MUTWE 9
1
Wavwanzile kwe weliwo, '' Nichisinkha nkhulanda kwe mwemwe, '' Paliwamwi mwe mwemwe wano wimizile paa watalifwa watani walole uwufumu we Leza wukwiza namaka.''
2
Papita amanda masano na lyonga, e Yesu wasenzile e Peteri , Yakobe ne Yohani apita nawo pa mwamba papela, awasye wonga, e Yesu wizile waya pankholelo pe weliwo. Apo wapiluwuka paminso ya weliwo.
3
Ivizwalo vwakwe aviwala nukulangalila nkhani nkhaninye ukuchila ukulangalila konsi munsi moo.
4
Apano Eliya ne Musa walolesile kwe weliwo awalanda ne Yesu.
5
Peteri awatolelela alanda kwe Yesu, '' Kasambilizya, achizima kwe sweswe ukuwa paa, lekani tuzenge insaka zitatu, yonga yemwemwe, yonga ye Musa na yimwi ye Eliya.''
6
( Pakuti atamanyile ichakuti angalanda, pakuti walinji ni nthete.)
7
Iwinga aliza kupichila wonsi. Apano amazwi ayayivwika ukuma mwiwingo, '' Wee amwanane umukundikwa. Mwivwanji.
8
Umwakwiwuchizya napaponapapo, awatalangania, ukuwa nanthi kulola wumwi swinya kweni e Yesu.
9
Pano wikanga ukufumila pa mwamba, awapatichizya awanena ati mutakawuzye wumwi pa vino mwalola ukufichila Umwana wa Munthu azyulupuka.
10
Avyo wasunzile inkhama nukutwalilizya uku vwanzania ichipiliwulo pi lizwi lya ''kuzyulupuka.''
11
Awakolowozya ati, ''Ngachani muno awakatalika wakuti e Eliya alitalichila ayize?''
12
Awatololela awati, ''E Eliya aliyiza ukunyosezya vyonsi panthaliko. Amulandu muno chawalikwa ukuti Umwana Wamunthu achula muvivule nu kuyimba?
13
Kweni nkhuvwanga kwa kwe mwemwe ukuti e Eliya wafika, awachita chonsi chiwalondanga kwe weliwe, ndi vino vyawalikwa kwa kwe weliwo.
14
Lyo wiza kuwasambilizya, wizile walola iwumba kulu aliwaliwilila, pano awakawalika awaawapazikana nawo.
15
Pano wizile lola e Yesu, iwumba lyonsi alizunguka awasamalila kwe weliwe nu kumulamuka.
16
Awuzichisya awasamblizi, '' Achani chino mukupazikana pachani?'
17
Wumwi uwa mwiwumba atolelela ati, '' Musambilizya, nalesile umwanane uwa chonsi wino ali numuzimu uno ukamulesya ukuvwanga.
18
Ukamulema nukumuponia pansi, afumia itatafulo ku mulomo nukusya amino, awayumilila. nalenzile awasambilizi wako ukuti wayifumye awa potwa.''
19
Awatolela ati, '' Mwenkhwatwa iyasita isuwilo, pakamphindichi pano nene fwile ukuwa namwemwe? Pa kamphindichi kano ndiwajimbilizya na mwemwe? Muletani kwenene.''
20
Walesile umulumendo kwe weliwe pano umuzimu wizile lola e Yesu, paponapapo ichizilisi chimulema. Umulumendo apona pansi ngafumya itatafulo kumulomo.
21
Yesu amutolelela e yisi ati, '' Papita imphindichi pano awawa nge woo?'' E yisi atolelela ati, '' Kutalichila kuwutichi wakwe.
22
Imphindi imvule chamusumbilanga pa mulilo pamwi muminzi nukumuvwambilizya ukumonona. Nanthi mungachita chimwi, tufwilani uwila twavani.''
23
E Yesu awamutolelela ati, '' Nga ukulonda, ichinthu chonsi chingachitwa ku munthu wino ali nisuwilo.''
24
Paponapapo e yisi wa mulumendo apunda ati, '' Nkhusuwila! Njavwani ukuwula isuwilo kwane!''
25
Pano e Yesu walola iwumb likumusamalila, wizile kalipila imiziu miwipe ati, '' Umuzimu we chiwiwi ne khutwi, nkhukupatichizya fumamo mwe weliwe, utayinjile mweweliwe swinya.''
26
Wizile alila nkhani mulumendo apona sisa awafuma. Umulumendo wizile loleka nge wino wafwile, achili awavule awati ''awafwa.''
27
Kweni e Yesu amusenda amulema pikasa nukumwinusya, nga umulumendo wimilila.
28
Pano e Yesu winjizile mung'anda, awasambilili awamutolelela kumbali awati, '' Achifukwachi chino twaposilwe ukufumya umuzimu?''
29
Awatolelela awati, ''Umwata woo utangandi ufume kweni nipepo.
30
Awafuma papa awapitila mu Galileya. Atalondanga wumwi ukumanya kuno wali,
31
pakuti wasambilizyanga awasambilili wakwe. Ati kwa weliwe, '' Umwana Wamunthu alilemekekwa mumakasa ya wanthu nga wamukoma. Ngawamukoma, palipita amanda yatatu alizyulupuka.
32
Kweni wativwile amazyu yaa, walinji ninthete po wamukolowozyanga.
33
Apano wiza ku Kapenamu. Ayinjila mung'anda ati kweweliwe, '' Mwatemukuvwanga chani munzila?''
34
Awamyalala. Pakuti wakhazikananga munzila pawino angawa e songo.
35
Po wikalanga pansi, wapunda ikumi na wawili ponga ati kwe weliwo, '' Ndiwumwi akulonda unankholelo afwile ukuwa ukulechelezya nukuwa umuzya kwe wonsi.
36
Wasenzile umwana umutichi awamuwika pakasi. Apakata ati kwe weliwo, ''
37
Wensi wino akupochela umwana muzina lyane apochela nene; wensi wino akupochelela nene atakupochelela nene kweni wino wanthuma
38
Yohani ati kwe weliwe, '' Musambilizi, twaweni wumwi akufumya imizimu iyiwipe mwizina lyinu atumulesya pakuti tusiponga.''
39
Kweni e Yesu ati, '' Mutamulesya, pakuti pasi nanthi wumwi wino angachita umulimo uwukulu mwizina lyane apiliwuka alanda uwuwipe pe nene.
40
Wesi wino tuliponga awitu.
41
Wensi wino akukupa ulupindi lwa minzi ukuti mumwe mwizina lyane pachifukwa mwewa kwe Kristu, chisinkha nkhuwanena atalipokwa ichilambu.
42
Wensi wino akpunusya waa awatichi wano wali nisuwilo mwenene ukupunulwa, chazipa kwe weliwevukumunyepelela iliwe munsingo nukusumbila mwe sumbi.
43
Ndi ikasa lyako likukupanjisya ukonona, liputule chingazipa kwe wewe ukwinjila muwumi uwa muyayaya nichilema ukuchila ukuwa namakasa yonsi nu kwinjila mu moto wamuyayaya.
44
Muno iviwunguzi visifwa nu mulilo usizima.
45
Nga chinama chako chikupangisya ukonona, chiputule. Chingazipa ukwinjila mu wumi wamuyayaya nichilema ukuchila ukuwa namana yonsi nukusumbwa ku mulilo.
46
Muno ivinyong'onyo visifwa nu mulilo wusizima.
47
Nga iliso lyako likukupanjisya ukonona, likolowole. Chingazipa ukwinjila mu wufumu wakwe Leza ni liso lyonga ukuchila ukuwa naminso yonsi, awakusumbila ku mulilo,
48
muno iving'onyo visifwa nu mulilo wusizima.
49
Pakuti wensi alipita mu mulilo nu muchele.
50
U muchele a wuzima kweni nga umuchele wasupa ungawunyosezya? Muwe numuchele mwesi amuwa nu mutende pankasi pakwe mwemwe.''