¹ Mɨkɨ aku imikieri'tsie timieme espirituales, iwamarixi, pɨnekwareuyahuwa xekwa'te akumaika mɨkɨ'kɨ. ² Xeme xete'akumate yɨkɨ tianeme xete warayexeiyakaitsie, xemu hapawakai tananatsi'xi wahatsɨa meka niuweweme. ³ Ya umieme'ta, ne pɨnereuyahuwa xete akumaika ni xewitɨ ka utaniukame tɨrɨkariyaya'kɨ Espiritu aku Kakaɨyari mu'tayɨni kwayɨwe: '' Jesus tsi'ti itɨarie.'' Nita siere mutayɨni: '' Jesús kawa Ukiyaritɨni'', xeikɨa yuwe mɨkɨ Espiritu Santo. ⁴ Hikɨ'ta yɨkɨ ti anenetɨ tixuawe imikieri, mɨta Mɨkɨ hɨkɨ Espiritu yaxeikɨa. ⁵ Waɨkawatɨ xɨawe Kakaɨyari uximayatsika'ya, mɨta Mɨkɨ hukɨ Ukiyari yaxeikɨa. ⁶ Meta siere xuawe uximayatsika yɨkɨ ranyɨtɨ, mɨta mɨkɨ yaxeiɨ hikɨ Kakaɨyari yetiyuriewe yu naime wa hetsie. ⁷ Hikɨ'ta, yu xexuitɨ xete yatuiriyarie ti hekɨakame'kɨ imikierieya Espíritu, yunaitɨ xeyuparewiekakɨ. ⁸ Mɨta Espiritu xeime yatuirie niuki kwinie timaiweni'kɨ, mɨta xeime niuki kwinie rakumaika'kɨ ya xeikɨ'ta mɨkɨ Espititu tiutayurɨwa. ⁹ Xeime'ta, yetuiriyarie kwinie yuri ti erieka'kɨ yaxeikɨa'ta Espiritu tiyatuirie, meta xeime yetuiriyarie, imikieri hipame herie waranenetɨwanikɨ yaxeika'ta Espiritu tiyuriene. ¹⁰ Hipatɨ'ta meya tuiriyarie tɨrikariya memexeiyani, mɨta hipame meyatuiriyarie metexeiyastɨarieni kentiyɨni rakamietsie. Xewitɨ'ta yatuiriyarie nierenikɨ xɨkate hikɨtɨni paleku ti'ane nusɨ tsiti'ane hukɨ, hipame'ta waɨkawame muniukani Kakaɨyari niukieya, xewitɨ'ta yɨweni mɨkɨ niuki yamanyɨne mitahɨani ke anyɨtɨ manyɨne. ¹¹ Mɨkɨ'ta yaxeikɨa yusewitɨ Espiritu naime'kɨ ti uximaya, imikieri wayatuirietɨ yu xexuime, Mɨkɨ ke ane reumimɨkɨni. ¹² Paɨmɨ'hapɨ ta waiyari xewiɨ hukɨ mɨkɨta waɨkawa reukapine, mɨta mɨkɨ naitɨ reukapine mana timieme waiyarieyatsie, paɨmɨta siere ti anetɨ hukɨ Cristo'tsie. ¹³ Mɨkɨ'ta te yunaitɨ temuti hiyarie xeime waiyaritsie Espiritu'ya'kɨ aku Cristo, tsepa tehukɨ Judíos yakatixaɨ Griegos, ¹⁴ Tawaiyari xeikɨa xewitɨ kwa hukɨ, pɨta waɨkawa meyunɨtɨ. ¹⁵ Xikate ɨka pɨ utayini: '' Mama nekwa hukɨkɨ, ne tewi'tsie ne kwamieme,'' hawaikɨ ya humieme yakɨ raya atɨ kwa ayani. ¹⁶ Mɨta xikate naka utayɨni: '' Huxi nekwa hukɨ'kɨ, mɨkɨ yakɨ raya'atɨ kwa ayani. ¹⁷ Xikate'ta naitɨ ta tewiyari hukɨtɨni huxi, ¿ kewata hanierenike ta nakate? Xikate'ta naitɨ tatewiyari hukɨtɨnike naka, ¿ kewata tatsuri pehukɨtɨnkeyu? ¹⁸ Mɨkɨ'ta Kakaɨyari paleku tiukapi ta tewitsie aku tawaiyari ¹⁹ Mɨkɨ ke apɨ reunake'eriekai. Xikate naitɨ ya xeikaɨa ti anenenike, ¿kewa'ta peyukuhayeikawa ta tewira? ²⁰ Hikɨ'ta tiwaikawatɨ reukapine, yaxeikɨata xewitɨ tewi hikɨ. ²¹ Mɨkɨ'ta hɨxi pɨ tiutahuawe mama kwayɨwe: ''Tixaɨtɨkɨ nekwametinake'erie.'' Mɨta mu'u pɨtiutahuawe ɨkate kwayɨwe: '' Tixaɨtɨkɨ nekwametinake'erie.'' ²² Tsepa'ta ta tewitsie reukapine tiuyuxexeiya kename tixaɨkɨ katiyuna'keerie yaxeikɨa kwinie raya axe. ²³ Meta yaxeikɨa tewi'tsie reukapine pɨxɨkate teteku'eriwani kename kati yunake'erie, tame tepiyatuirie waikawa masi raya akanikɨ, meta siere tapini reukapine paleku kwatiuyu hekɨkɨare ti awietɨ waikaba masi tepi uximaya. ²⁴ Mɨta ke ane aixɨ tiuyu hekɨkɨare ta tewi'tsie reukapine hami uximayakari kwati ane, aixɨtsɨri katiuyu hekɨkɨare. Mɨkɨ Kakaɨyari ya aneme tewi katiu'tawewi, kwinie raya arɨkame mayetɨa iya tiuyu hekɨkɨarekai kename karaya axe. ²⁵ Mɨkɨ ye tiuyuri kwa aya waɨkawani'kɨ ta tewiyari, pɨta mɨkɨtexi tewitsie reu kapine yunaitɨ meyu ɨwiyani'kɨ yaxeikɨa mete hauyu'eriyatɨ. ²⁶ Mɨta xikate xewitɨ ta tewiyaritsie reukapine tiu kwine, mɨkɨ'ta yunaitɨ mete kwine. Meta xɨkate xewitɨ ta tewiyaritsie reukapine raya'atɨ ayeitɨarieni, mɨkɨ yunaitɨ meyu'kate mamawieni. ²⁷ Hikɨ'ta xeme xehukɨ yuxexuitɨ Cristo tewiyari. ²⁸ Mɨkɨ'ta Kakaɨyari waru hekɨataxɨ teyupanie mamanyetei Nɨ'aritsixi, hutarieka'ta temaikame, hairiekata te ɨkɨtame'te, uranierita herie metenetɨawawe kwatiyɨwe hapɨ, uranierita imikieri memexeiya xeime herie memanetɨani meyɨwawetɨ, mita iya memexeiya nenimayatsika, metasiere iya keane mete hauta ɨwiyawawe , metasiere iya aku memuniuka waikawa Espiritu niukieya. ²⁹ ¿Yunaitɨ'ta metehukɨ nɨ'aritsixi? ¿Yunaitɨ'ta metehukɨ temaikate? ¿Yunaitɨ'ta metehukɨ te ɨkɨtamete? ¿Yunaɨtɨ'ta mete yɨwe xeime herie manetɨani kwatiyɨwe hapɨ? ³⁰ ¿Yunaitɨ mɨkɨ mete hexeiya imikieri xeime herie memanetɨani ¿Yunaitɨ'ta mɨkɨ mete uniuka Espiritu niukieya? ¿Yunaitɨ'ta mɨkɨ meteyɨwawe yeme mutiyɨni ke anyɨtɨ manyɨne aku Espiritu niukieya? ³¹ Waɨkawemekɨ xekene wautɨweni imikieri manyetei. Mɨta ne nexexeiyastɨani huye aixɨ ane.