¹ Xekeneuweiyani aixɨ manyine espiritu'tsixi wa imikierieya xehauyahɨatɨ, heyemekɨ akaxewimekɨ xeme xemeitɨmaixɨanikɨ. ² Keanetsɨ iya espiritu niukiyarikɨ mutaniuka, mɨkɨ teɨteri watɨ'warahɨawe pɨtatsi Kakaɨyari katahɨaweni. Xewitɨtsɨ tewi kweheti'ena mɨkɨ awietɨmekɨ maniuka Espiritu'tsie. ³ Mɨtsita keane aixɨ manyine reti'enie, teɨteri wa'titseɨriya wa'iyaritsie, wamari'itɨatɨ meta siere wa'nɨtɨatɨ. ⁴ Keane muta'niuka espiritu niukieya yu'hetsie yu'tseɨriya, mɨta keane aixɨ manyine meti'enie teyupanie tseɨriya. ⁵ Hikɨ'ta, ne pɨnereuya'hɨwa yu'naitɨ xeuti'niukanike espiritu niukieyakɨ. Mɨta masi ke'mɨkɨ, ne pɨnereuya'hɨwa xɨka xeme masi axɨ manyine xeheti'maitɨkɨkanike (meta xɨka xewiti mɨkɨ niuki akamaitɨyeikani naite teyupanie masi ta'tseɨye). ⁶ Mɨta hikɨ, ne iwama, xɨka xehatsia ne'nuani espiritu niukieya nehaniutɨ, ¿kehapaɨ'tsɨ nexetiparewieni? Nekwayɨwe, xɨkatsɨ harixɨa nexeuta'hɨawe ayehekɨa'kamekɨ, yata tiyumainɨame'kɨ, xeheti'enanatɨyeikamekɨ, ɨkɨtsikakɨ. ⁷ Xɨka xewitɨ kuikari kahetienietɨyeikani, kerakumate mɨkɨ xaweri kentiuyuane meta siere flauta kentikuyuane ¿Kepaukutsɨ tiyuanitsie keretimani tita xaweriyari rayuane? ⁸ Metsɨ xɨka awaa xutaru utayuitɨani, ¿Keane mekwa'xutarutsixi kemete'hetimani ke'haitɨ maine? ⁹ Paɨmɨ tianetɨ tiane xe'hapɨsta. Xika peuta'niuni espiritu niukieyakɨ, ¿Keanetsɨ petiena kepahaitɨ pemaine? Mɨkɨ xewitɨ kwametsiheti'enieni. ¹⁰ Huerietɨ waɨkawa niuki tixuawe anai kwiepa yukɨ'tiuyuniutɨ, naitɨ hetieniɨrɨkɨtɨ. ¹¹ Mɨta xɨka nekaheiti'enieka mɨkɨ niuki, ne tewanaka nehɨkɨtɨni keane iya mutaniuka hapɨsta, mɨkɨta siere iya mutaniuka hɨkɨtɨni tewanaka ne'hapɨsta ¹² Hapaɨnata siere xehapɨsta. Xeme pɨxetehauyahɨwa espiritu ketiuta'uximayata xe'hetsie, Xeketene'takuewieka waɨkawa aixɨ manyinekɨ yu'teyupanie xe'tseiriyatɨ. ¹³ Keanetsɨ mutaniuka espiritu niukieyakɨ keyunenewieka mɨkɨ meitienietɨyanikɨ. ¹⁴ Xɨka ne neuneta'nenewieni espiritu niukieyakɨ, ne espiritu siere kayunenewieka, mɨta ne kɨpɨri kayuku hayeikawani yu'xeɨta. ¹⁵ ¿Kene yɨni? Neneta'nenewieni ne espiritu'kɨ, meta siere nenetanenewieni ne kɨpɨrikɨ. Neta kuika ne espiritu'kɨ, meta siere neta'kuika ne'kɨpɨrikɨ. ¹⁶ Yetianekɨ, xika yu'Ukiyari xeteutakwitɨani espiritu'kɨ. ¿mɨkɨ tewi kehapai tayɨni "Amen" keapauku xeme pamparius xe'wewiekatsie xɨka mɨkɨ karakumaika kexehaitɨkaitɨ xemaitɨka? ¹⁷ Xemetsɨ aixɨ xene'yɨa pamparius xewewie, mɨta xemitɨ tewi xɨka kahetienatɨyeikani kexeyɨtɨa xeyɨa kwata'tseɨriyarieni kwaheti'enakɨ. ¹⁸ Pamparius nepiyatuirie ta'Ukiyari netsɨ'upitɨakɨ espiritu niukieya nemuta'niukani waɨkawa masi nike'xeme. ¹⁹ Teyupanie ne pɨnereuxatɨamɨkɨ xeapa auxɨwi niukiyari paleku yueniɨrɨkɨmekɨ hipame newaparewienikɨ ne niukikɨ, ni'ke diez mil niukiyari espiritu niukieyakɨ nita xewitɨ kanetsi'hetieniekakɨ. ²⁰ Ne iwama, tɨri waha'pɨ xekwateyukɨ'hɨaweni. Pɨtatsɨ, tɨri waha'pɨ xekete'neuka iyayarini. Meta titsetseɨ'yemekɨ xekeneyuku'hɨaweni. ²¹ Mari'itsikatsie pɨkateuku'ukani: TEɨTERI YUKɨ METE'UNIUKA TEWA'TARI META SIERE YUKɨ MEWAYA'ANENE TEWANA'RIXI NE NETANIUNI ANA'I KIEKARIPA. MɨTA MɨKɨ MEKWANETSI HETI'ENIENI," pɨkanaine ta'Ukiyari. ²² Mɨkɨ'ta espiritu niukieya muyeika ɨkitsika kahɨkɨtɨni keane sasuni mete'eriekɨ meta keane sasuni mekwate'erie mekwaheti'enana. Mɨkɨ'ta aixɨ manyine ɨkitsika kahɨkɨtɨni keane sasunikɨ mete'erie, meta keane sasuni'kɨ mekwate'erie mekwaheti'enanani. ²³ Yere'anetɨkakɨ, xɨka yunaitɨ teyupanie meuyuku'xeɨrieni espiritu niukieya'kɨ meuti'niutɨ, xɨka'ta hipa'tɨ mehauta'haxɨani wapai memu'uwa sasini mekwate'erie, ¿mɨkɨ pɨmekatetiyɨni kename xeme xekayumatetɨ xe'yɨa? ²⁴ Mɨ'ta xika yu'naitɨ xeyuka'nieritɨaka niuki aixɨ manyine xe'kuxatatɨ xɨka'ta xewitɨ hautahani sasini katierietɨ yata siere xewitɨ tewanaka, yapauku niuki peka'enietɨyani. Mɨkɨ mana katitimaixɨamɨkɨ kentikamien. ²⁵ Yu'iyaritsie naime ti'awieta katitimaixɨamɨkɨ, hɨxɨena naitɨ katihekɨarimɨkɨ meta yu'Kakaɨyari ayexeiyatɨ kanayeimɨkɨ. Mɨkɨ pɨkatayɨmɨkɨ kename Kakaɨyari hasuni'mekɨ xe'hatsɨa yukanieritɨa. ²⁶ ¿Hikɨ'ta tita'raniere ne iwama? Xeme xeyuku'xeɨrienitsie, yu'xexuite kuikari xekene'xeiyeni , siere ɨkitɨarika, Kakaɨyari nɨarieya, espiritu niukieya yata tixaɨtɨ aixɨ manyine ɨ'kɨya. Naime pɨxetene'yurieka yu'teyupanie aɨxɨ xeyurieka'kɨ. ²⁷ Xɨka xewitɨ uta'niukani espiritu niukieya'kɨ, meke'hɨkɨtɨni yu'hutatɨ yakatixaɨ'ta meyu'haikatɨ, meyu'pitɨatɨ yu'xexuitɨ metiniuni. Xewitɨ'ta heitimaitɨyeikatɨ kexetiuta'xatɨani ke'anyitɨ manyine. ²⁸ Meta xɨka xewitɨ kayɨweni meiti'maixɨani, yu'xexuitɨ mekeyuka'nieritɨaka kaiwatɨ meumatɨ yu'teyupanieta. Yu'xexuitɨ pɨ'ta Kakaɨyari meke'hahɨaweni. ²⁹ Yu'hutatɨ yata yu'haikatɨ te'maikate mekeuti'niuni, hipatɨ'ta niuki meketa'enieka keanyitɨ manyine. ³⁰ Xɨka'ta xewitɨ niuki ta'enie tiu'xeiyastɨarieni muwa niuki yuku'xatatsie, keane ma'niuka kaiwatɨ keutamare mɨkɨ ta'niunikɨ. ³¹ Yu'xexuitɨ xeme xe'yɨwawe aixɨ manyine xeime xe'taxatɨani xeyu'parewienikɨ aixɨ masi xemeti'enananikɨ. ³² Mɨkɨ te'maikate wa'espiritu aixɨ meteneika maitɨkɨkani te'maikate. ³³ Mɨkɨ'tsɨ Kakaɨyari kwa'hɨkɨ xewitɨ Kakaɨyari ti'itawame, pɨta ka'hɨkɨtɨni aixɨ tieritɨ'wame. Ikɨ nɨ'ari ka'hɨkɨtɨni naitsarie manwetɨka muwa teyupanie sasini mete'erietsie. ³⁴ Mɨkɨ ukarawetsɨxɨ kaiwatɨ mekeumakani muwa teyupanie. Mɨkɨ'tsɨ kwatiyu'pitɨaritɨ mema'niutɨkanikɨ. Pɨta'tsɨ, yu'kɨnama mekewareu'enieka, mɨkɨ mari'itsɨka kemaine hapɨ. ³⁵ Xɨka tixaɨtɨ reu'maimɨkɨni, mekewara'iwawiyani yu'kɨnama yu'kiepaitɨ. Mɨkɨ'tsɨ pɨ'tewiwe xewitɨ ukaratsi maniukani teyupanie. ³⁶ ¿Kakaɨyari niukieya xe'hatsɨa ti'nua? ¿Nusu yu'xexuitɨ xeme xepi axixɨa? ³⁷ Xika xewitɨ pɨra'eriwani kename ti'maikame hɨkɨ ya'ta siere kename espiritual hɨkɨ, keratimaitɨ'yeikani kename ikɨ neti'utɨa Ukiyari nɨari'eya hɨkɨ. ³⁸ Xɨka'ta xewitɨ ikɨ niukɨ kaheti'mamatekeni, xeme mɨkɨ tewi xekwa'hetimamatekeni. ³⁹ Paɨmɨ'tsɨ, ne iwama, aixɨ masi niuki manyine xekeneuya'hɨaka , meta xeime xekwate'namirieka espiritu niukieya'kɨ muta'niukani. ⁴⁰ Mɨta xeme kexenteyurie aixɨ manyine'tsie ketiwewiyaka heitserieme'kɨ meta siere aixɨ tianeme'kɨ.