3 ¹ Asunanka, ahikhaleka entji wa nhen'nhuvatja amwinthuthiihu, kontha ntjuwele weera ninahalawakhela n'lamulo nimotja nulupale. ² Ootene ninakwakwathuwa wo tjithu tjintji. Yoole hinkwkwathuwa ni ethu en'himiyawe, oyoo n'lopwanoyo ri omalela, ni tootho ri thayari wowehaweha eruthu yootene. ³ Vano, ninahela n'khoii mwaano wokhavalu weera tjininwenle, ni tjitjonmo ninapanka enthunehu eruthutjaya yootene. ⁴ Anawoniya tootho anaviyu, akhalaka ulupale, ni akussiyaka nipheyo, ni ehooleliyaka ni leemi yaankani weera wenwe enthunaya othuna nohithuna okussiyaka wa yoole nethiha. ⁵ Tjitjoomo nlimi niri ethu yabkani, massi ninawikukhuliha wo tjithu tjulupale. Moone ntooko mooro mwankani onpaha ethaakwa yuulupale! ⁶ Nlimi tootho niri mooro, etuniya yohisariya; nlimi niri noheliya mwinphathiniwihu, nitaakhalihaka eruthu yootene, nirakalihaka mana'na eyarelo ya pinatamo, ni akhalaka arakalaka nomooroni. ⁷ Wo ethu yootene, manaaka enama tjontakwani ntoko tjovava, ntoko tjinipurula manaa enama tjonmatjini, eri yoweriya ni enkhala ewariyaka wa ethu yaapinatamo. ⁸ Massi khavo pinatamo nkhwitiri owerya n'limi; yena niri nootakhala nihinootja, notjariya ethu yowinva. ⁹ Ni nen'no ninanvuwiha Muluku paapa, ni nen'no ninawatakhaliha apinatamo apankiye alikanaka ni Muluku. ¹⁰ Wo man'nana malaku yaayo enakhuma yoorerihiya ni yootakhalihiya. Assun'naka, eyo ehikhaleke tjitjon'mo. ¹¹ Walani ehiime emootja enakhuma maatji otjiva ni owawa? ¹² Assun'naka, nri wonpaphaya onawin'ma ethu yo nhunha, wala n'phera onawin'ma mwiiwa? Khiivo ehiime emotja envaha maatji mentji owawa ntooko otjiva. ¹³ Tipani mwa nhen'nhuvaa ri otjuwela ni otjuwelatja, weera anthonhereke ni makhalelo orera mitekotjawen'yo nuwiyeviha nutjuwela. ¹⁴ Massi, n'nawimananihera owaawa nthima ni ohinwananiya wanrimaniwinhu, n'hikukhulihe, wala n'hoothe n'lathu weekhweeli. ¹⁵ Wonwo otjuwelan'no khunakhala wenwe on'wa wirimu. Massi vano, wathayani, enama, ni sotwani. ¹⁶ Vano nipuro niri nthima ni ohinwananiya, vaa ohaavo onhakulihana ni nteko wootene onasunkiya. ¹⁷ Massi otjuwela wo witimo orii wopatjera orera, ni omaleliya, owehaweha, othonkomaniya otjariya ekiriri ni wo mihokorokho tjorera, ohivirikaniyaa ni ohitjivelanatja. ¹⁸ Ni n'hokorokho wo sariya orii wowaliya ninrethele wo yaale arina n'rethele.