¹ Baada ya siku tano, Anania kuhani mkuu, baadhi ya wazee na msemaji mmoja aitwaye Tertulo, wakaenda pale. Watu hawa wameleta mashtaka dhidi ya Paulo kwa gavana. ² Paulo alipo simama mbele ya gavana, Tertulo akaanza kumshitaki na kusema kwa gavana, "kwa sababu yako tuna amani kuu; na kwa maono yako yanaleta mageuzi mazuri katika taifa letu; ³ basi kwa shukurani yote tunapokea kila kitu ukifanyacho,Mheshimiwa Felix. ⁴ Lakini nisikuchoshe zaidi, nakusihi kkwa fadhili zako utusikilize kwa ufupi. ⁵ Kwa maana tumempata mtu huyu mkorofi, na anasababisha Wayahudi wote kuasi duniani. Tena ni kiongozi wa madhehebu ya Wanazorayo. (Zingatia: Sehemu ya maneno ya mstari huu 24: 6 ⁶ Na tena alijaribu kulitia hekalu unajisi hivyo tukamkamata., haumo kwenye nakala bora za kale). (Zingatia: Mstari huu ⁷ Lisiasi, afisa, alikuja na akamchukua kwa nguvu mikononi mwetu., haumo kwenye nakala bora za maandiko ya kale). ⁸ Ukimchunguza Paulo kuhusu mambo haya, hata utaweza kujifunza ni kitu gani tumemshtakia." ⁹ Wayahudi nao wakamshtaki Paulo, wakisema kwamba haya mambo yalikuwa kweli. ¹⁰ Liwali alipompungia mkono ili Paulo aongee, Paulo alijibu, "Ninajua ya kwamba kwa miaka mingi umekua mwamuzi wa taifa hili, na nina furaha kujieleza mwenyewe kwako. ¹¹ Waweza kuhakikisha kuwa hazijapita siku zaidi ya kumi na mbili tangu nilipopanda kwenda kuabudu Yerusalemu. ¹² Na waliponikuta katika hekalu, sikubishana na mtu yeyote, na sikufanya fujo katika mkutano, wala katika masinagogi wala ndani ya mji; ¹³ na wala hawawezi kuthibitisha kwako mashitaka wanayoyashitaki dhidi yangu. ¹⁴ Ila nakiri hili kwako, ya kwamba kwa njia ile ambayo wanaiita dhehebu, kwa njia iyo hiyo ninamtumikia Mungu wa baba zetu, nikiamini mambo yote kulingana na maandiko ya manabii. ¹⁵ Nina matumaini yaleyale kwa Mungu ambayo hata hao pia wanayo, kwamba kutakuja ufufuo wa wote wenye haki na wasio na haki pia; ¹⁶ na kwa hili, ninajitahidi ili niwe na dhamira isiyo na hatia mbele za Mungu na mbele ya watu. ¹⁷ Sasa Baada ya miaka mingi nilikuja kuleta msaada kwa taifa langu na zawadi ya fedha. ¹⁸ Nilipofanya hivi, Wayahudi fulani wa Asia wakanikuta ndani ya sherehe ya utakaso ndani ya hekalu, bila kundi la watu wala ghasia. ¹⁹ Watu hawa ambao imewapasa kuwapo mbele yako sasa hivi na waseme kile walichonacho juu yangu kama wana neno lo lote. ²⁰ Au watu hawa wenyewe na waseme ni kosa gani jingine waliloliona kwangu niliposimama mbele ya baraza la kiyahudi, ²¹ isipokuwa ni kwa ajili ya kitu hiki kimoja nilichokisema kwa sauti niliposimama katikati yao, ' ni kuhusu ufufuo wa wafu ambao kwa huo niko hukumuni mbele yenu leo ."' ²² Ndipo Feliki ambaye alikuwa na uelewa mzuri kuhusu Njia, na akauahirisha mkutano. Akasema, "Lisia jemedari atakapokuja chini kutoka Yerusalemu nitatoa maamuzi dhidi ya mashitaka yenu." ²³ Ndipo akamwamuru akida amlinde Paulo, ila awe na uhuru kiasi kwamba na hatakuwepo mtu wakuwakataza rafiki zake kumhudumia kwa mahitaji yake. ²⁴ Baada ya siku kadhaa, Feliki akarudi na Drusila mkewe aliyekuwa Myahudi, akatuma kumwita Paulo na akasikiliza toka kwake habari za imani ndani ya Kristo Yesu. ²⁵ Ila Paulo alipokuwa akijadiliana naye kuhusu haki, kuwa na kiasi na hukumu itakayokuja, Feliki akapata hofu akajibu, "nenda mbali kwa sasa, ila nikipata muda tena, nitakuita." ²⁶ Muda uo huo, alitumai Paulo atampa fedha kwa hiyo alimwita mara nyingi akaongea naye. ²⁷ Ila miaka miwili ilipopita, Porkio Festo akawa Liwali baada ya Feliki, ila Feliki alitaka kujipendekeza kwa Wayahudi, hivyo akamwacha Paulo chini ya uangalizi.