ'a hamatɨana aku ta'iwa aku meminake'erie yu'naitɨ teyupanie mamuyukuxexeɨriwa aku ti'uximayakɨ Kakaɨyari niukieya kuxatatɨ. ¹⁹ Mɨ'ta ikɨ xeikɨa hawaikɨ, pɨta mɨkɨ panayahanie iya mepeneya'ha iwamarixi teyupanie mamuyukuxexeɨriwa ta'hamatɨa muyeikanikɨ aku rakahɨanikɨ ikɨ yamanyinekɨ tumini man'ɨni. Ikɨ yati'áne Ukiyari raya'arɨkame temayeitɨakakɨ mɨta siere temihekɨata ta'parewiya yatetehaunake'erietɨ teteparewie. ²⁰ Tame pɨteteku'eriwa pɨtekatehauyahɨatɨ aku xewitɨ niuki xatɨaka ta'hepaɨsta aku yatete kahuku tumini teyatuakɨ. ²¹ Tame teyu ɨwiya aixɨ tetekahuni, xeikɨa Ukiyari hɨxie waikɨ, hapaɨna siere teɨteri wa'hɨxie. ²² Tame siere xeime ta'iwa tepeinɨ'a wahamatɨa; muixa kahautineika'kaku tepi inɨatatɨwe, mɨta pɨtete ixeiya aixɨ tikamiekame aku tete uximayatsie. Hikɨ'ta mɨkɨ masi waɨkawa aixɨ tikamie aku xe'hestie kwareutawe'eriekɨ. ²³ Mɨta Tito'tsie hakunena, mɨkɨ hɨkɨ neparewiwame temiweiya uximayatsika xeme xe'hatsɨa. Mɨ'ta ta'iwamatsie hakunena, mɨkɨmexi teyupanie mamuyukuxexeɨriwa mewareyanɨ'a. ²⁴ Mɨkɨmexi mete aya'atɨ mehɨkɨ Cristo'tsie. Ya'umieme xe'waruhekɨatsiri aixɨ eriyarika, mɨta xeuhekɨa'ta aku teyupanie mamuyukuxexeɨriwa ketiu tame tepauta'ɨ xe'hepaɨsta aku hipame aku teyupanie mamuyukuxexeɨriwa.