¹ Ikɨ hɨkɨ hairieka neyemie xe'hatsɨa. ''NAITɨ KENTI ANE AIXɨ RAKAYɨNI NAITɨ RAKAHEKɨAKAMEKɨ YU'HUTATɨ YATɨNI YU'HUTATɨ TESTIKUTSIXI.'' ² Yanexerahɨaweri hipatɨ tatakuri meteyupitɨa meripaitɨ mɨta hipatɨmana kepauku mana nemeyeikakai hutariekatsie yaxeikɨa nepaine hutarieka kapauku ne nemanuani nekwa xekuwikwestɨani. ³ Xɨka pɨnehaineni ikɨ ketiuru xeme xetekuwautɨwe ti'hekɨakamekɨ kename Cristo uta'niuka nehetsie mieme mɨkɨ kwahauyuwaɨriya kwahɨkɨ xeme xe'hepaɨsta masi patɨa, mɨkɨ tɨrɨkaɨye xe'hetsie. ⁴ Mɨ'ta patɨa mukawiya kuruxitsie kahauyuwaɨriyatɨ, mɨta payeniere Kakaɨyari tɨrɨkariyayakɨ. Mɨta tame siere tehɨkɨ tɨrɨkariya tekwa hexeiya hetsiena, Mɨta hamatɨana teu'uwatɨ tepakɨne Kakaɨyari tɨrɨkariyayakɨ xe'tsata. ⁵ Xeneuyutimaixɨa xeme yu'hetsie xetehtimanikɨxɨka aku xeheixeiyani yuri eriyarika. xekeneuyitimaixɨa xeme yu'hetsie. ¿Xɨka xekate hetimaiwaweni ikɨ yu'hetsiemieme kename Jesucristo xehetsie kaniere? Akuxi xeme xɨka xekate hauyahɨawaweni inɨatsikatsie. Mɨkɨ payeniere ya'ta xeme xekwate antikɨne. ⁶ Ne pɨnereɨyahɨwa xekete akumaikakeyuri aku tame akuxi tekwate hauyahɨawawe. ⁷ Hikɨ'ta tame teyunenewie Kakaɨyari hatsɨa xeme kataku tsixetekahunikɨ. Nekwayu nenewie tame aku temantikɨnekɨ ikɨ inɨatsikatsie. Ta'aurie mawetse, neyunenewie aku xeme aixɨ xetekakɨnekɨ, tseapa tame pɨtiuhekɨkɨare tekwa antikɨ aku inɨatsikatsie. ⁸ Mɨkɨ tame tekwa yɨwawe yukɨ tete uyurieni aku tita ti'sasuni hepaɨsta, pɨ'ta akaxewimekɨ tita tisasuni hepaɨsta. ⁹ Tame teyutemamawie kepauku tekwa hautawaɨriyani mɨta xeme'ta xetɨrɨkawini. Hapaɨna teyunenewie aku xeme aixɨ xe'itɨariekakɨ. ¹⁰ Ne ikɨ yanetiku utɨwa mexi akuxi tewa ne'uyeika xe'hepaɨsta, mɨ'ta kepauku xe;hatsɨa nenekanieritɨaka kataku tɨrɨkaɨyemekɨ nexehetanɨ'ani aku ne nemeixeiya nexe utanɨ'ani tɨrɨkaɨyemekɨ, aku Ukiyari netsiyatuiri tɨrɨkariyakɨ nenɨ'aka, aku aixɨ xeteyuku hɨawenikɨ hawaikɨ'ta xeyuta xɨrietɨyeikanikɨ. ¹¹ Kwinatɨrieka, ne'iwama, ¡xeyutemamawieka! Xeketene uximayaka xetɨrɨkawinikɨ, aixɨ xeketene yukuhɨaweni, yaxeikɨa xeteneku'eriwani, uxipiyakɨ xeneu'uwani. Mɨ'ta Kakaɨyari nenimayatsika yatua uxipiya yatua xehamatɨa kaniereni. ¹² Xekeneuyutahɨawi hipame wamatɨa xei itsiyakɨ aixɨ aneme. ¹³ Yunaitɨ yuri mete'erie waɨritsika mexehenɨ'airiwa. ¹⁴ Ukiyari Jesucristo imikierieya, Kakaɨyari nake'eriyaya, mɨta temikuhɨawe Espiritu Santo yunaime xehetsie kaniereni.