¹ Né, Pablo, né yaxeikɨa, xeme nexatsi ayawawirie tewa nekanekaketɨ mɨta aixɨ iyari Cristo hepaɨsta. né nepuma xe hɨxie memutakekatsie, mɨta waɨkawa netɨrɨkaɨye xe hamatɨa nekwaneka nieritɨakatsie. ² Né nexatsi´ayawawirie, kepauka Né xehamatɨa neyukanieritɨaka´tsie, tɨrɨkariya waɨkawa nekwa hauye hɨaka sasuni heriya nehexeiyatɨ ne hetsie. ne paɨ netineku hɨawe kename tɨrɨkariya ne hauye hɨatɨ ne´ayani kepauka iyamexi wa hɨxie neta kenitsie ke´ane paɨ meteyuku hɨawe kename tame te´u´uwa ta waiyari kereuye hɨwa. ³ Mɨta tsepa tame temaye niniere ta´waiyaritsie, imieri tekwa wewie ta´waiyari kereuye hɨwa. ⁴ Mɨta tame titakɨ teteyu kwitɨwe ta waiyaritsi watimieme. paɨta, mɨkɨmexi kakaɨyari tɨrɨkariya wayatuirieni tɨkakame tɨrɨkarieya meti unaxɨanikɨ. tixaɨ warayani iyamexi kememaitɨka ta hepaɨsta. ⁵ Tame siere teteniti unani sesuime pinite teuteri mete wewie wapai meyuka uitɨa ke´ane mantaka kakaɨyari maiyaya hepaɨsta. ⁶ Mɨta aixɨ teyukuyuruwa tewa kastigaruwanike ke'anemexi iya mekwa hau'enana wa hepaɨsta , yapauku ke aya'ani mehau enanatɨ memakɨnekɨ. ⁷ Xekeneunieri tita xehɨxie tiyu hekɨa. xɨka xeitɨ sasuni ti erieka kename Cristo hetsie mieme hɨkɨ, yu hetsie ke'aye erieni mɨkɨ kename siere Cristo hetsie mieme hɨkɨ, mita yaxeikɨa siere tame hetsiena mieme te hɨkɨ. ⁸ Mɨta tsepa né etsiwa kwinie nemikuyuruwa nɨ'aritsie, iya ukiyari tatsiyatuiri xeme texatsi anku hapanikɨ nita hawaikɨa tekwaxetsika unanikɨ, né nekwaneti tewiya. ⁹ Né paɨ nekwareu'yehɨwa paɨ tiuyu hekɨkɨareni kename nexemariuta ne'xapakɨ. ¹⁰ Mɨta hɨpatɨ teuteri paɨ memaitɨka: ''mɨkɨ xapaya kataya akani mɨta tɨrɨkaɨyetɨ, mɨta ta hɨxie mutakekatsie mɨkɨ kwatiuka newie kwinie kwatiu xaxata. kwaraya axe niukieya te enieka ¹¹ Xenewareu hayawa mikɨmexi teuteri mekeheti enanani kepauka xe hamatɨa temeyukanieritɨakatsie tame paɨ tetehekakɨne ketemute u'utɨa ta xapatsie tewa te u´uwatɨ. ¹² Tame tewa tekwahekɨka xekwatatsi inɨatani iya wa matɨa ke'ane witsi mete hauyu heriya yu hetsie. mɨta kepauku mɨkɨmexi meyuku ɨnɨatatsie mɨta meyuku inɨnɨata yu hamatɨa, mɨkɨ mekwa hei xeiya memeti enatɨkɨne. ¹³ Tame, yatɨtɨta, tekwayu we'eta nekatiyurienetsie. paɨta, seikɨa paɨ netikayani kewa xeikɨa kakaɨyari ti pitɨatsie, mɨta tame xeikɨa tete uximaya mɨkɨ ketatiu'ta hɨawixɨ kewa xeikɨa uximayatsika temehɨka. ta uximayatsika'tsie, mana siere xekaniye'uka xeme. ¹⁴ Mɨta tame kwinie tewa tekwatehau hatɨkɨ kepauka xeme texatsi'uku axixɨtsie. tame meri temakɨ temaya axɨa, meta siere texe'uku axixɨ Cristo niukieya teputa xaa' ¹⁵ Tame tekwatawe'eta uximayatsika kakaɨyari hipame wayatuiritsie, uximayatsika temuta hɨni hapaɨ. paɨta, tame paɨ tetehautakwewie mexi xa'sasuni eriyerika were, kewa uximayatsika temehɨ aixɨ keti itɨarieka waɨkawa keti aneni, mɨta xeikɨa kewa atɨ repitɨaritɨ. ¹⁶ Ikɨ tame paɨ tetehauye hɨwa, mɨta teyɨwawetɨ teke akɨne niuki tetaxata humapaɨtɨ xe'aurie kiekaripa. tame tekwatatiwe'eta uximayatsika muyuhɨkɨ xeime uximayatsikayatsie. ¹⁷ MɨTA KENEPITɨAKA KE'ANE YUTA WE'ETA, KE YU WE'ETANI UKIYARITSIE.'' ¹⁸ Mɨkɨ kwahɨkɨ ke'ane yu kɨmana yuhetsie witsi reuyu'eriya, pɨta kahɨkɨtɨnɨ ke'ane ukiyari ya'xa.