¹ Pɨnereuyehɨwa xetehetimanikeyu, ne'imama, kename tayeyauma me'ayekɨ yunaitɨ haiwi hetɨa mɨta yunaitɨ haramatsie mepankɨ. ² Yunaitɨ me ɨ'ɨwatɨ mepakɨ Moisés hatsia haiwitsie meta haramaratsie, ³ Mɨta yunaitɨ mete'ukwai 'ikwai Espiritutsie timieme. ⁴ hapaɨnata tetetsie mepahari Espiritutsie miemekɨ warankuwei, mɨta tete kahɨkɨtɨkaitɨni Cristo. ⁵ Mɨta Kakaɨyari 'kwa'akaxewikai yuwaɨkawame wahamatɨa, Mɨta wamɨkite tiumawitsie warutixɨri. ⁶ Hikɨta ikɨ yaranyɨne hekɨariya kahɨkɨtɨkaitɨni tahetsie miemeyari, mɨta tame pɨranyɨneme tekwa te'uweiyanikɨ, mɨkɨmexi me'muyɨ wahapaɨ ⁷ yusite xekwawarayexeiyani, mɨkɨmexi yemeyupaɨmetɨ memuyɨ wahapaɨ. Ikɨ kahɨkɨtɨni reuku'uxa hapaɨ: ''TEɨTERI MEPANKAYAXIXɨ METE KWANIKɨ MɨTA MEMANHARENIKɨ, MɨTA MEPANKU'UÍ METIWAIKAKE.'' ⁸ Tatakiri tekwatetapitɨaka 'ukitsi wahamatɨ meta 'ukari wahamatɨa, mɨkɨmexi meyuwaɨkawatɨ memuyɨ wahapaɨ. Xeitukaritsie ventitrés mil teɨteri mepukwi mɨkɨ yeme'uyɨku. ⁹ Haɨpaɨna Cristo tekwa 'inɨatatɨweni 'inɨatsikatsie, mɨkɨ meyuwaɨkawatɨ memuyɨ wahapaɨ mɨta mepuka'unarie kukuterixɨ wakɨ. ¹⁰ Mɨta, nɨuki xekwaxɨatɨaka, mɨkɨ meyuwaɨkawatɨ memuyɨ wahapaɨ, mɨkɨ mepuka'unarie akeri tiyumiekamekɨ. ¹¹ Hikɨta, ikɨ'yeranyɨnemekɨ yetiwaruyuri mɨkɨmexi tete'akumaikakɨ tame. Yakatiu 'utsieni tetehetimanikɨ, tame, kaniuhurani kwie tama makaxɨnitsie. ¹² Hikɨta, ke'ane pɨtiyukuhɨawe kename aixɨ reukuwe keyuɨwiyani ka'atiwenikɨ . ¹³ Ni xewitɨ 'inɨatsika xehatsɨa kwaye'awe kwinimieme ti'anetɨ ¹⁴ Yu'umieme, ne'iwama, xeuyuta'una yusite wahepaɨsta. ¹⁵ Ne nexehahɨawe teɨteri meyukuhɨawe hapaɨ, mɨta xeyɨwekaxɨani xenetsitixaneta kenemainekɨ ¹⁶ Tekɨxi 'imikeri tame aixɨ temiyurie, ¿ tekate'itawani Cristo waíyarieyakɨ ¹⁷ Mɨta kepauku pani teta'takainienitsie, tame, tetawaɨkawakɨ, taxewitɨ waí'tehɨkɨtɨni. Tame teyunaitɨ pani tsinekame teniutakwani teyunaitɨ. ¹⁸ Xewaruxeiya teuteri Israel kekatari: ¿Mɨkɨmexi mekatehɨkɨ kehate metekwuaá yusite wamawari mɨta meteparewie niwetaritɨa? ¹⁹ ¿kenehaine tamɨta? ¿Kename yusite tixaɨtɨ metehɨkɨ? ¿O kename yusite wa'ikwai mawari tɨxaɨtɨ tihɨkɨ? ²⁰ Mɨta ne'yenemaine'ikɨ pinite gentiles'tsixi mete'ayexeiya mete'umawarɨme, kename mɨkɨmexi meteyexata ikɨ'pinite temɨarixɨ wahatsɨa mɨta Kakaɨyari hatsɨ'hawaikɨ. ¡Ne pɨnekwareuyehɨwa xeteparewiekaka temɨarixɨ wahatsɨ! ²¹ Xeme xekwayɨwawe xeman'ieni Ukiyari te'kɨxieya mɨta temɨarixi watekɨxi. Xeme xekwayɨwawe teteɨtamete xemakɨne Ukiyari mexayatsie mɨta temɨarixi wamexatsie. ²² ¿O tepitamani tame Ukiyari ti'ɨtetsanikɨ? ¿tame masi tetetɨrɨkawi keyuri mɨkɨ? ²³ Naitɨ tiyupitɨaritɨ, mɨta naitɨ tahetsie kwatimieme. naitɨ tiyupitɨaritɨ, mɨta yunaime mekwawatiwaweriya teɨteri. ²⁴ Ni xewitɨ kwawauneni yuhetsiekɨ aixɨ'anyɨneme. Yamanyɨnekɨ'ikɨ, yuxexuitɨ mexka'iwautɨweni aixɨ'manyɨne yu'iwama wahapaɨsta. ²⁵ Xeme xeyɨwawe xete'ukuani tsepa'tita pinite tituiya tawatuiya, xekaha'iwatɨ keranetɨarie. ²⁶ Metsɨ ''KWIE UKIYARI KATIPINIEYATɨNI, MɨTA NAITɨ'TITA HETSIENA TIXUAWE.'' ²⁷ Xɨka xewitɨ'yuri kwati'erie xe'uta'inieni xetekwanikɨ, mɨta xeme xeti'ani xeyehukɨ, xetekwanike tsepa'tita pinite mana xete'apiniyerie xekaha'iwawatɨ keranetɨarie. ²⁸ Mɨta xɨka xewitɨ pɨmetiutahɨawe: ''Ikɨ'ikwai kahɨkɨtɨkaitɨni mete'ayexeiya wamawari,'' pekuatikwaka. Ikɨ kɨmana ke'ane yemutayɨ, mɨta yeranyɨneme tita'aixɨ kwati'ane. ²⁹ Ne'nexata ahetsie kepenti'akuhɨawe, pɨta xewitɨ kentiyukuhɨawe tewi. Mɨta ¿ketiuru nexɨnikɨ hekɨa netakerieni xewitɨ kentiyukuhɨawekɨ? ³⁰ Xɨka ne netiuparewieni 'ikwaitsie nenetemawietɨ, ¿ne nekwayɨwe xeime nepitɨani nenetemawiekɨ? ³¹ Yu'umieme, tsepa xete'ukai o xe'anhieni, o tsepa'kexente'uyuri, pɨxeteneuyuri tinaime Kakaɨri 'aixɨ'ane haɨpaɨta. ³² Tsipekwatiwa'eritɨaka Judiyu'tsixi hapaɨna Griego'tsixi hapaɨna Kakaɨyari teyupaniemama. ³³ Ne'pɨnetiku'eriwa memauyutemamawiekakeyu yunaitɨ tinaimetsie tsepa keranyɨnemetsie. Ne'kwawaune nehetsie'aixɨ ti'anenikɨ, pɨta yuwaɨkawame wahetsie ti'mieme. yeneyɨane 'ikɨ'iyamexi mekuwikwenikɨ.