¹ Pɨneputayɨwekaku kename xeme xeyɨwawe xenete'unewirieni tsepa kenemutayɨ. ¡mɨta sasunimekɨ xeme xekwanetenewirie! ² Ne ɨtetsakɨ xekɨmana. Ne nepexeiya Kakaɨyari ɨtetsarikaya xekɨmana, kepaukupaitɨ nemekaxewiriyaxɨtsie xetiwikenitsie yukɨna matɨa. Ne nepekaxewiriyaxɨ kename nexehekɨata aixɨ xe'aneneme Cristo hatsɨa. ³ Mɨta ne'pauma xɨka xehauhutɨ, ku'u muyɨ Eva munanaima hapaɨ, xehɨawiya hauyeweni tsiranyɨnemetsie tewapaitɨ aixɨmanyɨnetsie mɨta aixɨ anetsie Cristo hapaɨsta. ⁴ Xɨka xewitɨ hamieni yukɨ tikuxatatɨ Jesús hapaɨsta keyuri tame temikuxata. Xemenkwewieni espiritu yukɨ aneme ke'ane yumamatsie xemuhɨi. Kename xeme xe'ankwewi Kakaɨyari niukeyatsie utikaikame ke'ane xemankwewi. ¡Xeme xetenewie 'ikɨ yemanyɨnekɨ mɨta palekumekɨ! ⁵ Netsɨ pɨnetinekuhɨawe kename ne nekahɨkɨ nekwaraye 'axe ke'akuxi 'iyamexi nɨ'aritsixɨ wahapaɨ. ⁶ Ne'tsepa waɨkawa nekatiuneti'ɨkitɨa. kenetiyɨwe mɨta naimetsie, tame texetehaxaxatɨwa 'ikɨ yamanyɨnekɨ. ⁷ ¿Tatakiri ne tiunepitɨa ne xetiuta'uximayatsirieka xete'ayeatɨ xemayeitɨarienikɨ? Ne'xetiutaxatɨakɨ nekaxewiyatɨ Kakaɨyari niukeya. ⁸ parewiya neputana ke'eri xeitaparie netita 'uximayatake xehetsie mieme. ⁹ Kepauku ne xehamatɨa nemuyeikakaitsie waɨkawa ne reuyehɨatɨkatei, ni tixaɨ nekwaxetiutawawiri. Hipatɨ ne'iwama Macedonia me'anexɨaka 'imikeri meneteyetuiri. Naimetsie neyu'uta xeme xekwa hauyu'iyaritaɨkakɨ, mɨta yaxeikɨa netikamieni. ¹⁰ hasunikɨ Cristo nehetsie yukanieritɨa, mɨkɨ rakumate neti'uximayatsirie kepauku retimani Acaya. ¹¹ ¿Ketiu? ¿Ketiuru nekwaxehauyehɨwa? Kakaɨyari rakumate. ¹² Mɨta nekwatihayawa, neti'uximayatɨ yaxeikɨa mɨkɨmexi mete'uximaya yaxeikɨa tame ketente 'uximaya. ¹³ mɨkɨmexi yeyupatɨ te'itawamete nɨ'aritsixi te'uximayatamete mete'itatɨ.Cristo nɨ'arimama meyuxatatɨ. ¹⁴ 'Ikɨ ni kwahekwame, tɨkakame tɨtɨ kayuhekɨatamɨkɨni akeri hekɨariya mexeiya hapaɨ. ¹⁵ Ni mɨkɨ kwahekuame meta xɨka hapaɨna nɨ'arimama meyuxatani kename aixɨ metekahu aixɨ manyɨnetsie. Wahuyeta katakamieni wa'uximayatsikatsie kenreuyewetse. ¹⁶ Hekwamekɨ yenepaine: kename xewitɨ pɨkatiyukuhɨawe kename ne ne hɨkɨ ti'itawame. xɨka pɨ'xeteyukuhɨaweni, xenenankwewi ti'itawame hapaɨ 'echiwa ne'neyutiwe'etakeyu. ¹⁷ Ikɨ kenemaine ya'manyɨnekɨ hasuni ne'ayeitɨtɨ we'eriya Kakaɨyari pɨkwatinake'erie, ne pɨta ti'itawame hapaɨ ne haitɨ nepaine. ¹⁸ yuwaɨkawa teɨteri meyuwe'eta waiyari kenreuyehɨwa, ne hapaɨna ne'yutiwe'etá. ¹⁹ Xeme xetewanewirie xeyutemamawietɨ te'itawamete, ¡hasuni xeteyu'eririetɨ xeme kename xete'akumate! ²⁰ Xeme xetewanewirie ke'hate mexe'akuwɨtɨa, mexetikwani, pɨ'metehau'yukuparewie xekɨmana, mete aye'atɨ mepayuyeitɨa, keyuri xeme, xɨka metehaunanaimaka xehɨxie. ²¹ Ne pɨ'netayɨni ne'haunetewiyatɨ kename tame tekatɨrɨkawitɨ 'ikɨ yetete'uyurikɨ. yatɨtɨ'ta xewitɨ mayukawe'etatɨyeika, netikuxata kwa'hau'ena meta ne hapaɨna ne'yutitiwe'etaá ²² ¿Mɨkɨ metehɨkɨ hebreotari? Ne hapaɨna. ¿Mɨkɨ metehɨkɨ israelitatari? Ne hapaɨna. ¿Mɨkɨ metehɨkɨ Abraham nuiwarimama? Ne hapaɨna. ²³ ¿Mɨkɨ metehɨkɨ Cristo nɨ'arimama? (Ne netiuxaxata ruku hapaɨ.) Ne hapaɨna nehɨkɨ. Ne nera uximayatawe waɨkawa hahetetemetsie, mɨixa nemantahɨiwatsie, neti weiwatɨ kaheka 'inɨarimekɨ, mɨkiriya hawarinetikuwikweiyatɨ. ²⁴ Judiotsixi menetsihaukuwaxɨa auxuwimexa ''40 xeime anakawekame paɨmemekɨ).'' ²⁵ Haikakɨ nepautiweiyaxɨa kɨyekɨ. Heiwa ne'pautituaxiexɨa. Haramaratsie haikakɨ ne pukayunixɨ tɨma. xeitɨkari xe'tukari nepuyuri haramatsie. ²⁶ Muixa nepuyatɨa, aki'utia kweritianekaku, tenawawayamete watsata, ne iwama ne kie kietari watsata, gentiltsixi watsata, kweriwa'anekɨa kiekari anyawatsie, kweriwa'anekɨa tiumawitsie, kweriwa'anekɨa haramaratsie, kweriwa'anekɨa iwamari te'itawamete watsata. ²⁷ Ne netiuta'uximayataxɨ tɨrɨkaɨyememekɨ meta mɨiwa inɨatsikatsie, waɨkawamexa tɨkari nekakutɨ, ne'hauhakamɨtɨ hapaɨna ne'hauharimɨtɨ, waɨkawamexa ne'nehakietɨ, ne'hauxerimɨtɨ hapaɨna waɨkawa kemari ne karexeiyatɨ. ²⁸ Mɨkɨkɨ xeikɨa kwatiane, hapaɨna nepauyuhɨawe meyunaime wahetsie miemekɨ kehate mete'awiya teyupanie man'utɨka. ²⁹ ¿Ke'ane kwahautɨrɨkaɨye, ne hapaɨna pɨ nekatiane? ¿Ke ane metihɨiya, nekatiutatawe haxɨakɨ hetiuyɨkɨ? ³⁰ Xɨka neyutawe'etamɨkɨ, ne'netawe'eta tita ³¹ Kakaɨyari meta Jesús Ukiyari Yauya, aku Iya ti kwitɨarie tukarikɨ, ¡mɨkɨ katakumaika kename ne nekati'ita! ³² Damasco kwieyaritsie, tatuwani rey Aretas inɨakaku mɨkɨ tanierekai Damasco kiekariyaritsie netsiwiyake. ³³ Mɨta ventana ne'patuiya tsamuritsie ne'ayakaitɨ ana yenetiwaruwikei.