¹ Mwe watumphe wa Galatiya! Weweni wino wawavinile?Palinji apa minso yinu ni wumba pano Yesu Kristu wamuwisile pawuchingami? ² Achonye chino nalondanga insambilile ukufuma kwe mwemwe. Wuzye mwapochelizile e Muzimu umulandu wa ntchito pamwi pakusuwila vyo mwizile mwivwa. ³ Muchili mwatumpha? Mwatalisile nu Muzimu kanonzi mupelelechezye namaka yinu? ⁴ Wuzye mwa chulikanga pa vinthu ivivule ivyavye-ndi mwelimonye vyalinja avyavye? ⁵ Wuzye wino akawapa Umuzimu swinya awomba ivizyungusyo mwe mwemwe akawomvya amasundo, pamwi ukwivwichisya nulusuwilo? ⁶ Kano muno Abrahamu '' wasuwilanga Leza acho Leza wamupochelezile ngati amulungamane,'' ⁷ achili chonga, ivwichisyani, awa suwilo awali awana wakwe Abrahamu. ⁸ Amazwi matele yavwanzile kali kuno Leza alilungamika amakandi muno suwilo, achaleka amazwi mateleayano yawilizilwe kwe Abrahamu kalikali ayakuti, '' Mwakwe wewe amuno insi yonsi yili lotwa.'' ⁹ Achili chino, awasuwilo wakalotwa ponga ne Abrahamu umunthu uwa suwilo. ¹⁰ Wonsi wano intchito zyawo zyeyalamila amasundo awatipwe; amo kwawalikwa, '' Amutipwe wonsi wino atakutonthela amasundo yano yawalikwa mwe kalata wamasundo swinya nawoliwo, nukukonkha.'' ¹¹ Ukuwa chamanyikwa kuno pasi nanthi wenga wino walungamikwa pa minso yakwe Leza namasundo, umulandu '' awalungame wali yikala mulusuwilo'' ¹² Amuno amasundo asayamu lusuwilo, kweni, '' Umunthu wino akachita intchito zya masundo akakwikalila kwe yoliyo.'' ¹³ Ukuwa Kristu watukomola kukutipwa kwa masundo pakuwa alutipo kwe sweswe - amuno chawalikwa, ''amutipwe wensi wuno akayinyepelela pa muti'' - ¹⁴ Alyakuti ukulotwa kwe Abrahamu kuwe kuwa makandi mwe Kristu Yesu, ukuti mulisuwilo tufwile tupochelele ilayano lye Muzimu ¹⁵ Wanawitu, lekani invwange muwunthu. nanthi mwawa mwilayano mwisundo, pasi wino angafumya kweneko pamwi ukonjelezya. ¹⁶ Nomba ilayizyano lyanenilwe kwe Abrahamu nawikwatwa lyakwe. Chitakuti, '' Kuwikwatwa,'' Ukuvwanga kuwavule, kweni mumalo yakwe wenganye, '' nuwikwatwa lyakwe, '' wino we Kristu. ¹⁷ Chino nkhuwanena achoo: Isundo, lino lyizile, imyaka imyanda yini namakumi yatatu(430), litangandi lyonone ifingo lino Leza wawikapo kali. ¹⁸ Amuno ndi chino chikupanwa chikwiza nisundo, fwandi lye chisifuma kwilayizyo lwakwe. Ukuwa Leza wapile Abrahamu kwi layizyo. ¹⁹ Nga, fwandi, amasundo yalinji ya chani? Yonjelezizye kukulanjizya amawembu, ukufika pano uwikwatwa lyakwe Abrahamu yangiza kwe wino walayizwe. Amasundo yizile yawa namaka pakuwomvya awangelo nawino aliwavwilizya. ²⁰ Nomba uwakwavwilizya kukawa pawanthu awavule, kweni Leza ali wenganye nsu. ²¹ Wuzye fwandi amasundo yakavulungania ilayizyo lyakwe Leza?Awe nanthi katichi! Avino ndi isundwe lyapiwa ukuti lipe uwumi, fwandi uwulungame nge wizile nisundo. ²² Kweni izwi lyanyepa vyonsinye pansi pa luwembu, Leza wachitile vyoo ukuti atupususye mu lusuwilo mwakwe Yesu Kristu lumwi wangapelwa wano wali ni suwilo. ²³ Ukuwa pano isuwilo, lyachilinji ukwiza, yatwiyalizile swensinye pansi pisundo, muvingololo lisuke isuwilo lyize liwumbulike. ²⁴ Achaleka twasungwanga namasundo asuka Kristu ayiza, alyakuti tulungamikwe nulusuwilo. ²⁵ Achino kononzi pano isuwilo lyiza, tutalemwa namasundo. ²⁶ Muno mwensinye amwe wana wakwe Leza ukupitila mu lusuwilo mwakwe Kristu Yesu. ²⁷ wonsinye wano wabatizizwe mwakwe Kristu mwayizwika nu Kristu. ²⁸ Achaleka pasi umu Yuda nanthi mu Griki, umuzya nanthi amwanangwa, umonsi nanthi amwanachi, mwensinye awuliwonga amuno muli mwakwe wenga e Kristu Yesu. ²⁹ Avino ndi mwe wakwe Kristu, mwe likwatwa lyakwe Abrahamu, swinya chipenwa fwe ilayizyo.