¹ Sasa mitume na ndugu wale waliokuwa huko Yudea walisikia kuwa watu wa mataifa wamelipokea neno la Mungu. ² Petro alipokuwa amepanda kwenda huko Yerusalemu, lile kundi la watu waliotahiriwa wakaanza kumkosoa; ³ Walisema, "Wajihusisha na watu wasiotahiriwa na kula nao!" ⁴ Lakini Petro alianza kuwaeleza tukio kwa kina; akisema, ⁵ "Nilikuwa naomba katika mji wa Yafa, na nikaona maono ya chombo kikishuka chini kama nguo kubwa ikishuka kutoka mbinguni katika pembe zake zote nne. Kikashuka kwangu. ⁶ Nilikitazama na kufikiri juu yake. Nikaona wanyama wenye miguu minne waishio katika nchi, na wanyama wa porini na wanyama watambaao na ndege wa angani. ⁷ Kisha nikasikia sauti ikisema nami, 'Amka, Petro; chinja na ule!' ⁸ Nikasema, 'Siyo hivyo, Bwana; kwa maana mdomoni mwangu hakujawahi kuingia kitu chochote kisicho kitakatifu au kichafu' ⁹ Lakini sauti ikajibu tena kutoka Mbinguni, 'kile ambacho Mungu amekitakasa, usikiite najisi'. ¹⁰ Hii ilitokea mara tatu, na kisha kila kitu kikachukuliwa mbinguni tena. ¹¹ "Tazama, wakati huo watu watatu walikuwa wamesimama mbele ya nyumba ile tulimokuwa; walikuwa wametumwa kutoka Kaisaria kuja kwangu. ¹² Roho akaniamuru niende pamoja nao, na nisijitofautishe nao. Hawa ndugu sita wakaenda na mimi, na tuliende kwenye nyumba ya mtu yule. ¹³ Alituambia vile alivyomwona malaika amesimama ndani ya nyumba yake akisema, 'Watume watu Yafa wakamlete simoni ambaye jina lake lingine ni Petro. ¹⁴ Atasema ujumbe kwako katika huo utaokoka-- wewe na nyumba yako yote.' ¹⁵ Nilipoanza kusema nao, Roho Mtakatifu akaja juu yao kama vile alivyokuja kwetu mwanzoni. ¹⁶ Nikakumbuka maneno ya Bwana, alivyosema, 'Yohana alibatiza kwa maji kweli; lakini ninyi mtabatizwa kwa Roho Mtakatifu.' ¹⁷ Basi ikiwa Mungu aliwapa karama ile ile kama aliyotupa sisi tulipomwamini Bwana Yesu Kristo, Mimi nilikuwa nani, kwamba ningeweza kumpinga Mungu?" ¹⁸ Waliposikia mambo haya, hawakujibu chochote, bali walimtukuza Mungu na kusema, "Basi Mungu amewapa toba ya uzima kwa watu wa mataifa pia." ¹⁹ Basi wale waliokuwa wametawanyika kwa mateso yaliyotokea kwa sababu ya Stephano, walienea hadi mpaka Foinike, Kipro na Antiokia, wakilihubiri neno ila kwa Wayahudi peke yao. ²⁰ Lakini baadhi yao, watu kutoka Kipro na Krene, walikuja Antiokia na kusema na Wayunani na kuwahubiria injili kuhusu Bwana Yesu. ²¹ Na mkono wa Bwana ulikuwa pamoja nao, na idadi kubwa ya watu waliamini na kumgeukia Bwana. ²² Habari kuwahusu zilifika masikioni mwa kanisa la Yerusalem na wakamtuma Barnaba aende mpaka Antiokia. ²³ Alipokuja na kuona neema ya Mungu alifurahi na aliwatia moyo wote kudumu katika Bwana kwa kusudi la moyo. ²⁴ Kwa sababu alikuwa mtu mwema, na amejaa Roho Mtakatifu na imani, na watu wengi wakaongezeka kwa Bwana. ²⁵ Baadaye Barnaba alienda Tarso kumtafuta kwa umakini Sauli. ²⁶ Alipompata, akamleta Antiokia. Ikawa kwamba, kwa muda wa mwaka mzima wakakusanyika pamoja na kanisa na kuwafundisha watu wengi. Na wanafunzi waliitwa kwanza Wakristo huko Antiokia. ²⁷ Sasa katika siku hizi manabii wakashuka kutoka Yerusalemu mpaka Antiokia. ²⁸ Mmoja wao, ni Agabo kwa jina , akasimama na kuonyeshwa na Roho kuwa njaa kubwa ingetokea duniani kote. Hii ilitokea wakati wa siku za Klaudio. ²⁹ Kwa hiyo, wanafunzi, kila mmoja alivyofanikiwa, waliamua kupeleka misaada kwa ndugu walioko Uyahudi. ³⁰ Walifanya hivi; Walituma pesa kwa mkono wa Barnaba na Sauli.