¹ Yesu afuma pa masyo yano walinji aya mukaya aka Yudeya naku kaya kamwi kali ukuchila uluzi lwe Yorodani, swinya iwumba likulu lyiza kuweliwe. Awasambilizya swinya ndivino wachitanga penye. ² Awa Falisi wamwi awaya kwe weliwe ukuti wamuteye, awamuwuzya awati, '' Wuzye mwisundo lyitu umunthu angawinga umuchi?'' ³ Yesu atolelela ati, ''Nga Musa awapatichizize ati chani?'' ⁴ Awatolelela awa Falisi awati, ''Musa wawazumilizizye awonsi ukuwalika e kalata uwakutayana numuchi apo amuwinge. ⁵ ''Amulandu imyenzo yinu yakalala sana acho wawalisile mwisundo, '' Yesu avwanzile kwe weliwo. ⁶ ''' Kweni ukufuma ukwelewulwa kwansi, ' Leza welewuzile umonsi nu mwanachi.' ⁷ Achaleka umonsi akasya yisi nu nyina awikala paliponga numuchi, ⁸ nawonsi wawili awuwa amuwili wonga. ' Nomba asawawili, kweni umuwili wonga.' ⁹ Apo chino Leza wawika ponga, kusi nanthi wumwi angapawulania. ¹⁰ Walile pano winjila mung'anda, awasambilili awawuzichizya e Yesu kwakwe vyovyonye. ¹¹ Avwanga ati, '' Wensi wino wizawawinga umuchi nukuya twala umwanachi winji lye wazeleleluka ku mwanachi wako. ¹² Nanthi umwanachi wataya umulume waya watwalwa ku monsi winji lyo watela wazeleluka.'' ¹³ Awanthu awatwala utwana kwe Yesu ukuti akatukumye, kweni awasambilili awakalipila awanthunye wawo. ¹⁴ Ala pano Yesu wamanya, afulwa ati, '' Wazumilizyani awana awatichi wize kwe nene, mutakati muwalesye, muno uwufumu wakwe Leza ndivino awatwana fwe tonye too. ¹⁵ Achisinkha chino nkhuwanena, wensi wino wakana ukupochelela uwufumu wakwe leza ndivino atwana tutichi atalitela ayinjile.'' ¹⁶ Ngapano anyamula utwana ututichi mumakasa yakwe atupepela pano wawikanga amakasa yakwe pa mitwe yawo. ¹⁷ Ala pano Yesu wakatuka muwulendo wakwe, umonsi wasamalizile kwakwe weliwe nukumufukamila lyo atani amukolowozye, '' Musambilizi muzima, achinthuch chino ningachita ukuti nkhapyane uwumi wa muyayaya.'' ¹⁸ Yesu atili , '' Achani chino chino ukunjita ukuti nemuzima? Kusi nanthi wumwi wenga umuzima ukufumya e Leza mutupu. ¹⁹ Wamanya amasundo; '' Utakoma, utazeleluka, utakwiwa, mutakati mwavwanga uwakalola wawufi, utawepa, chindika eso nunyoko. ²⁰ Umonsi ati, '' Musambilizi, vyonsinye vyoo nasunga kali ukufumilila imphindi lyo nchili nemulumendo.'' ²¹ Yesu wamulolechezya nulukundo avwanga ati, '' Chonga chino ukusowelwa, yanga kakazye vyonsi vino wawa navyo ukape awasaluke indalama, apano uliwa ni nsalo kwiyulu. Ngapano ukankhonkhe. ²² Kweni pamulandu wa mazwi yaa walolesile ukufwilimana aya namalanda, pamulandu walinji nichuma ichivule. ²³ Yesu awalolechezya awasambilili wakwe, '' Chatala wuli umuchindame ukuya yinjila mu wufumu wakwe Leza!'' ²⁴ Awasambilili watina pakwivwa wonye woo, kweni yesu watili kwakwe woliwo swinya, '' Mwewana chatala wuli ukuti mukinjile muwufumu wakwe Leza! ²⁵ Achipepuke ingamila ukwinjila pilyinso lya nsindano ukulusya umunthu ukwinjila mu wufumu wakwe Leza.'' ²⁶ Wazungusile swinya awawuzichizyania wenga numunye, ' Ngawewenu angatulwa?'' ²⁷ Yesu awalolechechezya wonsinye swinya ati, '' Kwakwe mwewanthu achitale, kweni Leza mutupu. Muno vyonsi kwe weliwe avipepuke.'' ²⁸ Peturo avwanga kwa kweweliwe, ''Lolani, twasya vyonsi twakukonkha wewe.'' ²⁹ Yesu ati, '' Molimonye nkhuwanena mwemwe, kusi wenga wino angasya ing'anda nanthi awakulu wakwe mphindi zimwi umunyina wakwe nanthi we nyina wakwe na we yisi wakwe nanthi amwana wako nanthi avyalo vyakwe muno anene namuno alilandwe zima ³⁰ Wano watalipochelela uwanda nukulutilizya kumpindi yoo munsi: Ing'anda, awanyina, wankhazi, wanyina, awana, ninsi, ukuyimvyania ninsi yino yiliyiza, ku wumi wamuyayaya.'' ³¹ Kweni awavule awanthaliko waliwa wansizi, awansizi waliwa wanthaliko.'' ³² Lyo wali munzila ukuya mu Yerusalemu, e Yesu wakolelela pankholelo yakwe woliwo. Awasambilizi wazungusile ngapano wano wakonkhanga kunsizi wizile awatina. Ngapano Yesu awasenda kumbali ikumi nawawili swinya atalika ukunena chino chili nukuchitwa kwakwe weliwe. ³³ ''Lolani tukuya ku Yerusalemu pano Umwana wa Munthu alilemweka kuwa kamapepo na wakawalika. Wapanzizye ukumukoma nukumutwala kuwa nthasuwila. ³⁴ Walimusoweka nukumuswilila amati nukumuvwapula awamukoma kweni ndikwapita amanda yatatu azyulupuke.'' ³⁵ Yakobi ne Yohani, awana wakwe Zebediya, awaya kwe weliwe awati, '' Musambilizi tukuvwamba utuchitile chonsinye chino twandi tukulenge.'' ³⁶ Awati, '' Mukuvwamba nene mbachitile chani?'' ³⁷ Awati, Tuzumilizye ukwikala na wewe muwuchindame wako, wenga kwikasa lyendilo wenga kwe kamani.'' ³⁸ Ngapano Yesu wawatolelela ati, '' Mutakumanya chino mukulenga. Mungamwela ulupindi luno ningamwela pamwi ukujimbilizya ukubatizwa nu wubatizyo wuno nene ndibatizwa?'' ³⁹ Awamutolelela awati, '' Tungachit.'' Yesu awanena ati, '' Ulupindi luno nandi imwelemo mwandi mumwele, nukubatizwa ndivino nene.'' ⁴⁰ Kweni ngaweni angikala kwikasa lyane ilyendilo pamwi kwikasa lye kamani asachane ukupa, kweni avya wawo wano wawasenganizizye pamutaliko. ⁴¹ Lyo awasambilizi wanji ikumi lyonga wivwa vyovyoo, awafulilwa Yakobi ne Yohani. ⁴² E Yesu awita kwe weliwe awanena ati, '' Mwamanya kuno wano wasolwa kuwakapanzia wali namaka yakupanzizya nawankholelo wawo. ⁴³ Kweni vitaliwa wowonye kwa kwe mwemwe. Ndiwumwi akulonda ukuwa wesongo mwakwe mwemwe wazipila ukuwa awantchito winu, ⁴⁴ ndi wumwi akulonda ukuwa we nankholelo wazila ukuwa amuzya kuwa wawuye wonsi. ⁴⁵ Avyo Umwana Wamunthu atizile ukuti tumuwombele kweni wizile ukuti atuwombele, nukutaya uwumi wakwe pakwavwilizya awavule. ⁴⁶ Awiza kwe Yeriko. Ala pano Yesu wafuma mu Yeriko nawasambilizi wakwe niwumba kulu, e Batimeyo umwana wakwe Timeyo inthonkho yakulenga, wisile munzila. ⁴⁷ Walile wivwa ukuti we Yesu waku Nazareti, awatalika ukupunda wakuti, '' Yesu umwana kwe Davidi, mfwila inkhumbu!'' ⁴⁸ Awavule awakalipila inthonkho wakuti, myalala. Kweni apano wapundisya, Mwana kwe Davidi mfwila inkhumbu!'' ⁴⁹ Yesila iyimila ati yitani inthonkho. Awayinena inthonkho ukuti, ''Jimbilila! Katuka! Akukwita.'' ⁵⁰ Asumba umwinjilo wakwe, avundumuka, aya kwe Yesu. ⁵¹ E Yesu amuwuzya ati, '' Nga ukulonda nkhuchitile chani?'' Inthonkho ayitolelela ayiti, '' Rabi, nkhulonda ukulola swinya.'' ⁵² Yesu amunena ati, '' Pitanga. Isuwilo lyako lyakupozya.'' Napaponapapo atalika ukulola swinya, akonkha Yesu munzila.