¹ Hikɨta, netaniuni nenewieritsie timieme aku yuri mete'erie mieme, aku netiwaruta ɨkitɨa iwamarixi mamuyukuxexeɨriwa Galacia'tari, paɨmɨ xeme xeketeka'huni. ² Matɨari tukari manyakatsie, xeme xeyuxexuitɨ etsiwa piti'uta, mɨkɨ kehapaɨ tiyɨweni. Ikɨ pɨxetenekahuni akuri kepauku nemeteta'anitsie tawariri xekwa ikuxexeɨriwaniri ³ Mɨta kepauku ne nemeta'ani, keane xeme xemanayahana, ne nepenɨ'ani hatsɨana nenewiya muwa Jerusalen. ⁴ Xɨka'ta nehepaɨsta aixɨ aneni, meyahu, mɨkɨmexi nehmatɨa. ⁵ Mɨta ne xehamatɨa nenuani, kepauku Macedonia nemuyayani. Metsɨ mana Macedonia neniuyeyeimɨkɨ. ⁶ Xɨka'ta xe'hamatɨa nene'haya ya'ta siere xexerixa muwa nenehayawa, aku xeme xenetsi'parewienikɨ nehuyeta nemumie, tseapa kewa nemetɨa. ⁷ Mɨta xehamatɨa nenehayawa etsiwa tukari nekwanekuhayawa. Mɨta pɨnetiku'eriwa waɨka tukari xehamatɨa nepu'kani , xɨka Ne'Ukiyari netsupitɨani. ⁸ Mɨta mexi Éfeso neku'nuani maya anirike Pentecostés, ⁹ muwa nehepaɨsta reuyuyepi ayetewimekɨ, tsepa muwa makaniere menetsi aka'heka. ¹⁰ Hikɨ'ta kepauku Timoteo nuani, xeuxeiya mɨkɨ xehamatɨa kaniereni kahaumatɨ, metsɨ mɨkɨ kati uximayaka Kakaɨyari hatsɨa, ne hapaɨ. ¹¹ Xekwatepitɨaka xewitɨ minanaimaka. Xeuparewi huyeta'ana uxipieka, mɨkɨ nehatsɨa mamiekɨ. Mɨta ne nepitakwewie mɨkɨ mamie nehatsɨa hípame wamatɨa iwamarixi. ¹² Híkɨ'ta, iya ta'iwa Apolos hepaɨsta, tɨrɨkaɨyemekɨ nepiwaɨriri, xehatsɨa maumiekɨ iwamarixi wamatɨa. Mɨkɨ pɨkwatiku'eriwakai mamie xehatsɨa hikɨ. Mɨta, mɨkɨ pamie kepauku tukari maya'ani. ¹³ Xeyu'hɨxiyani, xeti'uweni tɨrɨkaɨyemekɨ sasuni xete'erietsie, ukitsi hapaɨ xetenekahuni, xetɨrɨkawini. ¹⁴ Naime kexete'yurie xeme aixɨ eriyarikɨ xeyɨaka. ¹⁵ Xeme xepemarie Estéfanas kiena, mɨkɨmexi matɨari mapa'kɨ sasuni mete uta'eri muwa Acaya mɨta mɨkɨmexi meyuya'xa sasuni mete'erie wahepaɨsta. Hikɨtá nexe'inie xeme, iwamarixi, ¹⁶ mɨkɨ siere iwamaririxi xewareu'enieka mɨta siere keane iyamexi mete parewie uximayatsikatsie mɨta siere tame metatsi parewie. ¹⁷ Mɨta nepaunetemawie Estéfanas, Fortunato mɨta siere Acaico ma'axɨanikɨ. Mɨkɨmexi meteyatuakai reuyewekakai xeme xemumawe'kaitsie. ¹⁸ Mɨkɨ menetsu waɨrí ne espíritu mapu'parewi mɨta siere xeme. Ya'umieme, mete aya'arɨkame xewarayeitɨaka ikɨ'i teɨteri yemeteka'hu. ¹⁹ Iwamarixi mamuyuku xexeɨriwa Asia kiekatari waɨritsika mexehanɨ'airiwa. Aquila matɨa Priscila Ukiyari waɨritsika mexehanɨ'airiwa, iwamarixi mamyukuxexeɨriwa siere kieta. ²⁰ Yunaitɨ iwamarixi waɨritsika mapanɨ'awa. Xeyuta'hɨawi hipame wamatɨa xeime itsiyakɨ iwamari hapaɨ. ²¹ Ne, Pablo, ikɨ nemi'utɨa ne'mamakɨ neyɨane. ²² Xɨka xewitɨ Kakaɨyari Ukiyari aixɨ kwareu'eriya, tsiti'itɨa kehɨkɨtɨni. ¡Ta Kakaɨyari Ukiyari kehamieni! ²³ Jesús Uiyari imiekierieya xehetsie kekaniereni. ²⁴ Nexehauyahɨwa yunaime xekete akumaika tanaitɨ tepakawɨka Cristo Jesús'tsie.