¹ Afuma kukaya ko walinji aya ku kaya kakwe, nawasambilizi wakwe awamukonkha. ² Awula uwanda wa Sabata wafika, watalika ukuwasambilizya mu Sinagogi. awanthu awavule wivwile awazunguka awati, ''' Azanile kwinye imisambilizye yoo? Ngamanochi yano yapwa kwe weliwe? Ngavizungusochi vino akuwomvya namakasa yakwe?'' ³ '' Wuzye wee asawekawazu wamiti, e mwana Mariya umunyina wakwe Jakobi ne Yosesi ne Yuda ne Simoni? Wuzye inkhazi zyakwe zisikwikala nasweswe monyemoo?'' Wizile awapunuzya umulandu wakwe Yesu. ⁴ Yesu awanena ati, '' Umutumwa asichindikwa mukaya kano wikala.'' ⁵ Atalinji nukuchita chimwi ichamaka ukufumiavye ukuwika amakasa pawalwale nu kuwapozya. ⁶ Wizile azunguka ukunthasuwila kwawo. Apano waya kutwaya tunji ukusambilizya. ⁷ apano wawita swinya awasambilizi wakwe ikumi nawawili awankhania wawili wawili, awapa amaka amaka ayakuchimvizya imizimu imiwipe, ⁸ Apo wawakomelezizye ati, '' Mutakasende nanthi chimwi ichakulya paulendo, kano insonzo nthupu, nanthi amukate, nanthi kusenda indalama mwitumba. ⁹ Lelo muzwale indyato, swinya mutazwale amalaya yawili. ¹⁰ Awanena ati, '' Ndimwiza mwinjila mung'anda yimwi amwikala momonye.'' ¹¹ Akaya konsi kokataliwapochelela nanthi kuti wivwe pakufuma pa masyo, syalani mwakuntha itukumbu kumatamba alyakuti luwe lusimichizyo kwakwe woliwo. ¹² Wafumile nukutalika ukuwizya kuwanthu ukuti watontholokwe ukufuma kuluwembu. ¹³ Wakalipizile imizimu imiwipe, nukuwapakazya amafuta nukuwapozya awalwale. ¹⁴ Imfumu Herodi ayivwa wonye, pakuti izina lya kwe Yesu alivwika insi yonsi. Apo wamwi watinji , '' We Yohani kabatizya azyulupusile, acho vyonsi vino akuwomba vikutuzyungusa.'' ¹⁵ Wamwi nawo watinji , '' We Eliya.'' awanji swinya watinji antchimi, nge antchimi imphindi zyakali'' ¹⁶ Walile Herodi wivwa ndivyo wowo watili, ''Yohani we namuputuzire umutwe wazyululupusile.'' ¹⁷ Vyo Herodi atuma ukuti wamuleme Yohani ukumutwala kuchifungwe pamulandu wakwe Herodiya (we walinji amukamuzuna wakwe Filipu) mo wamutwite. ¹⁸ Yohani anena Herodi ati, '' Wewe chitayanine ukuti wala emuka muzuna wako.'' ¹⁹ Nomba Herodiya wafuzilwe lyo wivwa alonda mukumukoma, nomba atawomvile wowo, ²⁰ Mo Herodi wamutinile e Yohani; walinji amulungamane swinya umutele, amusunga ichete. Awateyelezya kwe weliwe wizile afulwa nkhaninye, kweni ndiwivwa walinji ni chimwemwe. ²¹ Walile wafika uwanda wo wakwatizilwe Herodi apo wawasenganizizye ichakulya wasongowasongo awavita ni nthunguluzi zya mu Galileya. ²² Umwana umukazyana we Herodiya wizile mukasi awachinila swinya wamusechelisizye Herodi nawalendo awa pa chakulya. Imfumu ayiti kumukazyana, '' Landa chonsinye cho ukulonda nandi nkhupe.'' ²³ Amulapila ati, '' Chonsi cho ungavwamba kwe nene, ndikupa, ni chiputulwa chimwi icha ufumu wane.'' ²⁴ Wafumile panzi walande kwe nyina, '' Wuzye ningamulenga chani?'' Watili, '' Umutwe we Yohani Kabatizya.'' ²⁵ Ukwambula ukuzimba wapitisizye ukunyochela kwe mfumu, akolowozya ati, '' Nkulonda wewe umphe nene, nombanye, umutwe we Yohani Kabatizya mulupe.'' ²⁶ Chochalenzile Imfumu yayilulumbusya, atanga akane mowalapizile pa chakulya cha weni. ²⁷ Apo imfumu yatumile wumwi uwavita amupatichizya ukuti wamuletele umutwe wakwe Yohani. E kalindilila aya amuputula muvigololo. ²⁸ Walesile umutwe wakwe palupe amupa umukazyana, nawe umukazyana apa enyina. ²⁹ Awasambilili wakwe wati wivwa choo, wizile wasenda ichitumbi nukuwika mumanda. ³⁰ Awasambilizi wizile ponga ne Yesu nukumuwuzya vonsi vyowawomvile navyo wawasambilizizye. ³¹ Apo watili kwe weliwo, '' Fumani pakwe mwenga nukwikala pa masyo yanji nukupuza kamphindi katichi.'' Mo awavule wizanga nukupita watalinji nanthi amphindi iyakulya. ³² Apo wayile muwato kumasyo pakwe wonga. ³³ Apo awalola wakupita, wawakolania, awawasamalila ponga pamanama mukaya, awasamalila ponga pamanama mukaya, awasamala awawalechelela. ³⁴ Lyo wafika pambali, awalola iwumba alifwila inkhumbu mo walinji ngati ang'onzi zyozi sinumucheni. Apo watalisile ukuwasambilizya ivinthu ivivule. ³⁵ Lyo imphindi yasila, awasambilizi wakwe wayile kuweliwe nukuti, '' Yaa amasyo yoyayiwezile ni mphindi yasila. ³⁶ Watume wafume nukuya mutwaya totwaliwilizya umusumba ukukala vimwi vyo wangalya awenecho.'' ³⁷ Kweni awatolelela awati, '' Wapani vimwi ivyakuti walwe.'' Watili kwe weliwe, '' Tungaye tukale umukate uwakukwana imyanda amakumi yawili nukuwapa ukuti walye?'' ³⁸ Awawuzya ati, ''Muli nimikate yinga? pitani mukalole.'' Lyo wamanya, awati, '' Imikate yisano niswi ziwili.'' ³⁹ Awapatichizya wonsinye ukuti wikale pansi mutuwukutila pamasote awawisi. ⁴⁰ Awikala pansi mutuwukutila utwa myanda namakumi yasano yasano. ⁴¹ Wasenzile imikate yisano ninswi ziwili, apunamila kwi yulu asalifya apo amontola imikate apa awsambilizi wakwe awuzya awasambilili wakwe wape awanthu. Asenda ninswi ziwili asankhania awanthu. ⁴² Awanthu wonsi awalyaawikuta. ⁴³ Awasenda utuvongonyo twa mikate, ivitundu ivyizule, ikumi lyonga na yawili nutuvongonyo twanswi. ⁴⁴ Awanthu wano walile ichakulya walinji imyanda ikumi imphindi zisano. ⁴⁵ Paponapapo aleka awasambili wakwe Yesu awinjila muwato awakolela ukuya ku Betisayida, apano wasyala tuma iwumba. ⁴⁶ Watili wapita, wayile kumwamba mukupepa. ⁴⁷ Amanguzi uwato walinji pakasi pe sumbi, asyala wenga kuchitunthu. ⁴⁸ Alola kuno awasambili watamikanga pakusika uwato, amuno umuza wawalungime, achaleka kumachacha mwepwi ayiza kuweliwo, apita papela pe sumbi, awa ngati akasi awapitilile. ⁴⁹ Ukuwa lyo wamulola akupita papela pe sumbi, awelengania awati chitumbu awapunda, ⁵⁰ umulandu lyo wamulola wasayile. Paponapapo alanzile awati kuweliwo, '' Simphani! Anene! Mutati mutine!'' ⁵¹ Ayinjila mu wato mwe weliwo, nu muza awutekana. Awazunguka. ⁵² Avyo watilusile imisumba chino yasuzile. Imyenzo yawo yawomile. ⁵³ Lyo walamba, awaya munsi ye Genesareti, awanyepela uwato. ⁵⁴ Awala vino wafuma muwato, awanthu awamumanya nanthi kuzimba, ⁵⁵ Achaleka wasamalila munsi zyonsi awamutwalila wano walwile pavitala vyawo konsinye kuno wamwivwile. ⁵⁶ Monsinye mutwaya muno winjilanga mutwaya namuno wakazizyanga. Wamulenganga ukuti waleme nanthi amwinjilo wakwe, wonsi wano wamulemanga awapozile.