¹ Yɨwe ne ne'maune ɨka, mɨ'ta yenetiku'eriwatɨ tixaɨ nekwara'iwa. Mɨta nepumieni Ukiyari neti'xeiyastɨakɨ neti'heinɨtɨakɨ nepumieni. ² Nepixexeiya xeime tewi Cristo'tsie 14 witari mautinena, waiyarieyatsie sinu tseapa ka'waiyarieyatsie, nekwarakumate, Kakaɨyari xeikɨa rakumate, pankuhanie taheima pautimie hairieka haiwiyaritsie. ³ Nerakumate kename ikɨ tewi, waiyarieyatsie sinu tseapa kawaiyarieyatsie, nekwarakumate, Kakaɨyari rakumate, ⁴ pankuhanie pewitɨkie witsitiu'anetsie mɨta pu'enaxɨ waɨkawa niuki timai'weme wa'atɨ xeime yatiutahɨawe kayɨwetɨ. ⁵ Mɨkɨ tewi hepaɨstana nepaune'ɨka. Ne'ta nehetsie nekwahaune'ɨka, hɨrixɨa newaiyaritsie kene'itɨa. ⁶ Xɨka ne nehaune'ɨkake, nekwa rukutɨnike, pɨta tita tiyuri netikuxatanike. Mɨta neyune'wa nekwahaune'ɨka, kataku xewitɨ pɨtiu'erienikɨ nehetsie antiyakamekɨ aku kenti'niere ne'hetsie, yata kentiu'enaxɨ ne'hepaɨsta. ⁷ Hapaɨna'ta neyune'wani nemaune'ɨka aku tita tɨrɨkaɨyeme netiu xeiyastɨariekɨ. Ya'umieme, kataku ne ne'uta newe'etakɨ, newaiyaritsie xuiya nepauketsiyarie, Tɨkakame nɨ'arieya peiyanɨ'a nehetsie netikwinitɨakakɨ, kataku nehaune'ɨtɨ ne'ayanikɨ. ⁸ Haikakɨ Ukiyari nepitawawiri ikɨ yamanyinekɨ, aku nestsi nawairienikɨ. ⁹ Mɨ'ta Mɨkɨ pɨnera'hɨawe: ''Ne imikieriri panayuhayawa a'hetsie, mɨta ne tɨrɨkariya aixɨ tikuyuruwa aku titatsie pakwatiyɨwe.'' Ya'umieme pɨta nepaune'ɨka titatsie nekwatiyɨwe, aku Cristo tɨrɨkariyaya nehetsie yuhayawa. ¹⁰ Ya'umieme nepaunetemawie Cristo'tsie hakunena, titatsie nekwatiyɨwe, nematieriwatsie, nekwayɨwenitsie, nemuweiyariekatsie mɨta siere tixaɨtɨtsie nekwatiyɨwenitsie. Mɨta kepauku nekwayɨwenitsie, anamɨ tɨrɨkaɨyetɨ nehɨkɨtɨni. ¹¹ ¡Neu'erietɨ nepatɨa! Xeme waɨriyarika xenetsi upitɨa yene'aneni, pɨta ne raya'arɨkame xenetsi ayeitɨanikekai xeme. Mɨta tixaɨtɨtsie ne waheima nekwahaukawe aku mɨkɨmexi Nɨ'aritsixi mete uyuterɨwa, meta ne'tɨtɨ tixaɨ nekwatihɨkɨ. ¹² Heyeme tita ti'yuri ti'hekɨariwe aku Nɨ'ariwame yatiuyuri xeme xe'hɨxie paleku makamexɨitatɨ, tihekɨakame kwatiyɨwe hapaɨ mɨta waɨkawa tiuyɨ tɨrɨkaɨyemekɨ. ¹³ Mɨ'ta ¿Kexe anekai xeme xekate aya'arɨkakai hipame wa'hepaɨsta aku mamuyukuxexeɨriwa, mɨ'ta ne xe'hetsie tixaɨ nekwaxeti wawiriekake? ¡xeteneneuyahɨwiri ikɨ yamanyinekɨ! ¹⁴ ¡Xeunieri! nepunekuha'aritɨari xe'hatsɨa neyemieka hairiekamexa. Hawaikɨ xe'hepaɨsta ika nekwa ayani, mɨta nekwareuyahɨwa tita xeme xete hexeiya. Ne pɨta xeme nexe hauyahɨwa. Mɨ'ta niwemama kwayɨwe mete utani yu yeyeuma wahepaɨsta, pɨ'ta yaukate pɨreuyewetse mete'utanike yuniwema wa'hepaɨsta. ¹⁵ Ne ne'hetsie nene'temawietɨ nerexeiya netitaxɨtɨani, mɨ'ta siere xe'hetsie nepitaxɨtɨani. Xɨka aku nexe hauyahɨaka waɨkawa, ¿ne masi etsiwa xeikɨa nereuyahɨiya? ¹⁶ M+'ta heyeme yeti'ane, ne nekwa at+a heteriya xehepa+sta. M+ta, wa+kawa nenekuh+awe, nexe ukaxei xete itakame. ¹⁷ ¿M+'ta ne xeme nekwa xe'unanaima aku xeime nekwa hen+'a? ¹⁸ Ne wa+riyarika nepipit+a Tito kehauyanike xe'hats+a, m+'ta siere xeime hamat+ana nepen+'a. ¿Sunu Tito xeme xehenanaima? ¿Tame xe'hamat+a tekate uhu'kai a'xeik+a? ¿A'xeik+a tekate u'uwakai? ¹⁹ ¿Xeme pɨxeteku'eriwa kename hikɨ tukari mankayeika tame teputaku'hɨpa xeme xe'hatsɨa? Kakaɨyari hɨxie, tame Cristo'tsie tapakawɨ pɨtehaitɨkaitɨ naime hetsiena ti'mieme. ²⁰ Mɨ'ta nepau'ma kepauku xe'hatsɨa ne'mie mɨta nekwa xekaxeiya kehapaɨ nekwareuyahɨwa. Ne'pauma xeme xenetsi kaxeiya xeme kexete hauyahɨwa. Ne'pauma xɨka utixuawere tierika, ɨtetsarika, haxɨa tixuawere, tewa hayukake'kani, yu'hetsie xiekɨa ɨrika, wawiyarika, ɨ'rika hapaɨna au'erietɨ teyu'xamurieni. ²¹ Ne'pauma kepauku ne nemayeneni, Ne Kakaɨyari netsi'tewiya xeme xe'hɨxie. Ne'pauma pɨnetinemani hipame wa'hetsiekɨ tatakuri mete uyupitɨa matɨaripaitɨ, mɨta makwa uyuti'iyarietɨa yu'tatakurikɨ mɨta (tatakuri meteyupitɨa ukitsi matɨa ukitsi mɨta ukari matɨa ukari) mɨta kemete hauyahɨwa yu'waiyaritsie mɨkɨmexi yemeyɨakai.