¹ Xenetsi'ɨketɨ ne'hapaɨ xeketeneu'huní, ne'hapaɨ nemé neni'ɨkení Cristo. ² Né aixɨ nexetikuxata xeme xenetsi'aye'eriwakɨ naime'tsie. yexeteka'hukɨ naime ɨkitsika ke anyineme nexeyatuiri xeme. ³ Hikɨtá ne pɨnereuya'hɨwa xeme xekeneti'enietɨkɨkani Cristo mu'ukame hɨkɨ yunaime ukitsi wa'epɨsta, ukitsi'tá mu'ukame hɨkɨ uka hepɨsta, mɨta Kakaɨyari mu'ukamé hɨkɨ Cristo hepɨsta. ⁴ Tsepa'ke'ane uki yunenewie Kakaɨyari niukieya'yatua yu'mu'ú anaka'eimatɨ yukɨmanakɨ tsiti'aneme tiyuwiwirie. ⁵ Tsepa ke'ane uka uyuta'nenewieni yatɨni'kakaɨri niukieya yatuani yu'mu'u ka'anayu'kaeimatɨ haxɨtikamietɨ hɨkɨtɨni iya yumu'ú hepɨsta. Yaxeikɨa anyitɨ payeika huapai muyuxikani'hapaɨ mu'umetsetɨ. ⁶ Xɨka xewitɨ uka yu mu'u ka'anakaeimani, mɨkɨ keuyukaxini ichi'uwietɨ. Xɨkatá tewiweni uka hepɨsta yu kɨpa mukaxini muyukamesteriya, yumu''u ke'anakaeima. ⁷ Uki kwayɨwe pɨkwareuyetsetɨtɨ yumu'u manakanáka, Kakaɨyari yu hapaɨ tiwewi'kɨ uki'tá mihekɨatakɨ Kakaɨyari kentiyɨwe. uka'tá hɨkɨ kentiyɨwe uki. ⁸ Mɨkɨ uki kwau'tawewiyakɨ uka'tsie. ta'urie mawetsekɨ pɨta, uka putawewiya ukitsie. ⁹ Ni'hapaɨna uki kwa'utawewiya uka hetsie'mieme. Ta'urie mawetsekɨ pɨtá, uka putawewiya uki hetsie'mieme'kɨ. ¹⁰ Ya'umieme uka ke'heixeiyani yumu'ú manakanani, yu'hekɨakakɨ uki hau'enietɨ mu'ukame'tɨnikɨ, kenti'ané iya akeritsixi wahepɨstakɨ. ¹¹ Ya'umieme, ukiyaritsie tetewiya, uka hepɨsta kayɨwe'pauyewetse uki'matɨa meyuparewiekakɨ, ni'uki kayɨwe'pauyewetse uka'matɨa meyuparewiwkakɨ. ¹² metsɨkarikɨ uka uki'tsié nayenéni, yaxeikɨa uki payené uka'tsie. Mɨta naitɨ yeti'ane Kakaɨyari'tsie timieme. ¹³ Xekeneu'timaixɨa xeme siere: ¿aixɨ tiuyu'hekɨkɨare'aku uka Kakaɨyari hatsɨa yunenewieka yu'mu'u antiyepietɨ? ¹⁴ ¿ketete haukunuiwa'tsie katiyu'hekɨa xɨka uki yu kɨpatsie akatɨtɨni, katewiweni mɨkɨ'epɨsta. ¹⁵ ¿Yetete haukunuiwa'tsie hapaɨna ¹⁶ mexɨka xewitɨ reuxeiyani ikɨ'hepɨsta, táme tekua'heixeiya tawarí'xeime yukɨ'tete u'hukaame, ni'mamuyuku'xexeɨriwa Kakaɨyari mayuyexeiyatsie. ¹⁷ Ikɨta ɨkitsuka waritana, hɨrixɨa aixɨ'kaaneni nekuatayini. Kepauku xeme xemuyukuxexeɨriwa, aix ti'anenikɨ xekayɨa, pɨta aixɨ kwatianenikɨ. ¹⁸ Ikɨ matɨarieka, ne pɨnetiena kepauku xeme xemuyuku'xexeɨriwatsie, xekayuwiyakamekɨ xeyɨa'xeme, ya'paɨmemetsie yuri nepayeitɨa'ne. ¹⁹ kaukwa'xeme xenexeiya xeyutaxɨriekakɨ yapapaɨmetɨ, hiaptɨ aixɨmetekahukame xekuane'warayeitɨa hipametá hawaikɨ. ²⁰ kepauku xeme xemuyuku'xexeɨriwa, kwahɨkɨ ikwai ta'Ukiyaritsie miemekɨ. ²¹ kepauku xeme xete'utikwa'atsie, yuxaxuitɨ yu'ikwai xekuane'yurie mexi'kuxi hipatɨ maka'heixeiyani xe'hetsie mieme. Xewitɨ mau'hakamɨkɨni xewitɨta titaweni. ²² ¿Tixaɨ xekate'heixeiya kuta xeme kita tiukwani yatɨni tixaɨ ranu'ieni? ¿xepi'uxie sɨnɨ'xeme mamuyuku'xexeɨriwa Kakaɨyari hepɨsta xewatewinɨa iya ke'ane tixaɨ makate.hauxeiya? ¿kerií nexera'hɨaweni? ¿aixɨ nexeti'kuxatani? ¡nitsɨhawaikɨ mɨkɨ'yamanyinekɨ! ²³ Ne'neyatuiriyarie Ukiyari hepusta hapaɨna nexetiuta'ukitɨa xeme, kename Ukiyari Jesús, ana tɨkarikɨ mu'kuamanarietsie, pani'pankuɨi. ²⁴ waritana pampariusi utayɨka, pitataraxɨ pɨputayɨ: "Ikɨ kahɨkɨtɨni ne waiyari, xe'hetsie mieme. pɨxekeneuyɨximeni xenetsi'aye'eriwanikɨ." ²⁵ Yaxeikɨata hapaɨna Mɨkɨ pan'kuhá tekɨxi tiukwaka waritana, pɨputayɨ: "Ikɨ tekɨxi hɨkɨ hekuame nexe'akaxewiririeni ne'xuriyakɨ. Paɨmɨ xeke'tenekahuni kepamexa xeme xemanu'ieni, xenetsi aye'eriwanikɨ." ²⁶ Mɨkɨtsɨ kepauku xemiti'kwa'ani ikɨ pani xemanye'enitsie ikɨ tekɨxi, xeme xepexaxatani kentiu'mɨ Ukiyari kepaukurike Mɨkɨ nuani. ²⁷ Tsepa'ke'ane, mexi, xɨka'ikwani pani yatɨni anu'ieni Ukiyari tekɨxieya karekanakemekɨ, hetsiena rahɨiyani iya tewi hpaɨna xuriyaya ta'Ukiyari. ²⁸ yexeke'tenepitɨaka iya tewi ke'uyuxeiya yu'kɨmana kuxi, paɨmɨ tikayayu xekeneupitɨa mi'kwani pani hapaɨna manu'ieni tekɨxita. ²⁹ ke ane tikwani ya manu'ieni ka'itimaixɨame tewi, pitikwani penu'ieni manta hɨiyanikɨ yuhetsie miemekɨ. ³⁰ Ya'umieme meyu waɨkawatɨ xeme xetsata mekwa'hauyuwaɨririya metekukuye, hipatɨ'xeme mepau'kukutsu. ³¹ Mexɨkatá te'ayutixeiya'tɨkɨkani tame takɨmana, tekua'antaxɨriyani. ³² Kepauku te'manatxɨriyani ta Ukiyari hepɨstakɨ, te'hɨkɨtɨni te'hataris'tɨariwatɨ, tekatakú te antaxɨritanikɨ iya'wamatɨa kwiepatari. ³³ Mexikuxi, ne iwama, kepauku xemuyu'ku'xexeɨriwani xete'kwanike, xekeneuyu kwekwe'wiani hipame wamatɨa. ³⁴ Xɨka xewitɨ hau'hakamɨkɨni, ketiukwani yu kita, kepauku meyuku'xeɨrienitsie ikɨ kwahɨkɨtɨni manta'hɨiyanikɨ. Mɨta hipametsie timieme xete'uta'utɨa, nexeyatuirieni ɨkitsika kepauku yeti'aneni.