¹ Híkɨta xeme nexe ayaeristɨwa, iwamarixi, Kakaɨyari niukieya aku nexe'utaxatɨa, aku xeme yumamatsie xemi'hɨi mɨta aku xeme xemakawɨ. ² Ikɨ Kakaɨyari niukieyakɨ xeme xemukuwikei, xɨka xeme xe'akawɨka heitseriemekɨ Kakaɨyari niukieya nexe'utaxatɨa, ya'ta xeme sasuni xete uta'eri xeikɨa xete'uyɨ. ³ Mɨta ne nexeyatuiri raya'arɨkame nepayeitɨa matɨari paitɨ aku ne neyatuiriyarie: kename Cristo u'mɨ tatakuritsie aku Kapatise pɨre'uxa, kename ⁴ Mɨkɨ ukateukie kename'ta ankuketɨarie hairieka tukari aku kehapaɨ reuku'uxa Xapatsie. ⁵ Cristo puyu'hekɨataxɨ Cefas hatsɨa, umaniere'ta meyu 12 wahatsɨa; ⁶ Umaniere'ta puyuhekɨataxɨ 500 masi heimana iwamarixi axeikɨ makanierekaku. Hipatɨ akuxi hikɨ mapayeneniere, hípatɨ'tari mapukwi. ⁷ Umaniere'ta Santiago hepaɨsta puyuhekɨata'xɨ umaniere'ta nɨ'aritsixi yunaime. ⁸ Kwinatɨrieka, Mɨkɨ ne'hatsɨa puyuhekɨataxɨ, nunutsi wa'atɨ netihɨkɨ nuiwakame tukaritsie ana kwatinakekai. ⁹ Ne nehɨkɨ itsiyumate nɨ'aritsixi watsie. kwatikunanake ne netitewaka nɨ'ari metsɨ netiwarukwinitɨa iwamarixi Kakaɨyari niwemama. ¹⁰ Mɨta Kakaɨyari imikierieyakɨ ne'hɨkɨ hikɨ tita netihɨkɨ, mɨta Imikierieya ne'hetsie xeikɨa kwa'atɨa. Ya'umieme, ne netiuta uximayataxɨ masi tɨrɨkaɨyemekɨ ke'akuxi mɨkɨ yunaitɨ. Mɨta, ne nekwatikatɨa, pɨ'ta imikierieya Kakaɨyari aku nehamatɨa kaniere. ¹¹ Ya'umieme, xɨka ne, ya'ta mɨkɨmexi, paɨmɨ tame tepikuxata mɨta paɨmɨ xeme sasuni xete uta'eri. ¹² Híkɨ'ta xɨka Cristo kuxaxatsiwani mankuketɨarie mɨkite watsata, ¿Ke'hapaɨ ti'ane xeme hípatɨ xemaitɨka kename kayɨwe xewitɨ mankukeni mɨkite watsata? ¹³ Xɨka kaxuaweni mankukeni mɨkite watsata, yati'anekɨ ni Cristo kakankuketɨariewe. ¹⁴ Xɨka'ta Cristo ka'ankuketɨarieweni, mɨta tame Niuku tekuxa'ta xeikɨa teneyɨa mɨta sasuni xete'erie xeikɨa xeneyɨa. ¹⁵ Xɨka'ta tehetimatiwa tehɨ'kɨtɨ Kakaɨyari itaiyame, metsɨ tame teni'hekɨatani Kakaɨyari hɨxie, pɨtehaitɨkaitɨ kename Mɨkɨ Cristo an'kuke kepauku Mɨkɨ kwatiuyuritsie. ¹⁶ Xɨka mɨkite maka anku'uitɨariwani, ni hapaɨna Cristo kakananku'ketɨariewe. ¹⁷ Xɨka'ta Cristo ka'ankuketɨarieweni, sasuni xete'erie xeme xeikɨa xetekɨ'eriwa mɨta xeme yaxeikɨa kuxi tatakúri xepexeiya. ¹⁸ Yati'anekɨ iyamexi keane mamukwi sasuni mete'erietɨ Cristo'tsie mɨkɨ siere mapukwi. ¹⁹ Xɨka xeikɨa ana'i tukaritsie tame sasuni tete'erieka uamutíyune Cristo'tsie, yunaitɨ teɨtri ana'i meta'ma, mɨkɨ tehɨkɨ texeiyarieka tekwate aya'axe hapaɨ. ²⁰ Mɨta Cristo pankuketɨarie mɨkite watsata, Mɨkɨ matɨari hɨkɨ keane'ri iya mamukwikai. ²¹ Mɨta mɨkiriya nua xeime ukitsie, mɨta xeime tewitsie hapaɨna nua mankuketɨarieni mɨkite watsata. ²² Mɨta Adan hetsie yunaitɨ metikwikwiwe, paɨmɨ'ta siere Cristo'tsie yunaitɨ mapantanieritɨarieni. ²³ Mɨta yuxexuitɨ kemete he'utɨka: Cristo, matɨari mamukwi; umaniere'ta iyamexi Cristo mamutanake'eri mapantanieritɨarieni Mɨkɨ hamietsie. ²⁴ Umaniere'ta kwie kumawere, kepauku Cristo miyatuani kwiepari mɨkɨ Kakaɨyari Yauya. ²⁵ Ikɨ'ta yatiyɨni Mɨkɨ peikuyeitɨani naime mari'itsika, naime keani nɨ'a mɨta tɨrɨkaɨye. Mɨta Mɨkɨ nɨ'aka kepaukurike keane memeka'heka yu ɨkatetsie waruti'yatsa. ²⁶ Mɨkɨ makwinatɨ meka'heka ma'iwarieni mɨkiriya hɨkɨ. ²⁷ Mɨta: ''MɨKɨ NAIME TIUHAYAWAXɨ YU ɨKATE AURIE.'' Kepauku yamaine: ''MɨKɨ MANA TIUHAYAWAXɨ,'' yuhekɨa iya mana kwa'iyahatɨa aku Mɨkɨ tihayewiri. ²⁸ Kepauku naitɨ ikɨ tipiyani Mɨkɨtsie, umaniere'ta Niweya piti'pini Iyatsie keane naime tiuti'pi yu'Hetsie. Ikɨ yatiyɨni Kakaɨyari Yauya naime yatiyurieni naimetsie. ²⁹ kate pɨkatianenike mɨta, ¿kemeteyurienita iyaá kehate meɨyarie teɨteri kehate memukwikɨ? pɨtiane mɨkite mekwahanunuwakɨ, ¿Mɨta ketiuruta mepukaɨwa wakɨmanakɨ? ³⁰ ¿Mɨta ketiuruta, tekweriweane tukarikɨ mautihanetɨka? ³¹ ¡Tukari mankayeikatsie nekumɨmɨkɨ! Íkɨ sasuni panyɨne, kepauku aixɨ nexe'tikuxaxata'tsie, yaxeikɨa'ta netiyuriene Cristo Jesús ta'Ukiyaritsie. ³² ¿Tita nera'i'iwa, tewi ken'reika'enietɨyeika hapaɨ, ne'yutimieme xeime matɨa metehauti'uwa yautari Efeso kwieyari'tsie, xɨkate memu'kwi meka'antanieritɨarieni? ''Tete'ukwa'ani meta te'ietɨweni, tame uxa'a tekwinikɨ.'' ³³ Xekwa'te'itaiyarieka: ''Xɨkate ekɨ tsimete'uka'iyarime wamatɨa pe'uyeikani, wahapaɨ pe'itɨatɨ pepayani.'' ³⁴ ¡Xekeneyukuhɨaweni akaxewimekɨ ikɨ yeranyɨneme'tsie! Tatakuri xekwa teyupitɨaka. Xeme hipatɨ Kakaɨyari xekwa akumate. Ikɨ yenexerahɨawe xeyutewiwiyani'kɨ. ³⁵ Xewitɨ'ta tayɨni: ''¿keme'ane'ta mɨkite me'ayanenieretɨ? ¿waiyari ke'aneneme me hexeiyatɨ me'axɨani?'' ³⁶ ¡Xeme naime paleku xekwate'akumate íkɨ yaranyɨnemekɨ! xewitɨ takari kwa'tayɨra yu'kɨmana ya aku mu'haitɨa kwieta tiu'kateukie. ³⁷ Mɨtá tita xeme xeteka'eni mɨkɨ kwa'hɨkɨ waiyari ke'anetɨ mayani, sunu xeikɨa tita titakarieya. ikɨ'tayɨratsie payeiwe trigo mexɨkata tixaɨtɨ yukɨ ti'anetɨ. ³⁸ Kakaɨyari'ta piyetuirieni waiyarieya kehapaɨ aneme Iyaá miyatuirieni, mɨta takari'te yu'xexuime wa'waiyari waya'tuirieni. ³⁹ Naitɨ wai yaxeikɨá kwa'anene. Pɨtá pɨti'ane hipatɨ xuawe teɨteri wa'waiyari mɨta xewitɨ mete'u'uwa yautari me'ta tewatsiekate wa'waiyari, mɨta xewitɨ mete'a'wiwawawe wa'waiyari, mɨta xewitɨ ketsɨte wa'waiyari. ⁴⁰ Hapaɨna'ta xuawe wa'waiyari kehate ta'heima yuawi mautiyune'tsie meyu'kanieritɨa me'ta xuawe a'na kwiepa mete'u'uwa wa'waiyari. ⁴¹ Tau hekɨariyaya xuawe, me'ta xewitɨ xuawe metseri hekɨariyaya, mɨ'ta yukɨ'anene xurawetsixitɨtɨ wa'hekuariyaya ⁴² Paɨmɨmɨ'ta hapaɨna a'ne kehate memu'kwi me'mantanieritɨarieni'tsie. Tita tiuyuka'etsa ta'pɨne, mɨta tita rankuketɨarieni kwa'pɨniwe. ⁴³ Kepauku ka'etsieni mɨnike, pankukeni witsi'anemetsie tɨrɨkaɨyemekɨ. Kepauku ka'etsieni kwa'hauyu'waɨriyatsie; tɨrɨkariya'tsie pankukeni. ⁴⁴ Wa'iyari kwiepa'mieme ka'teukieni; Kakaɨyari ke'aneme waiyarieya miyatuiri hetsiena pankukeni. Hikɨ waiyari xuawe yuhekɨatɨ, hapaɨna'ta waiyari xuawe Kakaɨyari miyatuá. ⁴⁵ Paɨmɨmɨ'ta hapaɨna reuku'uxa: ''MATɨARI TEWI MU'HAITɨA ADÁN NUÁ AYANIKÉ YU'XEWITɨ KɨPɨRI AYENIERETɨ.'' Kwinatɨrieka tewi Adán patɨa espíritu tukari tiyupitɨwatɨ. ⁴⁶ Mɨta tita rayaniere katiyuhekɨatɨ kwa'nua matɨari pɨta tita tiyuhekɨa matɨari kanuani, arikeké'ta kanuani mayaniere katiyuhekɨatɨ. ⁴⁷ Mu'haitɨa tewi kwiepa kamiemetɨni, kwié tumɨanarieya'kɨ wewiya'tɨ. Hutarieka'ta tewi ta'heima Kakaɨyari kiekarieya'tsie kamiemetɨni. ⁴⁸ Paɨmɨ'mɨ iyaá hapaɨ kwié tumɨanari'kɨ wewiya'tɨ hɨkɨ. Mɨta paɨmɨ'mɨta iyaá hapaɨ Tewi ta'heima Kakaɨyari kiekarieya'tsie mieme, paɨmɨ'mɨta hapaɨna me'anene kehate ta'heima Kakaɨyari kiekarieya'tsie me'mieme. ⁴⁹ Paɨmɨ'mɨta hapaɨna tame te'anene tewi kwié tumɨanarieyakɨ wewiya, yapaɨna tete'aka'erietɨ tepakɨne kenraka'erie Tewi Kakaɨyari kwiekarieya'tsie mieme. ⁵⁰ Hikɨ'ta yenepaine, iwamarixi kename ta'waiyarikɨ meta ta'xuriyakɨ teka'ankwewieni kentinake Kakaɨyari kiekarieya'tsie. Hawaikɨ'ta hapaɨna ti'pɨniwe kwa'rankwewieni kentinake kwa'tipɨniwe. ⁵¹ ¡Xeke'tenetimamatekeni! yene'xetitahɨawe niuki ti'sasuni kwa'hekɨatsiewe'kɨ: te'yunaitɨ te'kwakwini, te'yunaitɨ yukɨ te'anenetɨ tepakɨne. ⁵² Táme te'waparieni ye'reutewikakaku, ha'mankɨpe yetewime'kɨ hapaɨ, kwinatɨrieka tayuani'tsie trompeta. Pɨ'tiyɨni trompeta tayuani meta kehate me'mukwikai me'pantanieritɨarieni meka'kwuiwetɨ mepakɨne, mɨta tame wa'hapaɨ tetiwaparieni. ⁵³ Íkɨ ta'waiyari pɨniwe yu'wapá waiyari kwa'pɨniwekɨ, mɨta íkɨ ta'waiyari mɨwe yuwapa kamɨwetɨ mayanikɨ. ⁵⁴ Mɨta kepauku íkɨ ta'waiyari pɨniwe yuwapa'tsie waiyari kwapɨniwe'kɨ mɨta kepauku íkɨ ta'waiyari mɨwe yuwapa'tsie waiyari kwamɨwe'kɨ, anariké paya'ani utsika kemaime: ''MɨKIRIYA PANKAXɨWIE RAYU'IWATɨXɨ'Kɨ.'' ⁵⁵ ''¿MɨKIRIYA, KEWA PEHEKɨA PERA'A'IWATɨ? ¿MɨKIRIYA, KEWA PEWE A'ɨRɨ?'' ⁵⁶ Mɨkiriya ɨrɨya tatakuri hɨkɨ, Mɨta tatakuri tɨrɨkariya mari'itsika hɨkɨ. ⁵⁷ ¡Mɨta pampariusi Kakaɨyari, mɨkɨ tete'ayu'iwakame tatsi'ayeitɨa ta'Ukiyari'tsiekɨ Jesucristo ⁵⁸ Ya'umiemekɨ, temau'yuyahɨwa ne'iwamarixi, tɨrɨkaɨyeme'kɨ waɨkawa xeketenawiyani tita xete'ankuwei'tsie, xeka'hetiwitsewetɨ. Tukari mankayeika xete'uximaya'tɨ 'Ukiyari uximayatikaya'tsie, Xeme xete'akumatekɨ kename uximayatsika 'Ukiyari'tsie timie yakɨ'xeikɨa te'kayɨa