¹ Awa Falisi nawa nawa Kawalika wamwi wano wafumile mu Yerusalem wawungine ponga. ² Awalola kuno awasambilizi wakwe wamwi walyanga ponga mukate niviko, nokusamba mumakasa. ³ (Pakuti awa Falisi na wa Yuda wonsi watalyanga nokusamba amakasa yawo, ukuti wasunge amasundo yawa kwasi wawo. ⁴ Imphindi yino wa Falisi wafumanga kuno wakazizya, watalyanga pano watani wasambe mumuwili yawo, swinya vilipo vimwi vinthu ivivule wavipochelezile, swinya wakonkha vino wasazyanga ndivino ukupwiza izampindi kufumya inyungu ni mbale zino walilanga ponga nivipuna.) ⁵ Awa Falisi nawa sambilizi wakwe wawuzichizye kwe yesu, '' Ngachani chino awa sambilizi wako wataku konkha amasunde yawakwasi kweni wakulya umukate nokusamba mumakasa?'' ⁶ Yesu awatolelela awati, '' Yeseya awanena kwe mwemwe ichete, mwewakachenjezya. Ngati vino chawalikwa ukuti, ' mwewanthu mukunzumilizya nimilomo yinu kweni imyenzo yinu yili ukutali nanene. ⁷ Umuchinzi winu wuno mukumpha wusi nanthi chimwi, mukusambilizya imisundo yawanthu nimwikalile yawo.' ⁸ Mukasya amasundo yakwe Leza, amuwatonthela imisambilizye iya wanthu. ⁹ E Yesu avwanga awanena ati, '' Mulininzila yamuchenjelo yaku nkhanila yamuchenjelo yaku kankhamulila insundo lyakwe Leza, ukuti mwawomvya insundo zyinu! ¹⁰ Musa watili, 'Chindika e wuso ne nyoko,' nga, wino akulanda uwuwipe we wisi ne nyina nadinye alifwa.' ¹¹ Kweni mukuti, ' Ndi umunthu akuti kwe yisi n nyina, '' chonsinye chino ningavwilizwa a kobani ( akuli kuti, 'chipwa che Leza) ¹² swinya musimuzumilizya ukupanga chimmwi ichakwe yisi ne nyina. ¹³ Tukulola ngati izwi lya kwe Leza lisi ni ntchito kweni amasundwe yitu yano awakwasi watulechela. Ni vivule mukuomba. ¹⁴ E Yesu ayita iwumba awanena ati, '' Yivwa kwe nene mwensinye swinya munjivwichisye. ¹⁵ Kusi nanthi chimwi kunzi chino chinginjila mwe weliwe chingamufisya. Nga chino chikufuma mwakwe weliwe achino chingamufisya. ¹⁶ Wino ali namakutwi ayivwe. ¹⁷ Pano Yesu waleka iwumba nga winjila mungánda, awasambilili wakwe wamukolowozizye ivya chili. ¹⁸ Yesu watili, '' Muchili mutani mwivwichisye? Mutakulola ukuti, chonsinye chino chinjila mu munthu ukufuma kunzi chitanga chimufisye, ¹⁹ umulandu chitangandi chinjile mumwenzo wakwe, kweni chikaya muwula wakwe apano chikaya choloni. Na mazwi yaa Yesu wati ichakulya chonsi chilichete. ²⁰ Yesu watili, '' Chino chikufuma mukasi mwe munthu achino chikumufisya. ²¹ Amuno mukasi mwe munthu, ukufuma mumwenzo, kukakwiza amelengania mawipe aya mukolelela, kukuzentha, uwakapoka, uwachikoma, ²² uwuzelele, ukufuka, nukuchita iviwipe ivyamisango misango, ukuchenjezya, ukukwelengula, uwuzuwa, ichinenenia, ichilumba nu wuwelewele. ²³ Vyonsinye iviwipe vyoo vikufuma mumunthu, avimukombezya. ²⁴ Yesu akatuka aya kunsi yino yapalamine nakaya ka Taya na Sidoni. Aya ayinjila mungánda, nanthi kulonda wumwi amanye ndi walinji kokonye, ukuwa naponye atavwamile. ²⁵ Paponapapo, umwanachi wino umwanakwe alinji nu muzimu uwuwipe ayivwa ivya kwe Yesu, aya kweneko nanthi kuzinguluka, afika apona pamanama yakwe. ²⁶ Nomba umwanachi weyo walinji a mu Giriki, umu Sayilofonisha. Alambilizya Yesu ukuti afumye umuzimu wuwipe mumwana wakwe. ²⁷ Yesu watolelela ati, '' Tutele tupe awana ichakulya pakutalika. Asa chizima ukusenda ichakulya cha wana ukusumbila imbwa.'' ²⁸ Apano umwanachi atolelela ati. '' Nadi, mfumu, nimbwanye ngayikala papipi napana awana wakulya, yikalya vino vikupona. ²⁹ Ngapano, Yesu amunena ati, '' Umulandu wa vino wavyanga, pitanga kumwinu. Umuzimu uwuwipe wafumwa mu mwana wako.'' ³⁰ Wayile kumwawo wazanile uwana alazile pachitala, umuzimu uwuwipe wufumile. ³¹ Yesu afuma munsi yino yipalamine ne Taya, wapitana ukuchila Sidoni ukuya kwe sumbi we Galileya ukufika mu Dekapolisi. ³² Wamwi awamutwalila umunthu wino walinji we puli swinya wewiwi, awalambilizya Yesu ukuti awike ikasa lyakwe pe weliwe. ³³ Achino Yesu amusenda wenga palwakwe, amufumya piwumba aya asomfya iminwe yakwe mumakutwi ya munthunye weyo, aswila amati akumvya ululimi lwakwe wino walinji wewiwi. ³⁴ Ngapano Yesu apunamila mwiyulu, ufutayika ayisya umwenzo, awati kwe weliwe, ''Efuphata,'' achili kuti '' Iyula!'' ³⁵ Paponapapo amakutwi ya munthu ayafunduka, nululimi lwakwe alusapuka atalika atalika ukulanda ichetenye. ^{36 37} Ngapano Yesu awakomelezya wonsi ukuti watize wavwanga chochonye kumunthu wumwi. Kweni pano wawakomelezyanga, apo nawo wapunda nkhani. Awanthu awazunguka, wavwanga wati, '' Vyonsinye wawomba ichetenye. Akuleka nawakutwi wakwivwa, nawa wiwi wakuvwanga.''