¹ Ndipo Festo alipoingia katika jimbo hilo na baada ya siku tatu alienda toka Kaisaria hadi Yerusalemu. ² Kuhani mkuu na Wayahudi maarufu walileta mashtaka dhidi ya Paulo kwa Festo, na walizungumza kwa nguvu kwa Festo. ³ Na walimwomba Festo kibali dhidi ya Paulo apate kumwita Yerusalemu ili waweze kumuua njiani. ⁴ Lakini Festo alijibu kwamba Paulo alikuwa mfungwa katika Kaisaria, na kwamba yeye mwenyewe atarudi huko haraka. ⁵ "Kwa hiyo, wale ambao wanaweza, inawapasa kwenda huko na sisi. Kama kuna kitu kibaya kwa mtu huyu, mnapaswa kumshtaki." ⁶ Baada ya kukaa siku nane au kumi zaidi, akarudi Kaisaria, na siku iliyofuata akakaa katika kiti cha hukumu na kuamuru Paulo aletwe kwake. ⁷ Alipofika, Wayahudi kutoka Yerusalemu wakasimama karibu, Wakatoa mashtaka mengi mazito ambayo hawakuweza kuyathibitisha. ⁸ Paulo alijitetea na kusema, 'Si sijatenda dhambi dhidi ya sheria ya Wayahudi, au ya hekalu, au dhidi ya Kaisari.' ⁹ Lakini Festo alitaka kujipendekeza kwa Wayahudi, na hivyo akamjibu Paulo kwa kusema, 'Je, unataka kwenda Yerusalemu na kuhukumiwa na mimi kuhusu mambo haya huko?' ¹⁰ Paulo alisema, 'ninasimama mbele ya kiti cha hukumu cha Kaisari ambapo napaswa kuhukumiwa. Sijawakosea Wayahudi, kama wewe ujuavyo vema. ¹¹ Ikiwa nimekosa na kama nimefanya kinachostahili kifo, sikatai kufa. Lakini kama shutuma zao si kitu, hakuna mtu anayeweza kunikabidhi kwao. Ninakata rufaa kwa Kaisari. ' ¹² Baada ya Festo kuongea na baraza akajibu, " umekata rufaa kwa Kaisari. Kwa Kaisari utaenda." ¹³ Baada ya siku kadhaa, mfalme Agripa na Bernike walifika Kaisaria kufanya ziara rasmi kwa Festo. ¹⁴ Baada ya kukaa hapo kwa siku nyingi, Festo aliwasilisha kesi ya Paulo kwa mfalme; Akasema, 'Mtu mmoja aliachwa hapa na Feliki kama mfungwa. ¹⁵ Nilipokuwa Yerusalemu makuhani wakuu na wazee wa Wayahudi walileta mashtaka juu ya mtu huyu kwangu, nao waliuliza juu ya hukumu dhidi yake. ¹⁶ Mimi niliwajibu kwamba haikuwa desturi ya Warumi kumtoa mshitakiwa yeyote kabla hajapata fursa ya kuwakabili washitaki wake na kujitetea dhidi ya tuhuma zao zinazomkabili. ¹⁷ Kwa hiyo, walipokuja pamoja hapa, sikuweza kusubiri, lakini siku iliyofuata niliketi katika kiti cha hukumu na kuamuru mtu huyo aletwe ndani. ¹⁸ Wakati washitaki waliposimama kumshtaki, niliona kwamba mashataka yao hayakuonyesha uovu wowote. ¹⁹ Badala yake, walikuwa na mabishano fulani pamoja naye kuhusu dini yao na kuhusu Yesu ambaye alikuwa amekufa, lakini Paulo anadai kuwa yu hai. ²⁰ Nilikuwa nimetatanishwa jinsi ya kuchunguza suala hili, na nikamwuliza kama angeenda Yerusalemu kuhukumiwa kuhusu mambo haya. ²¹ Lakini wakati Paulo amekata rufaa kuwekwa chini ya ulinzi kwa ajili ya uamuzi wa Mfalme, niliamuru akae chini ya ulinzi hata nitakapompeleka kwa Kaisari. ' ²² Agripa alimwambia Festo, "ningependa pia kumsikiliza mtu huyu." "Festo, akasema, "kesho utamsikiliza." ²³ Hivyo kesho yake, Agripa na Bernike walifika na shamrashamra nyingi; walifika katika ukumbi na maafisa wa kijeshi, na watu mashuhuri wa mji. Na Festo alipotoa amri, Paulo aliletwa kwao. ²⁴ Festo akasema, "Mfalme Agripa, na watu wote ambao wapo hapa pamoja nasi, mnamwona mtu huyu; jumuiya yote ya Wayahudi walikata rufaa kwangu huko Yerusalemu na hapa pia, na wakapiga kelele kwangu kwamba asipate kuishi. ²⁵ Naliona kwamba hakufanya lolote linalostahili kifo; lakini kwa sababu alikata rufaa kwa Mfalme, niliamua kumpeleka Rumi. ²⁶ Lakini sina kitu dhahiri cha kuandika kwa Mfalme. Kwa sababu hii, nimemleta kwako, hasa kwako wewe, Mfalme Agripa, ili nipate kuwa na kitu cha kuandika kuhusu kesi. ²⁷ kwa kuwa naona haina maana kumpeleka mfungwa na bila kuonyesha mashitaka yanayomkabili.