4 ¹ Tjin'mwa vay ekhotho ni owanihana yayoru? Vano tjahiweke tjen'ya, vano n'thima nin'mwaninho mwiruthuniwinhun'mo? ² N'nakhalana nthima ni khivo enkhalanenho; n'nawinwa ni mwanathima, massi khanokhitiri; okhalana; kontha khan'nolepela. ³ Mwinolepela, ni khan'novahiya. Kontha mwinlepela wohilokaloka, wera n'honanatje ni tjowotjivelatjani.'n ⁴ Aluvi athiyana na alopwana, khamwintjuwela wera wataana nolumwenku onkhala mwinani wa Nluku? phimana oole nphela okhala npathaniyawe olumwenku nkhala mwinani wa Nluku. ⁵ Wala n'puwela wera kinakhala ethitho tjolepiya tjinimiyale wera: "N'nepa onokhalenlani ohana ehatje?" ⁶ Phimana yena onavaha mahala mulupale: Phimana eniraya: Nluku nawalipiha aloolo, massi nawavaha mahala aniyeviha. ⁷ Mwin'hisimeke, Nluku; mwinkhothe sotwani yena namuthiyawani. ⁸ N'mwathamenleke Nluku, ni yenani nawathamelani. Nrapihe mataten'nho nhenhuva nrina ankhili entji, n'rapihe mirimatjinho. ⁹ N'tjuweleke ohawawinho, ntjukule ni munle, okhaleke otheliyawinho wotjukulatja, ni otheliyawinho notjukulatja. ¹⁰ Mwiyevihe eriyari ya Pwiya ni ayenani anawun'nuwihani. ¹¹ Asulupaliyaka, nhulume tjotakhala nkina ninkwawe. Yoole nomulumela yotakhala ni mulupaliyawe wala non'hukhumu mulupaliyawe, nuluma yotakhala ni ekethelo, khunakhala weeteela ekethelo; massi maphuka milatho. ¹² N'motja passi khalale na moluma ni namahukhumo n'hala wopolani okwanhula. We opani, onohukhumo mwathamananoa. ¹³ Ratha! Nhenhuvan'nera: "Helelo wala melo ninarwa epooma ekinaku, wonwo ninkokhala mwakha n'motja nimwethaka nakoso nipwanhaka efaiyta"; ¹⁴ massi khanutjuwela nihuku nomelo. Vano okuminhu esayani? Nkhanle niwerupwe, owakathi vakani onakhumenla, ni wowakuviyatja onamwanyatja. ¹⁵ Onakhalaru tjon'mo, mwahala wera: Apwiya yathuna, ninkokhala, ninavara eela wala eele. ¹⁶ Massi n'naeithithimiha mohawani; won'no withithimiha wotene enkhala ethu yothakhala. ¹⁷ Phimana, ntjuwela opanka yorera ni hipankaka, n'khala natanpi.